استعراض لعبقرية لورد جون تالبوت
اسلوبه الحربي، استخدام التمويه في العصور الوسطى، و الحنكة الحربية بدون معارك.
اسلوبه الحربي، استخدام التمويه في العصور الوسطى، و الحنكة الحربية بدون معارك.
مقدمة.
فرنسا القرن 15 بأواخر حرب المئة سنة. في ملكين الحين يتحاربون على سيطرة فرنسا، الانجليزي هنري السادس، ولد هنري الخامس الي بغزواته بفرنسا اجبر ملكها يخلي ولده وريثها الشرعي، و الفرنسي تشارلز السابع الي ما يعترف بالاتفاقية الي سواها ابوه قبل موته مع هنري الخامس
فرنسا القرن 15 بأواخر حرب المئة سنة. في ملكين الحين يتحاربون على سيطرة فرنسا، الانجليزي هنري السادس، ولد هنري الخامس الي بغزواته بفرنسا اجبر ملكها يخلي ولده وريثها الشرعي، و الفرنسي تشارلز السابع الي ما يعترف بالاتفاقية الي سواها ابوه قبل موته مع هنري الخامس
بعد موت هنري الخامس في 1422 اخوه دوق بيدفورد و جنراله إيرل ساليزبري مسكوا الحرب بفرنسا لين موتهم
و بعد موتهم صار جون تالبوت القائد الاعلى للعمليات العسكرية بفرنسا و جا دوره يثبت انه اعظم جنرال انجليزي سمعة و تكتيك
و بعد موتهم صار جون تالبوت القائد الاعلى للعمليات العسكرية بفرنسا و جا دوره يثبت انه اعظم جنرال انجليزي سمعة و تكتيك
النظام الحربي.
بالنص الاول من الحرب كانوا الانجليز يجمعون جيشهم و يسوون غارات كبيره، يحرقون ويدمرون مئات المدن والقريات و كل شي بطريقهم ويجبرون الفرنسيين يواجهونهم بمعركة حاسمة
التكتيك ذا ماكان مغزاه تستفز خصمك و تجبره يواجهك بس
بالنص الاول من الحرب كانوا الانجليز يجمعون جيشهم و يسوون غارات كبيره، يحرقون ويدمرون مئات المدن والقريات و كل شي بطريقهم ويجبرون الفرنسيين يواجهونهم بمعركة حاسمة
التكتيك ذا ماكان مغزاه تستفز خصمك و تجبره يواجهك بس
عشانك دمرت كل ذي الاراضي و المستوطنات بتاثر على اقتصاد عدوك بقوة، عشان تجارته و مزارعه كل شي بيتتاثر و اهم شي انه مابيقدر يجمع ضرائب من المناطق الي دمرتها
و غير الضرر الي بتسويه بتكون اخذت اطنان غنايم تدفع فيها رواتب جنودك او تجند جنود اكثر او تشتري مرتزقة
و غير الضرر الي بتسويه بتكون اخذت اطنان غنايم تدفع فيها رواتب جنودك او تجند جنود اكثر او تشتري مرتزقة
بس بالربع الاخير كل شي تغير مافي غارات انجليزية من ذا النوع، بالعادة الحرب بين الطرفين تحولت لعمليات عسكرية صغيرة هدفها حصار مدن و قلاع و اذا صارت معارك تكون صغيره مو على مستوى النص الاول للحرب
الطرفين بذا الوقت يركزون على تقسيم قواتهم لفرقات،كل فرقة عندها هدف تحاصر مدينة او قلعة
الطرفين بذا الوقت يركزون على تقسيم قواتهم لفرقات،كل فرقة عندها هدف تحاصر مدينة او قلعة
و كذا استمرت الحرب لفترة، تحاصر مدن و قلاع و تغزوها و ترجع تخسرها و ترجع تحاول مره ثانيه تاخذها، من اسباب تحول الحرب لذا الشكل هو الفرنسيين تعلموا من غلطهم جربوا كثير يدخلون معارك مباشرة مع الانجليز و حتى باعداد ادبال الانجليز كانوا يخسرون بقوة
و بوسط ذا النظام الحربي تالبوت اثبت نفسه، اسلوبه الحربي كان مميز عن باقي جنرالات وقته، دايم بعدد جنود صغير يثبت نفسه، بالمئات بعض الاحيان و يتحرك بسرعة و يراوغ الفرنسيين و يضرب باكثر مكان مايتوقعونه باكثر وقت مايتوقعونه، كان شبح بأقل عدد جنود يقدر يحتل اي قلعة و مدينة ترسله عليها
ذا الاسلوب و قوته بالحصارات و مفاجئة جيوش الفرنسيين جاب له سمعة مرعبة لدرجة بعض القلاع اذا سمعوا تالبوت جاي علطول يفتحون البوابة يدرون مافي امل يصمدون
اذا جيش فرنسي سمع تالبوت جاي لهم القشعريرة تنتشر بصفوفهم. الموضوع وصل حتى لامهات الفرنسيين صاروا يخوفون اولادهم باسم تالبوت
اذا جيش فرنسي سمع تالبوت جاي لهم القشعريرة تنتشر بصفوفهم. الموضوع وصل حتى لامهات الفرنسيين صاروا يخوفون اولادهم باسم تالبوت
و الحين بنشوف اثبات لذا الكلام و تطبيق لاسلوبه الحربي ب حملتين له و بشرحهم بالتفصيل
حنا الحين بشتاء سنة 1437 تالبوت عمره 50 و جالس بقاعدة عملياته مدينة روان يخطط لعمليته الجايه بالحرب
خطوته يحتل قلعة بونتوز عشانها قريبه لباريس و مركزها على نهر الواس الي يفصل بين روان و باريس. يبي بونتوز عشانها بتكون مركز عمليات قوي و بوابة لهجماته على باريس
خطوته يحتل قلعة بونتوز عشانها قريبه لباريس و مركزها على نهر الواس الي يفصل بين روان و باريس. يبي بونتوز عشانها بتكون مركز عمليات قوي و بوابة لهجماته على باريس
بونتوز كانت محمية بقوة، تشارلز يعرف قيمتها و مزودها بجنود و موارد كثير، تالبوت بدا حملته و طلع من روان ب 400 جندي بس، ذا الشايب المجنون يشوف 400 جندي كفايه يحاصر فيها اقوى قلعة بالمنطقة و فوقها بالشتاء الي من قوته تجمدت الانهار
الي يشوفه بيقول ذا مجنون او غبي وش يبي يسوي؟
الي يشوفه بيقول ذا مجنون او غبي وش يبي يسوي؟
اول شي سواه ارسل فرقة 12 رجل متنكرين بشكل تجار يعبرون نهر الواس المتجمد من الشمال و يلتفون و يدخلون بونتوز، ليه؟ عشان يدخلون المدينة من جانب طريق باريس و ذا مابيخلي الفرنسيين يشكون انهم جواسيس عكس لو عبروا من جهة روان بيدرون بسهولة انهم عملاء انجليز جايين يتجسسون او يسوون شي اكبر
الفرقة الاولى دخلت بونتوز، الحين تالبوت بالصباح وصل قريب لبونتوز و صنع فرقة ثانية، ذي الفرقة الي بيصدمك فيها خلاهم يلبسون لبس ابيض عشان يندمجون مع الارض الي كلها ثلج غزير، اول مره اشوف استخدام التمويه بالحرب بذا الوقت.
ذي الفرقة حملت معها درج عشان تصعد الجدران
ذي الفرقة حملت معها درج عشان تصعد الجدران
فرقة التمويه وصلت للجدران، صعدتها و دخلوا القلعة يأمنون الموقف للخطوة الجايه، الحين الفرقة الي كانت متنكرة بشكل التجار فتحوا البوابة لباقي جنود تالبوت بالخارج و صرخوا "لورد تالبوت، القلعة لنا" و كل ذا صار و كبتن القلعة تو يصحى من النوم و هرب مع جنوده، تالبوت ماخسر جندي واحد حتى
تالبوت بساعات بس، بتحويل الطقس الي مفروض انه مشكلة الى وسيلة و بالتخطيط العبقري و التوقيت الممتاز بين الفرقتين و وقت الهجوم قدر ياخذ قلعة مستحيل انه يقدر ياخذها، كذا تالبوت يضرب باكثر وقت ماتتوقعه من اكثر مكان ماتتوقعه باكثر وسيلة ماتتوقعها، استخدامه للتمويه ماقدر امدحه كفايه
الحملة الثانيه، حملة الانهار
انتقلنا ل 1441 ملك فرنسا تشارلز السابع بكبره مع جنرالاته طلعوا من باريس ب 5 الاف جندي و حاصروا بونتوز، تالبوت سمع الخبر و مع دوق يورك نسيب الملك الانجليزي زحفوا لبونتوز ب الفين او 3 الاف جندي، الفارق مايهم عند تالبوت و كل ماقل العدد زادت سرعة الحركة
انتقلنا ل 1441 ملك فرنسا تشارلز السابع بكبره مع جنرالاته طلعوا من باريس ب 5 الاف جندي و حاصروا بونتوز، تالبوت سمع الخبر و مع دوق يورك نسيب الملك الانجليزي زحفوا لبونتوز ب الفين او 3 الاف جندي، الفارق مايهم عند تالبوت و كل ماقل العدد زادت سرعة الحركة
تشارلز و جنرالاته يدرون بالضبط من ذا الي جاي لهم و بنشوف الحين كيف ملك فرنسا بنفسه يتعامل معه.
الفرنسيين شافوا تالبوت جاي لبونتوز و علطول انسحبوا ورا النهر، تالبوت وصل بونتوز، دخل الموارد للقلعة و بعدها طلع و نشر جيشه مقابل الفرنسيين و ارسل رسالة للملك يقول فيها بعبر النهر غصب
الفرنسيين شافوا تالبوت جاي لبونتوز و علطول انسحبوا ورا النهر، تالبوت وصل بونتوز، دخل الموارد للقلعة و بعدها طلع و نشر جيشه مقابل الفرنسيين و ارسل رسالة للملك يقول فيها بعبر النهر غصب
تشارلز نشر جنوده على ضفة النهر و جلس ينتظر يدري حتى مع تفوق الانجليز بخبرة الجنود مايقدرون يعبرون، من بديهيات الحرب ماتهجم على جيش بينك و بينه نهر الا بحالات تعتمد على اشياء، بسبب النهر يعطي افضلية دفاعية قوية اذا جيش بيعبره و يهجم بيعاني بالعبور خصوصا اذا النهر عميق و عريض
بتضطر تعبر نهر يوصل ماءه لبطنك على الاقل و تكون تحت مطر من الاسهم و بعدها اذا قدرت توصل لضفة النهر تطلع و تتصادم مع جدران دروع و رماح، شي مستحيل بعدد جنود صغير، مشكلة كبيرة وش الحل الي بيفكر فيه جنرال كبير؟
الحل تالبوت بيسوي مناورة عظيمة تحسسك انه درس فن الحرب عند نابليون
الحل تالبوت بيسوي مناورة عظيمة تحسسك انه درس فن الحرب عند نابليون
المناورة تالبوت بينسحب و يتحرك للشمال بعيد عن نظر تشارلز و يلتف شرق و يعبر النهر من ورا بلدة بومونت.
بس لحظة، بومونت فيها جنود فرنسيين كيف بتعبر النهر؟ اذا عبرت بينتظرون جزء من جيشك يعبر و يطلعون بسرعة و يضربون تالبوت من ورا بهجمة صادمة بوقت الانجليز مايقدرون ينظمون صفوفهم
بس لحظة، بومونت فيها جنود فرنسيين كيف بتعبر النهر؟ اذا عبرت بينتظرون جزء من جيشك يعبر و يطلعون بسرعة و يضربون تالبوت من ورا بهجمة صادمة بوقت الانجليز مايقدرون ينظمون صفوفهم
مشكلة ثانية و حلها يشرح لك حنكته، تالبوت صنع فرقة صغيرة ماندري كم العدد بس راحت تسوي هجوم قوي على جدران بومونت و شتتوا المدافعين
بنفس الوقت تالبوت التف بدون مايدرون و عند النهر استخدم قوارب مصنوعة من جلد يحملها الجيش دايم، حط القوارب بشكل مستقيم و ربطوها ببعض و عبروا فوقها
بنفس الوقت تالبوت التف بدون مايدرون و عند النهر استخدم قوارب مصنوعة من جلد يحملها الجيش دايم، حط القوارب بشكل مستقيم و ربطوها ببعض و عبروا فوقها
و بذي العملية بتنظيم و توقيت و سرعة حركة ممتازة قدر يعبر بدون مشاكل، الحين تحرك على موقع تشارلز، و تشارلز من جديد مايبي معركة و عبر النهر من جديد و هرب للجنوب و عبر جسر بويسي و جلس عندها
تالبوت عبر النهر و كمل المطاردة لين جسر بويسي، على الجسر صارت اشتباكت بين الجيشين و الانجليز تراجعوا ماقدروا يسوون شي، المهم تالبوت و يورك طفشوا وش السالفه داخلين حرب ولا يلعبون توم و جيري يبون حل ينهي الموضوع بسرعة
و هنا من جديد اشتغل مخ تالبوت و صنع خطة مو من ذا العصر، الجيش الانجليزي بينقسم لفرقتين و بعمليتين منفصلين بيحشرون تشارلز. تالبوت بياخذ الف جندي و بمناورة طويلة بيعبر النهر بالليل من الغرب و يزحف على موقع تشارلز
و المناورة ذي مابتكون سهلة فرقة تالبوت لازم تعبر نهر و تزحف 27 كيلومتر بليلة وحده بس و بعد الزحف يقاتلون، شي مجنون بس لذا القائد الجنود بيسوون اي شي يطلبه، الفكرة بالمناورة مو انه يطيح على تشارلز و جيشه كله نايم، مستحيل بسبب الحراسة و دوريات المراقبة، تشارلز يعرف من جالس يواجه
فكرة المناورة ذي مبنية على توقع ان الجيش الفرنسي بيكتشف زحف تالبوت قبل مسافة بسيطة من معسكرهم و ينصدمون و يخافون، مايدرون كم الاعداد الي مع تالبوت و بيهربون، بيعبرون النهر من جديد و يتحركون شرق على مدينة سان ديني و يرجعون باريس، و ذا الي يبيه تالبوت
دوق يورك (بالاصفر) بيعبر النهر من جديد و يوقف عند كونفلانس و ينتظر، و اذا توقع تالبوت كان صح و عبر تشارلز النهر يورك بيتحرك بسرعة و يفاجئ الملك بوسط زحفه للشرق، بيطيح على الملك و بتبدا المعركة اخيرا و بموقف بيكون الجيش الفرنسي مو مستعد له و متشتت و بتبدا الفوضى
و الخطة ماتوقف هنا، بعد مايضرب يورك تشارلز و يثبته بمكانه تالبوت بيعبر النهر بعد و يضرب الجيش الفرنسي من ورا، و كذا بتحصل تكتيك كماشة للتاريخ بخطة ماتدخل عقل جنرال من ذا الوقت، تشارلز بيكون طاح بفخ مستحيل ينقذ جيشه منه
خطة ختمت التعقيد و مبنية على توقعات صعبة، تتوقع من اي جهة بالضبط بيعبر تشارلز النهر و وين بيروح، تتوقع يورك بيقدر يعبر النهر و يلحق يتصادم مع تشارلز، عمليات مناورة زي ذي تحتاج دقة مو طبيعية بالتوقيت و السرعة بين الفرقتين و اقل حساب غلط يخربها
المهم بدات العملية تالبوت عبر النهر و وصل بويسي بالفجر، الانجليز يقولون من كثر سرعة تحرك تالبوت و قوة الصدمة الي جت تشارلز لمن الانجليز دخلوا غرفة ملابس حصلوا ملابس نومه للحين دافية، توقع تالبوت كان صح تشارلز هرب و عبر من المكان الي توقعه بالضبط، و الحين جا دور يورك يعترضهم
بس للاسف يورك تأخر ماوصل الا و الجيش الفرنسي بعيد رايح لباريس، و لمن تشارلز وصل باريس حصل اهانات كبيرة من الشعب على هروبه، الملك الجبان الي يهرب من نهر لنهر.
و كذا انتهت حملة الانهار، و لانها بدون معركة ماتحصل اهتمام كبير من علماء و قارئين العصور الوسطى
و كذا انتهت حملة الانهار، و لانها بدون معركة ماتحصل اهتمام كبير من علماء و قارئين العصور الوسطى
ذا الي بالغالب يجيه الاهتمام، الحصارات و المعارك. المناورات المعقدة و الاستراتيجية و كيف تجبر الخصم يدخل معركة مايبيها او تحشره بين جيشين ماتحصل اهتمام كفايه، و تالبوت بذول الحملتين بس الي يعتبرون جزء بسيط من تاريخه يثبتون لنا اشياء كثير يختص فيها
مثل لاي درجة هو محترف بحرب السرعة و خداع الخصم و المباغتة و توقع كل تحركاته و ردات فعله، و قدرته بتصميم خطط معقدة قوية و بأقل عدد جنود يصنع المستحيل، بس مشكلته ماصار الجنرال الاكبر للانجليز الا بوقت متاخر و ما قاد الا معركتين و خسرهم لاسباب بالغالب هو مو سببها
لو يورك كان سريع و ماخذل تالبوت كان احتمال التاريخ يتغير هنا، مثل ماقال الاسقف بازن الي سجل لنا ذي الحملة "لو خطة تالبوت نجحت، مافي شي بينقذ الملك" احتمال تالبوت يكون دمر الجيش الفرنسي بالكامل و أسر تشارلز و جنرالاته و يتغير مستقبل الحرب لفوز انجليزي
و حتى لو الملك قدر يهرب بس جيشه تدمر ذي الحملة بتدخل التاريخ على انها وحده من اذكى الحملات و خطة تالبوت بتكون مثال على الخطط و المناورات العبقرية، بس دام يورك ماضبطها صارت ذي الحملة شي على الهامش ماتحصله الا بكتب تتفصل باصغر تفاصيل حرب المية سنة
اخر شي بقوله هو كيف عقليته الحربية سابقة عصره، فكرته بتقسيم الجيش لفرقتين و لكل وحده هدف تكتيكي منفصل بس مرتبط بالهدف الرئيسي بخطة حشر تشارلز كان شي مو عادي قبل العصر الحديث بايام نابليون و بعده، بعض الجنرالات العظماء طبقوا ذا الاسلوب حتى بالعصور القديمة بس شي نادر نادر
جنرال عادي من وقته مابيسوي شي غير يترك جيشه قطعة وحده و يحاول يعبر النهر او يهجم على الجسر و ذا الي تسميه منهج مباشر بالحرب، شفت العدو خلاص مباشرة بكل جيشك واجهه، تالبوت بخطته سوه العكس و مزج بين تكتيكين من العصر الحديث، التقسيم و تقترب بطريقة غير مباشرة
مثلا بمناورة تالبوت النية يقترب من تشارلز بطريقة غير مباشرة بهدف يربكه و يخليه يهرب و يرمي نفسه بالفخ بموقف يكون فيه مو متوازن، و بالمناورة الثانيه يورك يثبت تشارلز بمكانه، و بالثالثة تالبوت يجي من ورا و يقفل الفخ عليهم، خطة تطبق تكتيكين سابقين لعصره بافضل شكل
و عشان كذا اشوف تالبوت جنرال اكبر من انه ينولد بالعصور الوسطى، وش كان بيسوي و وش بيكون تاثيره على التاريخ لو انه كان واحد من جنرالات نابليون الي حتى هو انخذل كثير من من جنرالاته بتطبيقهم لخططه المعقدة
و ذا كل التحركات الي صارت بحملة الانهار بصورة وحده، برسم و تحليل الكولونيل الفريد برن الي مشارك بالحرب العالمية الاولى و الثانية
الي شفناه بالثريد ذا لمحة بس من انجازات و حياة تالبوت بالحرب، الباقي يمكن بوقت ثاني ندخل بتفاصيله.
حملتين شفنا بس و مفروض يكفون عشان تفهم ليه الفرنسيين سموه اكيليس الانجليزي (اعظم بطل بخرافات اليونان) و ليه كانوا يخافونه و يحترمون قدراته العسكرية
حملتين شفنا بس و مفروض يكفون عشان تفهم ليه الفرنسيين سموه اكيليس الانجليزي (اعظم بطل بخرافات اليونان) و ليه كانوا يخافونه و يحترمون قدراته العسكرية
و كفايه تفهم ليه الانجليز كانوا يشبهونه بهرقل، مثل ماقال شكسبير بمسرحية هنري السادس: "و لكن، اين هرقل ارض المعركة العظيم؟ الصنديد لورد تالبوت"
:المصادر
-Alfred H. Burne, The Agincourt War
-Hugh Talbot, The English Achilles, the Life and Campaigns of John Tablot
-Desmond Seward, The Hundred Years War: The English in France 1337-1453
حملة النهرين مو موجودة بكتاب ديزموند👆
و اذا فيه سؤال قوله
-Alfred H. Burne, The Agincourt War
-Hugh Talbot, The English Achilles, the Life and Campaigns of John Tablot
-Desmond Seward, The Hundred Years War: The English in France 1337-1453
حملة النهرين مو موجودة بكتاب ديزموند👆
و اذا فيه سؤال قوله
جاري تحميل الاقتراحات...