اعرف وحده من ١٥ سنه تدعي تقريباً او اكثر ب شوي وما بقت ولا خلت شيء ما سوته ، والامر اللي تدعي فيه هي محتاجته جداً ، وكانت كل ما تدعي يتعكس الأمر ويتعقد معاها ، تخيلوا تصوم مثلاً وتدعي بعد المغرب ينعكس، تعتمر وتدعي من قلب وتنعكس ، تصلي قيام وتسلّم ينعكس، بعد الصدقه ع طول ينعكس!
وتعرفون الارهاق وصدمه الانسان كل م يلاقي العكس خصوصا بعد الحاح طويل،والله ع م اقول شهيد اعرفها ومقرّبة مني جداً امرها كان السعي الوحيد فيه التقرب من الله فقط م فيه اشياء حسيّة او اسباب تقدر تاخذها عشان تسعى ويتم الامر هذا ، ولا بقت شيء زي م قلت ، وكانت تستخير دايم وتدعي وانا معها
وتشوف منامات مبشّرة بفرج هذا الامر والكل يسخر منها انه مستحيل وممكن خيره م يصير وان الله م يحبها وكلام كثير مليان سوء ظن بالله وكنت لما اكلمها اسمع بحة صوتها واعرف انها بكت ودعت وينحرق قلبي وادعيلها،مرات تضعف مرات تقوى مرات تقول قدر ومكتوب ومرات ترجع وهكذا طول سنينها..
و الوضع كان مبهّم جداً بالواقع يسوء ولا فيه أمل بانفراجه ونادراً يعني تشوف منامات لكن كلها تبشرها بالفرج ولو انها قليله، المهم بلحظه وفي وسط العكوسات الله استجاب زي ما تتمنّى وانفرج هذا الامر بعد كل هالسنوات وعرفت حكمة الله من التأخير وتعلّمت أمور كثيره جداً
الشاهد من القصه طول المده للاستجابه م يعني عدمها، الله حكيم في وقت الاستجابة ، الله م يكرهك ولا يشوف دموعك وكسرة قلبك و يخليك حاشاه ، الله طالما وعدك وبشّرك؟ حتى لو كل اهل الارض وقفوا ضدك بيعطيك م بشرك به حتى لو كل المعطيات صفر، اليقين مو وهم ولا احلام ورديه ، الصبر مفتاح الفرج..
الله يحبك ويحب الدعاء جداً ، الدعاء معجزه الله في ارضه ، لا يحبطك كل الناس اللي م عندهم ايمان او يقين ولا يأثر فيك ، لا تربط قدرك باقدار غيرك ، الرضا بيهون عليك وطول وقت الكرب وانتظار الفرج انت مأجور و ربي يحب صبرك وانك تحسن الظن رغم م تشوف شيء يتغيّر ، امر الله نافذ🤍
فيه اشياء كثيره جداً مالها اسباب الشخص يقدر ياخذ فيها مثل الهدايه، مثل الشفاء من مرض مستعصي الكل نفض يده من انك تشفى منه والعلاجات م تجيب معه نتيجه ،زي العقم ، وكثير اشياء ، وحتى الاشياء اللي لها اسباب مرات الله م يحط ف الاسباب نفع فتلجأ له سبحانه وتاخذ بالاسباب من باب الاخذ فيها
لذلك من فتحت هالحساب اقول لا تيأس لو مالك سبب تبذله غير الدعاء لإنه هو الأصل ولو في يدك سبب لا تخليه وتقول بس ادعي لا ادعي و توكل ع الله وخذ بالأسباب لكن لا تعتمد عليها، اذكر ايام الجامعه كنت ف تخصص صعب جداً وكنت ف تعب و السعي الوحيد اذاكر بجانب الدعاء ( السبب) ما نفعني لكن اخذته
ورغم ذلك م نفعني سببي ابداً وفيه اشياء مالها اسباب وبس ادعي ورغم صعوبتها تتيسر لذلك ( الاسباب قد تنفعك وقد م تنفعك) لكن الدعاء١٠٠٪ ينفعك ويفيدك حتى لو ما شفت النتيجة بعينك ع طول ، عشان كذا لا تيإسون وتنحبطون وتتسخطون اصبروت الدعاء عباده والقرب من الله جنه وهو الغايه من وجودك اصلا
الناس اللي تعتمد ع العقل وتبني كل شيء ع المنطق عمرها م بتشوف معجزات الله لان ظنها ف الله دايم مرتبط ف وجود سبب وهذا غلط لان الله هو رب المعجزات و اللي قادر ع كل شيء ، تذكروا ( بسبب وبدون وبعكس السبب) ربنا قادر ع كل شيء ، وخذوا قصة البنت ام ١٥ سنه دعاء حافز لكم وثقوا ف الله جداً🤍
بخصوص الخيره بحاول اختصر هنا وسبق وقلت الاستخاره تحدد،لو الشيء مو خير لك ربي بيدّلك بأكثر من شيء وبيقنعك+بيعوضك قبلها بشيء ينسّيك و يسعدك تاكدوا ربنا يحبنا ومستحيل يترك خاطر شخص مكسور 🤍
في كل الحالتين ربنا بيرضي الكل واستمروا ادعوا انتم الكسبانين وخلي عندكم يقين ان ربي بيستجيب🤍
في كل الحالتين ربنا بيرضي الكل واستمروا ادعوا انتم الكسبانين وخلي عندكم يقين ان ربي بيستجيب🤍
انا قعدت ادعي ف بيتي الحالي ٢٠ سنه والله ولا فيه اي ذره امل تقول اني بسكن هنا لاسباب كثيره جدا جدا جدا ، حددت المدينه اللي ابيها و شكل البيت وكل تفاصيله ولي سنتين اسكن فيه الحمدلله وزي م طلبت ودعيت لذلك دايم اقول والله فتره الاستجابة مو شرط لو طولت ما راح يصير لا ابدا تتهيأ لها
لو سكنت ف بيتي الحالي اول م دعيت كان كنت ف ديون وصعوبات مالها او وتالي مو بس ماديا لا بكل النواحي و لو اقولكم تفاصيل الاستجابه بطول ولا بسكت ف عطيتكم الزبده ، ف الدعاء انت تتهيأ جسد وروح و عقل وشخصيه ومن كل النواحي ربي يهيأك لرزقك لذلك اصبروا لا تستعجلون ابداً ع شيء
ولاحظت الفرق جداً مع اليقين ف استجابه الدعاء اي ربنا يستجيب حتى لو يقينك نزل بسبب ظروف خارجه عنك لكن لاحظت مع اليقين م تحس ف الوقت وتحسه بسرعه استجاب لذلك اسعوا يكون الدعاء يكون بثقه ف الله و اذكروا الله كثير وتصدقوا، ومو شرط تطول مده الاستجابه انا اعطيكم امثله لكل شخص قدره❤️
والله الدعاءعباده عظيمه جداً وجميله ومعجزاته مستمره لقيام الساعة لمن يصدق فيها زي ماقلت الشخص اللي كل شيء عنده منطق وعقل بينسحب مع اول عقبه وعائق يصير لذلك تعاملوا مع الدعاء بيقين وايمان تام وتصديق حتى تلاقون النتيجةولاتستبعدون شيء وتقتلون الدعوات بقول مستحيل لان رب المستحيل قادر
البارح نزلت القصةللفائدةوجات عليها أسئلة،وتقريباً كل الاسئلة اللي ممكن تجي ع بال شخص رديت فنفس الثريد،لكن فيه سؤال يتكرر م جاوبته(كيف صبرت؟)الرد بالصوره +نسيت اقول شيء ترا مو شرط تعرف الحكمة من تأخر الفرج البعض يكشفه ربي له والبعض لا بس آمن فيه خير هذا التأخير جهلت أو عرفت الحكمة
جاري تحميل الاقتراحات...