ما اعرف من وين ابدأ بس بتكلم عن موضوع اتوقع الكثير غافل عنه او غير مدرك حجمه او اثره وهو وين انت قاعد تحط فلوسك وتضيع وقتك فيه، حنا عارفين حجم انتشار منصات الافلام والمسلسلات حاليا واللي تتطلب اشتراك شهري بمبلغ قد يراه البعض بسيط جدًا

او حجز التذاكر للدخول لصالات السينما ومشاهدة المسلسلات او الافلام عبر هذي المنصات او صالات السينما قد لا يقتصر ذنبه على مشاهدة هذي الافلام وقد يصل لذنب جاري وهو انه باشتراكك الشهري في هذي المنصات او حجزك مقعد في هذي الصالات يمثل دعم مادي لمثل هذي الجهات

مثلا: منصات الافلام الشهيرة تنتج افلام، ومن وين تنتج هذي الافلام يا ترى؟
مو من اشتراكاتنا اللي نحسه مبالغ بسيطه ما تسوي شيء؟ ويووووه عاد هالمنصات وش نوع الافلام اللي تنتجه، كلنا عارفين كمية الافكار الشاذه واللافطرية اللي تنشر في انتاجاتها.

او مقعدك في صالة السينما اللي قد تعتقد انه شيء عادي، بس يا ترى صالات السينما من وين له القدرة المادية اللي تمكنه من فتح فروع في كل مكان؟ وتمكنه من شراء الافلام اللي تعرض في صالاتها؟
مو من تذكرتك؟ وايضا انواع واشكال من المشاهد اللي تعرض في الصالات ما الله بها اعلم.

قال الرسول ﷺ(لا تزول قدما عبد يوم القيامة حتى يسأل عن أربع..) ذكر من ضمنهم عن عمره "فيمَ افناه" و عن ماله من اين اكتسبه و"فيمَ انفقه" كلنا سوف نحاسب على اوقاتنا واموالنا، واذا لم تكن صدقة جاريه فاحذر من انها تكون ذنب جاري وتذكر من ترك شيئا لله عوضه الله خير منه