ليه الشخص اللي معاك فقد حماسته تجاهك في نص العلاقة بعد ماكان طاير بيك للسماء و معاملته تغيرت جذريًا معاك؟
١ - الشخص بيفقد حماسته لإنه بيرجع لطبيعته. الطبيعي بتاعه مش الشخص اللي كان عليه معاك ف البداية، و دة مش بالضرورة يكون معناه انه " بيخدعك " بس هو فعلًا كان مبسوط بيك، و...
١ - الشخص بيفقد حماسته لإنه بيرجع لطبيعته. الطبيعي بتاعه مش الشخص اللي كان عليه معاك ف البداية، و دة مش بالضرورة يكون معناه انه " بيخدعك " بس هو فعلًا كان مبسوط بيك، و...
الدنيا كانت تمام بالنسبة له و اللي عمله معاك كان حقيقي فعلًا بالنسبة له بس دي مش طبيعته. الطبيعي بتاعه هو الشخص اللي انت شايفه دلوقتي، لو هو متملل و زهقان و بارد؟ ف دة الطبيعي بتاعه، لو هو عامل مسافة بينه و بينك دلوقتي و بيعزلك عنه؟ ف دة الطبيعي بتاعه، ايًا كان اللي انت شايفه؟
ف هو الطبيعي بتاعه. و زي ماقلتلك! هو مش بالضرورة يكون بيخدعك او بيزيف اللي انت شفته منه ف البداية، هو كل اللي حصل؟ انه خرج برا حدود الطبيعي بتاعه شوية و رجع تاني. طيب هتقولي ليه يرجع تاني؟ عشان الطبيعي بتاعه هو اللي بيحسسه بالأمان و مش هيكسر نظامه عشانك، النظام دة عشان يتكسر؟
محتاج مساعدة متخصص. لكن خناقاتك و صراعاتك معاه عشان يرجع للنسخة اللطيفة اللي كانت بتدللك و قريبة منك ف بداية علاقتكم؟ مش هتوصلك لحاجة، انت مهما حاولت تعمل عشان ترجع النسخة دي منه؟ مش هتعرف تسترجعها لإنها مش بتيجي بالخناقات، ف مهم تبقى واعي ان الخناقات مش هتوصلك لحاجة.
٢ - ان الشخص يكون فعلًا اتعمد يزيف نسخة من نفسه عشان يصطادك و بعد ما يصطادك؟ يقلب عليك و في الحالة دي احنا بنتكلم عن الشخصيات النرجسية و ال psychopaths و غيرها من الشخصيات المتلاعبة. مافيش حد هيتعمد يصطادك و مش هيكون نرجسي، الصيد دة لعبتهم عمومًا.طيب هتعرف ازاي ان الشخص دة نرجسي؟
بيكون الشخص عنده افتقار للتعاطف ف مش بيفرق له وجعك و مشاكلك و مرضك و بيحسدك و بيغير منك و بيقلل منك و بيهينك و بيتواقح عليك و بياخد متعة من انه يأذيك و بيقول ان عندك العيوب اللي هي عنده اساسًا و عنده احساس بالعظمة و شايف انه مابيغلطش نهائي و بيلومك على اغلاطه.
جاري تحميل الاقتراحات...