النجاح هو تحقيق الاحلام غير كدا النجاح الاجتماعي في انو تبقى موظف دا اسمو مبروك دخلت سجن الحياة.
انت حرفيا حتكون حياتك عبارة عن (شركة جديده و مبسوط>المدير بدا يشغلها ليك>داير راتب زياده عشان طموحك بتتزايد>تمشي للمدير يرفض>تخلي الشركة>تمشي شركة جديدة و مبسوط>المدير بدا يشغ…الخ).
انت حرفيا حتكون حياتك عبارة عن (شركة جديده و مبسوط>المدير بدا يشغلها ليك>داير راتب زياده عشان طموحك بتتزايد>تمشي للمدير يرفض>تخلي الشركة>تمشي شركة جديدة و مبسوط>المدير بدا يشغ…الخ).
دي حاجه مصنوعه فينا نحن اتخلقنا كدا كل ما نلقى حاجه تعجبنا حنطلب المزيد و اتخيل معاي المثال دا:
واحد فقير جدا يسكن في راكوبه ولا غيرو طلب من الله منزل يقيه المطر و البرد و مكيفات من الحر ، ربنا رزقه شغل و اجر شقه و قعد فيها و لقى نفسو ما مكتفي و عايز عربيه ملك قام طلب زيادة راتب
واحد فقير جدا يسكن في راكوبه ولا غيرو طلب من الله منزل يقيه المطر و البرد و مكيفات من الحر ، ربنا رزقه شغل و اجر شقه و قعد فيها و لقى نفسو ما مكتفي و عايز عربيه ملك قام طلب زيادة راتب
قام المدير زادو ليو قام اشترى عربيه بعد سنتين تلاته بعدها لقى انو البيت دا ما مناسب ليو عشان عايز يعمل اسرة و محتاج مصاريف زياده و قروش للعرس و يقعد يلملم لحدي ما الشغله تغلبو و يبدا يمشي للمدير كل شويه داير زيادة راتب و المدير يرفض عشان ما يفلس لانو دا جيب شركة ما بنك للموظفين
بالتالي الموظف يتضايق يقوم يمشي يفتش شركة تانيه بالدس عشان دا ما يفصلو و يمكن يلقاها يقوم يدخل و يعرس و فجأة يجيو مولود مارق من وين ما يعرف و راتبو مضيقها عليو محتاج مبالغ و صرف زياده على تلاته انفار و مدارس و علاجات بعد شوية يمشي لمدير الشركة الجديده و يحصل نفس البرنامج
و يفضل شغال كدا لحدي ما يموت
و اغلب الناس الفي النوعية دي هم ما عارفين داخلين على شنو و فجأة بلقو نفسهم في الدائرة دي و بكون كل تفكير الواحد حول مرتب زياده ، ما بفكر يكون مدير لا هو بفكر يكون موظف بس عشان هو اتعلم يشتغل حاجه واحده و عايز يشتغلها هي بس لحدي
و اغلب الناس الفي النوعية دي هم ما عارفين داخلين على شنو و فجأة بلقو نفسهم في الدائرة دي و بكون كل تفكير الواحد حول مرتب زياده ، ما بفكر يكون مدير لا هو بفكر يكون موظف بس عشان هو اتعلم يشتغل حاجه واحده و عايز يشتغلها هي بس لحدي
عمر ال٦٠ سنه و بعدها يبدا يأمل على ولدو الصرف عليو شقا عمرو عشان ينفعو و يهتم بيو و بعدين يكتشف انو كان مشغول شديد بالوظيفه لدرجه ما عارف انو ولدو زمبار و جنا حفلات و ما حينفعو او حيطلع موظف زيو و الاتنين يتزنقو في نفس الدائرة.
مصدر الدخل الواحد دا حرفيا ممكن يكون اسوء حاجه
و الاسوء من كدا يكون عندك مصادر دخل متعددة لكن ما ليك علاقة بإدارة الاموال
و الاسوء من كدا يكون عندك مصادر دخل متعددة لكن ما ليك علاقة بإدارة الاموال
النوعية دي متواجدة بكثره في المجتمع السوداني بشكل عام و دا السبب في انو نحن ما عندنا ابراج و شوارع سمحة و بيوت حلوة و نماء فاحش و بتاع
الحاجات دي اجتهادات شخصيه ما ليها علاقة بالحكومة ، الناس عايزة ترمي اللوم عشان تزح وجه التهمة من الفشل الذريع البعملو فيهو دا
الحاجات دي اجتهادات شخصيه ما ليها علاقة بالحكومة ، الناس عايزة ترمي اللوم عشان تزح وجه التهمة من الفشل الذريع البعملو فيهو دا
ناس نادرين بس البقدرو يوصلو المراحل البتكلم عنها انا بالمستوى الدولي و لدرجه ما الناس ديل بساط و قلال في مجتمعنا حتى نحن حافظين اسمائهم و اكاد اجزم انو في اسم جلابي جا على بالك
الباب مفتوح للجميع و الحاجه دي ما حكر على شخص معين بالعكس متاحة للكل في جيلنا دا و الاجيال القبلنا لحدي مواليد التمنينات
انت ما الا تكون كوز عشان تنتصر
ما الا تاكل حق زول
انت بس فتش الطريق المناسب و فتشو مع رب العالمين ما تفتشو براك ، حتواجه تحديات و ابتلاءات و عقبات حتتجاوزها بالاستمرارية و انت ناجح مادمت تحاول و بمجرد توقفك عن المحاولة انت فشلت.
ما الا تاكل حق زول
انت بس فتش الطريق المناسب و فتشو مع رب العالمين ما تفتشو براك ، حتواجه تحديات و ابتلاءات و عقبات حتتجاوزها بالاستمرارية و انت ناجح مادمت تحاول و بمجرد توقفك عن المحاولة انت فشلت.
النجاح في الدراسه ما ليهو علاقه بالنجاح في الحياة ، الحياة مفهوم و الدراسه شيء محفوظ ، لما تدرس في المناهج السودانيه ال ليها عشرات السنين ما اتغيرت انت غالبا بتحفظ حاجات و بختبروك في حفظها و بدوك نجاح على ذاكرتك الممتازة.
النجاح في الحياة موضوع تاني محتاج دافع و استمرارية
النجاح في الحياة موضوع تاني محتاج دافع و استمرارية
في اي مجال اياً كان انت محتاج تحاول عشان تفهم و بالتالي تكسب الخبرة المناسبه لكن التعليم وحده لا يكفي يعني يا سيدي انت لو اسامة داؤود ود عمك و بديك دروس في البيت عن النجاح انت برضو ما حتحقق الفي راسك لانك فاقد الخبره و الخبره بتجي بكثرة المحاولات و الفشل بعلمك اكتر من النجاح
باري احلامك ما تباري الوظيفة الحتقولها لي نسيبك يوم تطلب يد بتو عشان ما تقع في شرك صاحبنا سيد الراكوبه
اعمل مشروع خليو يمرق ليك قروش تدخلها في مشروع تاني ما تصرف على نفسك بإفراط اكل و اشرب بس خلي المشاريع تنتج بعض و القرش يمشي يجيب اخو يا مان القرش ما تضيعو اي دولار عندك بمثل مقاتل و في حرب الحياة انت محتاج مقاتلين كتار.
خلي القرش يجيب اخو بعدين اصرف زي ما داير دا لو احتجت
خلي القرش يجيب اخو بعدين اصرف زي ما داير دا لو احتجت
اقرا كتب استثمارية لكن ما كتبي انا عشان ما تقولو تسويق و بتاع
انا كتبي بستهدف بيها مجتمعات تانيه لانها ما مناسبه للمجتمع دا
المهم ادخل اليوتيوب احضر عن رواد الاعمال اقرا الكتب المالية اقرا ادارة المشاريع ادرس مشاريعك و مواقعها و المجتمع المستهدف
انا كتبي بستهدف بيها مجتمعات تانيه لانها ما مناسبه للمجتمع دا
المهم ادخل اليوتيوب احضر عن رواد الاعمال اقرا الكتب المالية اقرا ادارة المشاريع ادرس مشاريعك و مواقعها و المجتمع المستهدف
و كمان المشروع مهما كان صغير والله لو بتبيع تسالي في صينية على كتفك و بتشيل القروش تدخلها في مشروع تاني تجيب درداقه بعد شويه تجيب درداقتين و تجيب زول يشتغل بعد شويه تفتح جبنات بعد شوية محلات طعميه بعد شويه مخبز و بعدو مخبزين و بعدو تلاته و اربعه و خمسه و سته و تزرع قمحك براك
والله الحياة دي ساهلة ما يغشوك الزمن دا زمن جلابه ابقى جلابي ادخل السوق دقش يمين شمال بتفهم بعد ما السوق يضربك مرتين تلاته عشرة عشرين ضربه مصيرك تفهم و تنجح مادمت تحاول
و تفشل مادمت تتوقف عن المحاوله
رعـد عـادل✍🏽
١٨ جماد الاول ١٤٤٥هـ
انـتـهـت.
و تفشل مادمت تتوقف عن المحاوله
رعـد عـادل✍🏽
١٨ جماد الاول ١٤٤٥هـ
انـتـهـت.
اهم نقطه و نسيت اذكرها هي ان الوظيفه ما بالسوء دا بالعكس الوظيفة ممكن تشكل ليك من الراتب حقها رأس مال
الوظيفه ممكن تخليك تدرس المجال دا و تعرف اذا هو فعلا مناسب بالنسبه ليك عشان تتوسع فيه
بس الوظيفه هي وسيلة ما اسلوب حياة و منها فوائد كتيره لكن ما ينفع تستمر فيها للابد
الوظيفه ممكن تخليك تدرس المجال دا و تعرف اذا هو فعلا مناسب بالنسبه ليك عشان تتوسع فيه
بس الوظيفه هي وسيلة ما اسلوب حياة و منها فوائد كتيره لكن ما ينفع تستمر فيها للابد
اغلب و اغنى رواد الاعمال بكرهوا الوظيفه و بحبذوا الديون و بياخدوا دين من اقاربهم او معارفهم عشان يبدو مشاريعهم عشان ما يشتغلوا عند زول و يكونوا مدراء انفسهم
المشاريع دايما محفوفة بالمخاطر و بدون مخاطره ما حيكون عندك قصه نجاح ترويها
المشاريع دايما محفوفة بالمخاطر و بدون مخاطره ما حيكون عندك قصه نجاح ترويها
جاري تحميل الاقتراحات...