لأننا #كنا_عايشين ثريد اخر وقصة مع القضاء في #مزرعة_الاسد للصديق زياد الصوفي
1
كلنا أهالينا كانوا يفتخروا فينا قدّام رفقاتهم لما يسألونا شو بدك تصير بس تكبر
مننا حقق حلمه، و شي كانوا ضحية علاماتهم بالبكالوريا
بس الأكيد، اللي صار مهندس فينا ما قرر بين ليلة و ضحاها يصير
فواز الأسد بليلة وحدة قرر يصير محامي
بيبعت ورا نقيب المحامين و بخبروا:
أنا قررت أعمل محامي، و من هلّق و رايح رح اترافع عن المظلومين و المحتاجين

2
الدكتور المحامي فواز جميل الأسد
يافطة تركبت بشارع بغداد، و العالم ما مصدقة اللي عم تقراه و تشوفوا
أول قضية لفواز كانت من أكتر القضايا المثيرة للجدل بالقصر العدلي
أبو علي ( رائد عباس ) شبيح صغير من ضيعة اسمها دمسرخو، كان عم يشتغل جربوع عند فواز الأسد بنص التسعينات

3
بليلة ما فيها ضو قمر، بيركض لعند المحامي فواز و بقله: دخيلك يا معلمي ، النيابة طالبتني، و الشرطة قايمة و قاعدة بالضيعة يدوروا علي
أبو علي يومها كان متورط بقضية تشكيل عصابة مسلحة و قطع طريق حلب اللاذقية و تشليح الناس
شافها فواز فرصة مناسبة لإبراز مهاراته الدفاعية و ممارسة دور المحامي من بوابة أبو علي
روح ولك جحش سلّم حالك فوراً ، و أترك الباقي علي..
بس يا معلم هنت بتعرف، إذا دخلت عالسجن بهالقضية، و الله غير الله ما بيطلعني

4
المهم بسلم حالو أبو علي للعدالة و تتحدد محكمته بعد 45 يوم
أبو علي عفّن بالسجن هالشهر و نص، و ما كان مصدق أيمات تجي المحاكمة حتى يخلصو المتر فواز
بيدخل فواز على المحكمة، القاضي ورا مكتبه، و القفص مليان متهمين و من بينهون أبو علي

5
يصرخ فواز بالشرطي: و لك فتحلي باب هالقفص تشوف
و بيدخل أبو جميل لجوا القفص، و بينزل قتل بأبو علي
ولك فدان هنت؟؟ و لك يا حيوان أبتعرف أنو هيدي بلد قانون و مؤسسات حتى قاعد عم تشكّل عصابات و تقطع طرقات؟؟
كف ياخدو لأبو علي و لبطة ترجعو ، بزقة بنص وجه ابو علي ، و تانية بنص تمّو
بوكس يشيلو، و رفسة تحطو
القاضي قاعد عم يتفرج على هالمسرحية، و عم يراقب فواز كيف عم يرافع عن موكلو أبو علي

6
بيطلع فواز وبطلع بالقاضي يا سيادة القاضي يا حضرات المستشارين: خلص هالكر عندي أبقا بيعيدا و عكفالتي هالمرة..
طلاع ولك جحش، و حسّك عينك مرة تانية تشكل عصابي مسلحة تروّع المواطنين الآمنين
طلع أبو علي وشكر المحامي العظيم الدكتور فواز على المرافعة والبراءة