ناس كتير تقولك ، ما تقفلوا الاستيراد و نصنع ونستهلك على قد تصنيعنا وخلاص !! كلام حلو ويزغلل العين ، ويخلى الساذج من دول يقولك ما هى سهله اهيه ومحلوله ، ليه الحكومه الغبيه مبتعملش كده ؟ اكيد عشان فاسدين و حراميه ( التفسير السهل دايما لكل المشاكل فى العقليه الريفيه ) !!👇
فى الستينات ، اللى هو عز التصنيع المحلى ، وعز اغلاق الاستيراد وتحجيمه ، اللى هو يعنى الوضع المثالى للمطالبين بما هو اعلاه ، كانت الناس بتقف طوابير عشان تشترى الصابون !! اذا لقته يعنى وكان بيبقى ناشف وريحته مجهولة ولايمكن تحديدها ، انما ده المتاح وكنا نحافظ على الصابون👇٢
كانها كنز ، لحد ما تختفى تماما نظرا لندرتها و طبعا ده غير قوالب صابون غسيل الهدوم كريه الرائحه عديم الرغوه !!، ، و كانت ازمة السكر دى حاجه من اساسيات الحياه ، الفراخ المجمده ، كانت بالطوابير برضه فى الجمعيات ، وهى مره او اتنين فى الشهر بالكتير و تبقى ليله يا عمده ! 👇٣
الزيت هو مفيش غير زيت بذرة القطن تقريبا ، وبيبقى اسود ومزيت من بره ، وشبه زيت شل العشر الاف لما تغيره على عشرين الف !!
عاوز تشترى هدوم بيتى ؟ عندك الدمور ، و الكستور و غيره واتفضل فصل بنفسك او روح للترزى لو معاك قرشين ، دى كلها طبعا حاجات انقرضت تماما دلوقت ، و كانت العيله👇٤
عاوز تشترى هدوم بيتى ؟ عندك الدمور ، و الكستور و غيره واتفضل فصل بنفسك او روح للترزى لو معاك قرشين ، دى كلها طبعا حاجات انقرضت تماما دلوقت ، و كانت العيله👇٤
كلها تحسها مساجين ، كله لابس بيجامات مقلمه زى عصابة القناع الاسود كده ، و حتى دى كان الحصول على قماشها امرا عسيرا يأتى بشق الانفس ! انما اغلب المصريين كانوا بيلبسوها ، فمكنوش بيحسوا بمشكله ! تدخل اى بيت ، تحس انه ابوزعبل !👇٥
عاوز تشترى تلاجه ؟ حضرتك بتقدم وتستنى دورك بقى ، ممكن تستلمها بعد ست شهور او اكتر ، وهو موديل واحد ، من شركة واحده ، بمميزاتها وعيوبها ، وبتعمل تلج اكتر ما بتسقع ، بس ده المتاح ، واذا كان عاجبك واحمد ربنا ! و طبعا البوتاجازات وغيره !! انما الغالبيه كانت بتطبخ على الوابور 👇٦
بتاع الجاز اساسا ومشى حالك !
طبعا نفس الكلام فى العربيات لو انت من المقتدرين والاغنياء ، برضه الموديلات المتاحه محدوده جدا جدا ، والاستلام لما ربنا ييسر ، غير كده كان مجرد التفكير فى العربيه امر قاصر على علية القوم فقط لا غير !👇٧
طبعا نفس الكلام فى العربيات لو انت من المقتدرين والاغنياء ، برضه الموديلات المتاحه محدوده جدا جدا ، والاستلام لما ربنا ييسر ، غير كده كان مجرد التفكير فى العربيه امر قاصر على علية القوم فقط لا غير !👇٧
ناس كتير عندها نوستالجيا ساذجه ، ويقولك ان الحياه كانت اسهل واحسن زمان ، فى الحقيقه لا المعيشه كانت صعبه والامكانات محدوده جدا ، وكل شىء حرفيا بتشتريه فى الطوابير لانه محدود ، مفيش استيراد الا فيما ندر و انتاج لا يكفى عدد السكان ، وحتى ده كان بجوده رديئه جدا لان مفيش منافسه👇٨
الفكره هنا كانت الرضا بالقليل المتاح ، واللى مكنتش تعرف غيره فرضيت بيه ، وده اللى افتقدناه دلوقت لما بقى فيه اختيارات كتيره ، ساعتها فقدت الرضا ، لان بقى فيه درجات مختلفه ، وكله موجود بس بثمن ، وانت عاوز وهو عاوز وغيركم عاوز ، بس المتاح لا يكفى الجميع فالسعر بيرتفع👇٩
وتفضل عينك متشعلقه بما لم تستطع الوصول ليه ، وكنت مرتاح لما كنت جاهل بوجوده اصلا زمان !
انت لو عشت زى ابوك فى الستينات ، هتكتشف انك بتوفر كتير جدا ، بس هتبقى متعذب و اولادك هيحسسوك انهم محرومين من نعيم الدنيا ، رغم ان دى كانت عيشة الناس من بضع عقود فقط لا غير !👇١٠
انت لو عشت زى ابوك فى الستينات ، هتكتشف انك بتوفر كتير جدا ، بس هتبقى متعذب و اولادك هيحسسوك انهم محرومين من نعيم الدنيا ، رغم ان دى كانت عيشة الناس من بضع عقود فقط لا غير !👇١٠
بس الدنيا اتغيرت كتير فى العقود دى ، بوتيره غير مسبوقه فى التاريخ البشرى ، وما كان حكرا على اغنى الاغنياء من بضع عقود ، بقى فى متناول الطبقه الفقيره اليوم ، بس برضه مش راضيين لان فيه الجديد اللى ميقدروش يوصلوله !👇١١
الخلاصه : متطالبش بحاجه انت مش قدها ، انت اما نسيت ، أو بتتكلم عن مواضيع متعرفهاش اصلا !!
#حفظ_الله_مصر
#حفظ_الله_الوطن_من_الخونة
#تحيا_مصر_بجيشها_وعاش_السيسي
#انزل_انتخب_صوتك_امانه
#السيسي_وبس_والباقي_كله_قش
د.سلوي السوبي
#حفظ_الله_مصر
#حفظ_الله_الوطن_من_الخونة
#تحيا_مصر_بجيشها_وعاش_السيسي
#انزل_انتخب_صوتك_امانه
#السيسي_وبس_والباقي_كله_قش
د.سلوي السوبي
جاري تحميل الاقتراحات...