احتياجات كل زهرة في الحب♀♂

انتِ كزهرة حمل/ البيت الاول تحتاجين شخص يخلي شرارة الحب الي بينكم ما تنطفي لان اذا راح الحماس تفقدين اهتمامك
انتِ كزهرة ثور/ البيت الثاني تحتاجين مرتاح مادياً ويساعدك على تحقيق الثراء لنفسك يهمك توصلين للرفاهية الي تحلمين فيها من خلال الشريك
انتِ كزهرة جوزاء/ البيت الثالث تبين شخص متفاعل معاك بالتواصل ومعاك على نفس الموجه يهمك الاتفاق الفكري قبل اي شي

انتِ كزهرة سرطان/البيت الرابع تحتاجين شخص يخليك تحسين بالامان والاستقرار تبين شخص الامان والاستقرار من اولوياته
انتِ كزهرة أسد/البيت الخامس لازم يميزك الشريك في حياته يعني تبينه يعاملك كانك one in a million واي مناسبة تخصك او تخص العلاقه لازم يقدّرها ويحتفي فيها
انتِ كزهرة عذراء/البيت السادس تحتاجين شخص على نفس مستوى خدمتك وعطائك في العلاقات يهمك تعرفين ان جهدك ورعايتك بترجع لك

انتِ كزهرة ميزان/البيت السابع تبين شخص يخليك موجوده في كل خطه في حياته يعني ما تبين يكون عنده مشكله في المشاركة في كل جوانب حياته
انتِ كزهرة عقرب/البيت الثامن تحتاجين شريك صادق مخلص وواضح شخص يكون كتاب مفتوح قدامك تبين شخص يكون قادر يوصلك عاطفياً عشان تقدرين تنفتحين عليه بشكل كامل جسدياً
انتِ كزهرة قوس/البيت التاسع تحتاجين شريك يحب السفر ويقدر قيمة الترفيه شخص تكون المتعه والوناسه والاكتشاف في الحياة في أعلى القائمة بالنسبه له

انتِ كزهرة جدي/البيت العاشر تحتاجين شريك ياخذ العلاقه بجدية ويكون عنده قدر عالي من المسؤوليه والالتزام تجاهك شخص يعرف وش له ووش عليه
انتِ كزهرة دلو/البيت الحادي عشر تحتاجين شريك يكون حبيب وصديق في نفس الوقت شخص يتقبل ابتعادك واذا رجعتي ما يعاتبك يعطيك مساحتك الكافيه الي تحتاجينها، لازم يكون داعم لاهدافك ورؤيتك في الحياة
انتِ كزهرة حوت/البيت الثاني عشر تحتاجين شخص يحبك بدون شروط ومهما سويتي فيه ومهما جرحتيه يرجع لك معتذراً في كل مره تغلطين فيها لانك ما تقصدين! وهو المفروض يكون عارف هالشي