#ثريد
عمرك سمعت عن قاع الصير المسكون بالجن في السعودية وتحديدًا في مدينة حائل ☠️:
عمرك سمعت عن قاع الصير المسكون بالجن في السعودية وتحديدًا في مدينة حائل ☠️:
قاع الصير منطقة موجودة في المملكة العربية السعودية وتحديدًا في حائل هذا القاع معروف ان مساحته جداً كبيره وفي شي يصير في هذا القاع غريب انه في وقت المطر يمتلي كله بالمياه يصير شكله كأنه بحيرة و الغريب في الموضوع انه في فتره جداً قصيره المويه تختفي و الارض تصير جافة
و الغريب ايضاً ان هذي المنطقة ما يطلع فيها الأشجار رغم ان الارض تشرب الماء بكميات كبيره جداً ،وغير هذا اشتهر هذا المكان بأنه تسكنه الجن وفي قصص كثيره تكلمت عن هذا القاع في منها يقولون عنها واقعيه وفي منها يقولون عنها اسطوره
ولكن في قصه دارت بين الكل و الكل مصدقها ويقول انها واقعيه ، تبدا القصه ان في رجل راجع من حائل حق ديرته وكانوا اهله يسكنون في جبل يسكن شمال الشملي القصه قديمه جداً الوقت هذاك ماكان في سيارات وماكان في طيارات وكان الشخص الي يبي يرجع حق اهله كان يركب الجمل ويروح
وهذا الرجل كان راجع وحده ودخل عليه الليل في منطقه قاع الصير وكان وقتها وقت برد وشتاء وتعرفون قوه برد حائل ، بعدها قرر انه ينام في هذا المكان لان مو قادر يكمل طريقه فجاة شاف بيت شعر وقال بيروح عندهم على انه ضيف وبينام عندهم وبعد ما وصل عندهم نوخ البعير الي معه وربط البعير
بعدها طلع واحد من بيت الشعر يرحب فيه وصف هذا الرجال انه كان رجل كبير في السن وكان شعره طويل ولحيته طويله لدرجة انك تحس شعره مع لحيته مختلطين مع بعض وكان هذا الشخص طيب ورحب في الضيف وقدموله القهوه وبعدها العشاء
ولكن ماكان يدري انه جالس في بيت شيطاني بيت كل الي فيه جن ، وقت ماكان بينام دخل عليهم واحد شاب وكان شكله غريب وكان يحك جسمه بطريقه غريبه ويتحرك بشكل غريب وسريع سأله ابوه وين كنت وليش تأخرت لهذا الوقت قاله كنت عند فلان واشعلت الفتنه بينه وبين زوجته وخليته يطلقها ورد عليه ابوه ان هذي دايم عوائده
ومراح تتوب من هذا الشي ، وكل هذا قاعد يصير قدام الضيف الي عندهم وقاعد يسمع و الشي الي صدمه ان هذا الشخص الي تكلمه عنه يعرفه شخصيًا انصدم ، وبعدها نام على الفراش وبعدها قام الصباح يبي يصلي صلاة الفجر ولكن انصدم انه نايم في خلى وفي البر وعلى التراب لا تحته فراش ولا غيره اختفى كل شي حوله كان في بر على مد البصر ولا يوجد اي كان حي حوله وكان البعير مختفي موموجود وبعد عناء طويل حصل البعير بعيد عنه شوي
بعدها ركب البعير ورجع لديرته وهو راجع جلس يفكر انه الولد الي جاء هو من الجن الي يسوسون في صدور الناس عشان كذا الرجال كان مصدوم جداً وكان كل الي في باله برجع ديرتي و اشوف هذا الشخص الي هو فلان الي طلق زوجته ويبي يتأكد انه هو طلق زوجته ولالا ، وصل ديرته وكلم زوجته وسألها عن اخبار الديره
وفجاة زوجته تخبره ان الشخص الي يعرفه طلق زوجته وحصل بينهم خلاف ، هنا عرف انه ماكان يتوهم او يتخيل ، وعرف انه كان نايم ليله كامله في بيت الجن و الشياطين
النهاية:
النهاية:
جاري تحميل الاقتراحات...