عذكر #كنا_عايشين رح انشر قصة من الصديق زياد الصوفي نموذج كيف #كنا_عايشين بمزرعة الأسد
1
عجقة صيف و اللوبي بمنتجع الشاطىء الأزرق مليان
عيلة أب و أم و ولد و بنت عم ياخدوا مفاتيح غرفهون
من تصرفاتهون واضح انهون مغتربين و جايين اجازة
العيلة جايين و ما بيعرفو شو كان ناطرهون
عند الضهر عالشط و أنا عم أتمشى بشوف هالعيلة عم يستأجروا موتورين بحر
بنفس الوقت اللي دارت محركات الموتورين
بشوف فواز الأسد عالجيت بوت نازل عالبحر

2
ربع ساعة كانت كافية لمأساة كبيرة ما رح ينساها كل أهل اللاذقية و الموجودين وقتها بالشاطئ الأزرق
أنا و صاحبي عالشط قاعدين، منسمع صوت مسبات و كفر و مرافقة أبو جميل عم يركضوا باتجاه الشط
بدون قصد موتور الأولاد طرشوا لفواز بمي البحر، و بيبدأ يصرخ و يسب عليهم و يكفر باللي خلفهم
ما اكتفى أبو جميل بالسباب و الوعيد، بيدور بالجيت و بيطلع فوقهم للأولاد

3
كل الناس واقفة عالشط عم تتفرج.. كل رؤساء أفرع الأمن مع عوائلهم عم يراقبوا
كل مراقبين الشط و الموظفين ملهيين بتهداية مرافقين الدكتور فواز
و الأولاد عم ينفرموا تجت محركات الجيت على مرأى من الكل و تحت نظر أهلهم
الولد طالعوه شقف من المي، و الشقف التانية بقيت عالقة على محركات الجيت تاع أبو جميل
و البنت كل لحم جهتها اليمين منتف

4
الأهل عم يصرخوا و يعيطوا بلغة غريبة
خمس دقائق كانت كافية كمان لتسلم البنت روحها لرب العالمين
الأب المسكين واقف و عم يصرخ و يتوعد: أنا سويدي جاب ع بلدي مع عيلتي زيارة مشان نموووت!!!!
الأب و الأم منهارين بشكل كامل، و مرافقة الدكتور ركضوا جابوا طاولة و حطوها بنص الشط مان يرتاح عليها أبو جميل

5
بيقعد عالكرسي قدام كل البشر و رجل عرجل و السيغارة بتمه و المرافقة بيجيبو الأهل لعندو.
ابنكم طرشني بالمي و هيدي جزاتو.. كلمة تانية منك هنت أو مرتك بتلحقو ولادكم
بيركض رئيس فرع الأمن السياسي باللاذقية وقتها المعارض الحالي نواف الفارس ليطيب خاطره لأبو جميل و يطلب السماح منو أنو يعفي عن الأهل
بالفعل قلهون:سامحتكن هالمرة بس يا ربكون شوفكون هون مرة تانية..