رتبها

قومي ولاانتاش داري
سجال كتير بيدور حول تيار القومية المصرية ما بين مؤيد ومعارض وما بين مكفرهم وطالع بيهم السما وما بين اللي شايفهم مجرد ذباب الكتروني بلا قيمة!
بس في شوية مفاجآت في موضوع التيار القومي محتاج تعرفها قبل ما تقرر تهاجم او تأيد
-١تابع
#شيرين_هلال
#مصر_لا_تمس

المفاجأة الاولى:
التيار القومي زيه زي اي فكرة تقبلها الفطرة مبدأيا و بعدها يحلل تفاصيلها العقل، و يا يقبلها او يرفض جزء منها او يرفضها ككل. بمعنى اوسع:
تيار اليسار الاشتراكي مثلا لاقى قبول عند جموع البشر في حقب تاريخية لرومانسيه الفكرة سياسيا واجتماعيا
-٢تابع

في سعيه لتغيير المجتمع لحالة أكثر مساواة بين أفراده ويرجع أصل مصطلح اليسارية إلى الثورة الفرنسية لما أيد عموم من كان يجلس على اليسار من النواب التغيير اللي اتحقق عن طريق الثورة الفرنسية و من بعدها ظهرت من تحت عباياتهم تيارات اخرى كتيرة
-٣تابع

لكن في الاصل "الفكر" نفسه له قبول عند البعض بالرغم من سوء تطبيقه او فشل أغلب تجاربه
في كمان التيار الاسلامي لاقى قبول هو كمان لانه خاطب فطرة الدين و دخل منها على السياسة والحكم ومعروف ان الدين افيون الشعوب الحركات الإسلامية أو الجماعات الإسلامية
-٤تابع

هي حركات ظهرت بعد انهيار الخلافة الإسلامية بعد سقوط الدولة العثمانية، استنادا لمرجعية إسلامية مزعومة وطرحت برامج سياسية بتقوم على العودة لتطبيق الشريعة الإسلامية (اسميا) كأساس لعودة الأمة للنشاط الحضاري تمهيدا لعودة الخلافة الإسلامية لإعادة توحيد الأمة الإسلامية
-٥تابع

ومن هنا انطلقت التيارات الدينية وانتشرت زي النار في الهشيم واصبحت متنوعة ما بين جماعات دعوية واحزاب سياسة و منها مليشيا مسلحة وتكفيريين، لكن في الاصل هى فكرة لها منبعها اللي بيغازل النفس البشرية من زاوية مفصلية جدا.
-٦تابع

كمان التيار القومي القومي المصري له قبول عند مصريين كتير لانه بيخاطب الروح الوطنية وبيشتغل على فكرة احياء جذور الحضارة في الشخصية المصرية استلهاما للروح المصرية المعتزة باصولها والساعية لتحقيق انجازات وتحدي الواقع بمزيدا من العمل.
-٧تابع

المفاجأة التانية:
التيار القومي المصري مش جديد هو اقدم من محاولتي المتواضعة لتوثيق ظهوره، لكن نقدر نقول ان فكر الدولة المركزية المصرية القديمة مع الملك (نعرمر) الشهير بـ(مينا) أحد أشهر الملوك في التاريخ سواء القديم أو الحديث ويعرف عنه أنه موحد مصر،
-٨تابع

وشهرته تعود لدوره التاريخي واللي تم تخليده في مبنى المحكمة الدستورية الأمريكية في منحوتة من العصر الحديث تظهره يقود عظماء التاريخ، فيظهر وهو يسير حامل العنخ في ايده وخلفه الملك البابلي (حمورابي) لتظهر من بعده الدولة "الأمة" اول دولة مركزية،
-٩تابع

واللي من بعدها اتشكلت الهوية الموثقة على الجدران ووصلت لنا عنهم.
انطلاقا من وجود اول دولة مركزية في الكون بمفهومها المعروف حديثا من ارض و شعب وسلطة وحدود سياسية وجنسية واوراق هوية وخلافه، ابتدى المصري يعرف "القومية المصرية" ظهرت بعد كدة في مقاومته للإحتلالات المتعاقبة،
-١٠تابع

اللي مكنش الظلم هو الدافع الوحيد وراء مقاومتها،كانت شعارات القومية المصرية المتطابقة مع شعارات النقوش على الجدران القديمة حاضرة.لكن التيار القومي بشكله الحديث هنلاقيه تبلور مع كتابات د احمد لطفي السيد رائد حركة النهضة والتنوير وأبو الليبرالية المصرية في مصر (ولد1872-توفي1963)
-١١

فهو مَن نادى بتحديد مفهوم للشخصية المصرية ودعى لاستعمال اللغة العامية المصرية، اتعرف أثناء دراسته على الإمام محمد عبده و اتأثر بافكاره وظهر دا في رغبة لطفي السيد في الحفاظ على الهوية الدينية كجزء من الهوية المصرية اللي كان بيحاول يأسس لها مفهوم شامل يدمج فيه مفردات الهوية
-١٢تابع

الحاضرة بدون إلغاء لمكون الدين او اللغة الحالية ودعم تعليم المرأة، وتخرجت في وقته أول دفعة طالبات من جامعة القاهرة.
واللي عرض عليه الضباط الاحرار في ثورة 23يوليو رئاسة مصر لكنه رفض، صاحب الشعار الشهير "مصر للمصريين"
-١٣تابع

واللي متعرفوش التيار القومي كان موجود من سنة ١٩٢٧ في الحركة الوطنية لرأس المال اللي قادها طلعت حرب وسعد زغلول و مجهود مصطفي كامل.
ومن نتايج وجوده الروايات اللي بتتكلم عن تاريخ مصر القديمة واللي نشرها نجيب محفوظ من سنة 1937 حتى سنة 1941.
المفاجأة التالتة
-١٤تابع👇👇

القومية المصرية لو اتفقنا على ان اصولها ومرجعيتها الحضارة المصرية القديمة فهي تعلي من شأن الأديان السماوية ومش بتعاديها ولا بتنكرها. اصحاب هذا التيار لو بيستندوا على المرجعية المصرية القديمة، فالدولة المصرية القديمة كانت بتعلي من شأن الدين (الديانة المصرية)
-١٥تابع

لكنها مكانتش بتمارس التبشير باي شكل من الاشكال في عصور ازدهارها، يعني مكانش عندها حملات توسعية للاغارة و نشر الدين زي ما حصل في الحروب الصليبية او زي الارساليات التبشيرية ما عملت في افريقيا مثلا، بالعكس المصري القديم لما كان بيخرج خارج الحدود كان مهتم اما بصد العدوان عليه
-١٦👇

او طرد الهكسوس والكوشيين وغيرهم او حماية منابع النيل. و في العصر الحديث و مع ازدهار التيار القومي المصري في العشرينات شوفنا اعلاء للأديان و رموزها في ثورة 1919 في شعارات "عاش الهلال مع الصليب" و "الدين لله والوطن للجميع".
-١٧تابع

نرد على بعض ادعاءات الشيطنة اللي ظهرت للتيار القومي المصري الحديث ونبدأ بالتيار الديني اللي بيكفر على طول اي تيار غيره مش بس بيقصي الاخر دا عايزه في النار دنيا و اخرة
شفنا محاولات حثيثة من تيارات كبيرة وهما اليسار والعروبيين والاسلاميين، مارسوا معاداة عنيفة و علنية
-١٨تابع

بشكل فج يذكرني بحدوتة فولكلورية طريفة جدا حصلت لاحمد لطفي السيد،كانت السبب في انه يسقط فالانتخابات اما رشح نفسه لعضوية البرلمان عن دائرة الدقهلية, وكان ترشحه مثار قلق للمنافس لصعوبة المنافسة,واستغل جهل اهل الدايرة بالمصطلحات السياسية،وحداثة كلمة «الديمقراطية» فى العشرينيات
-١٩👇

من القرن الماضى, وأشاع فى محيط الدائرة أن أحمد لطفى السيد "ديمقراطى"، وأن الديمقراطية تعنى الكفر متهما الرجل باستبدال إيمانه بالله بالديمقراطية, وانتشرت الاشاعة فى القرى وغضب الناس على المرشح "الديمقراطى" بعد ما أقسم لهم المرشح المنافس أن لطفى السيد "ديمقراطى"
-٢٠تابع

وحذر أهل الدائرة من انتخابه لانه لكدة يبقى ترك للإسلام واعتنق الديمقراطية, وانتظر أهل الدائرة المؤتمر الانتخابى لأحمد لطفى السيد, وسألوه هل صحيح أنت ديمقراطى؟ ورد عليهم لطفى السيد "نعم أنا ديمقراطى", واتهموه بالكفر وانصرفوا عنه!!
-٢١تابع

زي التسفيه حاليا من"ابناء كيمت"نفس اللي بيحصل ففكرة التكفير والالحاد او الادعاء الكاذب بان القوميين الجدد بيأمنوا بعبادة الإله آمون دي بيروجها اصحاب الافكار المعادية من التيارات المنافسة فكريا سواد يسار اشتراكي ليبرالي عروبي او اسلامي سلفي اخوانجي جهادي او مش اخوان وبحترمهم
-٢٢👇

و واخدين في سكتهم بعض من عقول ال “mainstream” او الناس اللي بتمشي ورا الكلام بدون تدقيق وبتستسهل الموافقة او الرفض لاي فكرة حديثة بعيدة عن منطقتها الآمنة!
و دا حاصل حاليا بسبب خبرة الناس السيئة مع اهل التيارات المختلفة وخوفهم الراسخ من الدخول في تيار جديد!
-٢٣تابع

دا النبي محمد عليه افضل الصلاة والسلام نفسه كانت بلاده مكة اعز البلاد على قلبه ولم يخفي او يستنكر انتماءه اليها:
النَّبِيَّ ﷺ يَقول فِي سوقِ مَكَّةَ: وَاَللَّهِ إنكِ لَخَيْرُ أرْضِ اللَّهِ، وَأَحَبُّ أَرْضِ اللَّهِ إلَى اللَّهِ، ولَوْلَا أَنِّي أُخْرِجْت منْكِ مَا خرَجتُ.
-٢٤👇

لا الدين الاسلامي في خطر ولا الدين المسيحي مهدد في مصر، يا جماعة الاديان اكبر من اي تيار فكري او سياسي والتخويف بالدين لعبة سخيفة مضحكة بيعملها المتشددين على الناس الغيورة على دينها بحجة وجود افراد شاذة التصرف في التيار المنافس!
-٢٥تابع

يعني حسن البنا كان شاذ فكريا، هل هو بيمثل الاسلام ولما يقول السلام عليكم يبقى "السلام عليكم" اللي قالها متخصش الاسلام؟!
التيارات اليسارية الاشتراكية المتطرفة منها الملحدين ، هل معنى كدة ان الناصريين او اليسار المصري ملحد؟
لو كل واحد اخد على تصرف فرد من افراد تيار
-٢٦تابع

مش هيكون في تيارات فكرية ولا سياسية من الاساس!!
طيب ليه التيار اليساري بيعادي القومية المصرية؟
لانه في مصر موقفش عند اليسار بالمفهوم الغربي لكن تطور وتداخل مع فكر القومية العربية وضرورة تقوقع مصر داخل اطارها واداءها لادوار فرضتها عليها تلك القومية مهما كانت التحديات
-٢٧تابع

ورفض هذا التيار الاشتباك مع الظروف المحيطة بمصر والخطورة الكبيرة في التماهي مع هذا الفكر حاليا ولسة مُصر على فتح الباب على مصراعيه للواجبات المصرية المزعومة بحسب نظرته المتشددة جدا تجاه الانتماء العروبي وابرز هذه المزاعم هو الاعلاء من شأن اللاجئين وتفضيلهم على المصريين
-٢٨تابع

في الوظايف والفرص ومعاملتهم معاملة المصري بدون النظر لمحدودية الامكانيات الحالية ولا لخطورة تواجدهم بالاعداد الرهيبة وعدم رغبتهم في الاندماج مع المجتمع المصري لدرجة وصلت لحد الاستعلاء عليه علنا!!
ودا غلو شديد ضيق على الناس لو الزعيم جمال عبدالناصر نفسه عايش مش هيقبله!
-٢٩تابع

وشفنا اليسار المتطرف بيمارس التخويف من القوميين المصريين باتهامهم بالنازية الالمانية وهتلر!! وهى طبعا مقارنة فاسدة
لان الهدف من النازية غزو اوروبا وزعامة هتلر واستعلاء الجنس الالماني! وفي الواقع دا كلام فيه قدر كبير من عدم الوعي بظروف دول اخرى خلينا نقول "جهل مقنع"
-٣٠تابع

لان ألمانيا دولة ذات قومية قديمة مع الإعلان رسميا عن نهاية الإمبراطورية الرومانية المقدسة في عام 1806 بدأت حقبة من التاريخ الألماني. وتميزت زي غيرها من التاريخ الاوروبي بالكثير من الصراعات والحروب الإقليمية والدولية بين مختلف القوى في أوروبا. وتزامن معاها الأفكار القومية
-٣١تابع

في القرن التاسع عشر كرد فعل على حالة التمزق والتفتت السائدة وقتها،وكانت المناطق الناطقة بالألمانية بتضم عدد من الدويلات والممالك والامارات ظهر في سنة 1789وشكل عائق في وجه التطور السياسي والاجتماعي والاقتصادي والثقافي. ومن هنا تبلورت الطموحات الرامية إلى تأسيس دولة قومية موحدة
-٣٢

تحت تأثير العديد من عوامل كانت اهمها الرغبة في توحيد ألمانيا اللي شكلت قوميتها .لاقى الوعي القومي صداه في حروب الاستقلال ضد طموح إمبراطور فرنسا نابليون بونابرت بالسيطرة على أوروبا وساعد في الترويج للمستعمرات الالمانية في افريقيا وبعدها النهضة الصناعية الالمانية الجبارة!
-٣٣تابع

ألمانيا حاليا بدأ اليمين يصعد فيها تاني هي ودول أوروبا بعد ما الزحف المهاجرين خرب نسيج الدولة ونشروا الإرهاب والتطرف.
ألمانيا خربت لما توسعت وبقت مسئولة عن عدة دول لكن رجعت دولة قوية لما رجعت ألمانيا متوحدة بالألمان وحدهم!!
-٣٤تابع

ونفس المظاهر شوفناها حديثا في دول ابتدت تقلق من وجود غير قومي بيخترق النسيج الوطني لاي دولة اوروبية اللي بيعتبروها دول العالم المتقدم!!
وهذا النوع من الاقصاء والتخويف من جانب اليسار ضد القوميين مش جديد ونابع من ضعفهم ورغبتهم في اقصاء الجميع
-٣٥تابع

لانهم من الضعف الشديد في مخاطبة المجتمع واستمالته بافكارهم اللي محصلش عليها اي تطوير او محاكاة للواقع!
معايا نماذج لكن هركز على نموذج لاحد الكتاب المصريين بدون تصنيف فكري له،عضو اتحاد الكتاب المصريين وحاصل على جوايز من برة وبيهاجم التيار القومي المصري وبيطالب ب"كبح جماحهم"
-٣٦👇

بستشهد بهدف الدراسة مش اكتر
التغريدة لحد الكتابة كان عليها
172كوت ريتويت
122كوت مؤيد للتيار القومي المصري
60 كوت معارض ما بين معارض للفكرة وما بين شايف التيار ملوش وجود وما بين المتأثرين بالازمة الاقتصادية ومفيش اهمية لمناقشة موضوع اخر-يعني مفيش اجماع على الرفض للتيار القومي
-٣٧

ونشوف رد فعله على تعليقات الناس هتلاقي رفض تام للاعتراف برأي الناس وتفاعلهم لفكره في حالة واضحة من حالات الاقصاء الفكري حتى لو موثق!
ودا يخلينا نطرح السؤال ايه الحاصل في المحسوبين على النخبة؟
هل اضطراب هوية؟
ولا عجز في الحس الوطني؟
وليه الاقصاء حتى بالسخرية؟
وفين حرية الرأي؟
-٣٨

ندخل على هجوم العروبيين"المتطرفين"واللي مش مختلف عن اليساريين ونقصد المصريين وغير المصريين اللي بيمارسوا اشد انواع العنصرية والترهيب على اصحاب الفكر القومي المصري ودول برضو ميختلفوش في تركيبتهم عن النـازية او اي فكر بيدعي التفوق البشري على باقي الاجناس وأي فكر يميني متطرف!
-٣٩👇

وقبل الاسترسال بنحترم الشعوب العربية وحقها في اعلاء هويتها والاعتزاز بيها، لكن مش على حساب قوميات اخرى في اوطانها ومش شايفة في تعارض بين تمازج القومية المصرية مع العربية مع الاسلامية مع الشرق الاوسطية وحوض البحر الابيض المتوسط بالعكس
القومية المصرية “cosmopolitan”تمزج الكل
-٤٠👇

ولا تعارض بين الهويات في تكوين الشخصية المصرية نتاج التراكم التاريخي.
المعنى هنا هو الفكر القائم على تقديس كل ما هو عربي وشيطنة كل ما ليس كذلك "خاصة المصرية طبعا" وعنده معاداة للهويات الوطنية ومحاولة محو أي خصوصية للمجتمعات الناطقة بالعربية وحصرها في كونها مجتمع عربي واحد،
-٤١👇

وتزوير وإنكار الحقائق العلمية والتاريخية بهدف فصل الشعوب الناطقة بالعربية عن تاريخ أجدادهم "خاصة المصريين طبعا" وصناعة سردية تاريخية موازية بهدف خدمة المشروع العروبي الحديث ورافعين شعارات تمايزهم المادي في مقابل ضعف الامكانيات المادية اللي بتخدم على مشروعهم الفاشي إياه
-٤٢تابع

بجانب اضطهاد الأقليات الإثنية اللي رافضة المشروع دا وإجبارهم على تبنيه عافية كدة، ودا بيحصل مع بلاد تانية زي اللي بيمارسوه على العراق وسوريا والسودان لكن طبعا التركيز على مصر!
في وسط دا كله في جريمة بتحصل زي ما تكون متسربة في مخدر الاهمال والتهميش
-٤٣👇

وهى "التدمير المتعمد للولاء الوطني عند الشعوب الناطقة بالعربية "بحجة أن الأوطان دي مش أوطان فعلية بالاساس وصناعة سايكس بيكو الاستعمارية والوطن اللي المفروض يعترف بيه الكل هو "وطن عربي واحد من الخليج إلى المحيط"
طبعا انا بتكلم على اصحاب تيارات فكرية متطرفة،مش شعوب ودول شقيقة
-٤٤👇

عايزة اذكر ان محاولات ضرب القوميةالمصرية مش جديدة وخصوصا المحاولات العروبيةمنها وهى فكر استعماري اصيل شفناه مع الاحتلال البريطاني لما شجع الهجرات الاجنبيةوخصوصا الشامية لدحر هذا التيار رافعا شعار
"مصر للجميع"
بدل
"مصر للمصريين"
شماتة الصحفيين الشوام في هزيمةعرابي امام الانجليز
٤٥

ودا عشان يقدر يضعف التيار القومي اللي كان هدفه الاساسي طرد المستعمر!
كدة انا خلصت اغلب الادعاءات اللي اتوجهت مؤخرا للتيار القومي الحديث بس فيه سؤال حابة اجاوب عليه:
إيه سبب ظهور التيار القومي الحديث واستنفاره إلى هذا الحد؟
-٤٦

من الملاحظ مؤخرا هو احساس المصريين بعدد من الاخطار المحيطة ببلدهم بعد ثورات الجحيم العربي بالذات وناخذهم تدريجيا:

بعد كل التجارب المريرة اللي كانت مصر دورها محارب عن الجميع في حروب اتسمت اغلبها باضعاف جبهة مصر وانهاكها سياسيا واجتماعيا واقتصاديا
-٤٧تابع

وبعد تهشم التيار اليساري العربي مفسحا المجال لتيارات التطرف الاسلامي وانقضاض الاخوان والجماعات الجهاديةعلى الحكم في مصر ثم الحرب المريرة على الارهاب كان على الفكر المصري انه يدور على درعه الحقيقي ويصر على خوض معركته بإعادة التمسك بهويته اللي أثبتت الأيام والسنين قوتها وصلابتها
٤٨

و هى القومية المصرية التى يمكنها فى هذه اللحظات التاريخية العصيبة أن تصنع الغطاء الأيديولوجى للمصريين، اقباط مسلمين ومسيحيين. الكنيسة اتفجرت والجامع اضرب، اذا مش منتبهين!
-٤٩تابع

السبب التاني هو الهجوم التتاري على المقدرات التاريخية المصرية مع هجمة الافروسنتريك ورغبتهم في الاستيلاء على كل ما هو مصري قديم نافيين عن المصريين انتماءهم لاجدادهم ونسبهم للعرب والاوروبيين! ودا دق عند المصريين ناقوس خطر كبير حرك القومية المصرية المدفونة جواهم
-٥٠تابع

وشكلوا حائط صد فطري عشوائي ضخم جدا اجبر الجميع على سماع صوته والانصياع لارادته، بالرغم من مساندة الاعلام العالمي لسرقات الافروسنتريك الا ان جبهة المصريين كانت اصلب بشكل يثبت ان القومية المصرية حاضرة ومتنبهة
x.com
-٥١تابع

Loading tweet...

وهى نفس القومية اللي واجهت اضطراب الهوية اللي كان بيحاول يفرضه الاخوان ومطاياهم من اليسار المتشرذم، بس احنا بننسى!
تالت حاجة ودي تخص الانقضاض على حدود مصر والتهديد لحقوقها المائية ومحاولة شيطنتها وبرضو حرمانها من هويتها المصرية الاصيلة بحجج لها علاقة بالاطماع الاستعمارية
-٥٢تابع

بإلقاء تهم من عنصريين ضد مصر ودورها الاقليمي بنوع من ما يطلق عليه "العنصرية المضادة" هنا كان لازم القومية تستنفر بالشكل اللي احنا ابتدينا نشوفه!
واخيرا الاحتلال شبه الاستيطاني لمصر من الجاليات المهاجرة باعداد مليونية واللي بيحصل لها إثراء سريع غير مفهوم ولا معلوم المصدر
-٥٣تابع

واللي بتتلقى دعم وعلاج وتعليم مخصوم من ميزانية المصريين اللي بتعاني بالفعل من ضيق الامكانيات ومحدودية شديدة،دا غير تمكينهم بشكل غريب في المؤسسات التجارية والوظايف وتشكيلهم لمجتمعات موازية تشبه ال "ghetto’s”او الجيتوهات اليهودية حول العالم وممارستهم العنصرية ضد المصريين
-٥٤تابع

واللي كانت برضو سبب مباشر في استنهاض الفكر القومي و تذكره لحقب تاريخية عرضت مصر للخطر والاحتلال اهمها كانت فترة الهكسوس و اللي دخلوها عن طريق الهجرات باعداد كبيرة برضو وبعدها قاموا باحتلال مصر الى ان طردهم .
-٥٥تابع

خلوني أقول حاجة مش بريئة اطلاقا في القادم:
مراكز الفكر والدراسات البحثية الاسرائيلية بدأت تنشر وفي العلن خوفها من تمدد الفكر القومي المصري وعودته لهويته وجذوره المصرية القديمة، وانا في حل من إني اسرد عداوة الفكر اليهودي القديم وتاريخ طردهم من مصرالقديمة والحديثة
-٥٦

ببساطة كدة خوفهم من الفكر القومي بيهدد مصالحهم وبيضع اللي بيهاجم هذا التيار في خندق قريب شويتين تلاتة من مصالح الخندق الاسرائيلي بدون وعي.

معلش لزم الربط والتنويه لانه مش غايب عن حد ما يحاك ضد مصر حاليا من المؤامرات الصهيونية عن طريق عملاءهم اللي حضراتكم عارفينهم🤐
-٥٧تابع

الغريب بقى ان لما حد يعلي من القومية المصرية تلاقي ادعاءات مضحكة زي الاتهامات بالتطرف والبعض يتصور ان المصريين هيقيسوا مناخير اليهود وشفايف الافارقة وعينين الشرق أسيويين زي ما كان الفكر النازي بيعمل في ألمانيا!
alahramaldawly.com
-٥٨تابع

alahramaldawly.com/2020/07/19/109…

‏ عودة ⁧‫الاقواس التسعه بقلم :شيرين هلال

بقلم :شيرين هلال ..‏أعجب كل العجب عندما يفاجئنى المصرى بعودة كل شيء للعهد القديم و كأنه يصر ان يثبت...

القومية المصرية مش بتعادي حد ولا عايزة مصر تغزو جيرانها لكن بتدي الأولوية لكل ما هو مصري على الأجنبي زي
التراث الحضاري المنتجات
الطابع المعماري
القومية المصرية مش بتطالب غير ان الجميع يتوحد تحت اسم مصروبتبعد المصريين عن اي إنقسامات طائفية او قبائلية وإنتمائهم وولائهم لمصر فقط
٥٩

وان تكون مصر دولة مستقلة بذاتها وليست كيان قزم تابع لخلافة او عروبة يستهلكها او هراء يسارجي عاوز مصر تكيه ووكالة من غير بواب
حاليا هذا التيار متكون من مجموعة من الشباب كل إللي بيعملوه انهم بيحبوا بلدهم وخايفين عليها وبيعيدوا احياء الهوية المصرية لكن بيتعرضوا للنبذ والكره
-٦٠تابع

والتحريض من نفس الشعب اللي بيدافعو عنه وعن حقوقه وعن أحقيته بالبلد من الأجنبي اللي مُصر ياكل من خيره ويقصقص من حقوقه. شباب غير منظم بيدافع عن هوية ادفنت باسم القومية العربية ومصر للجميع والوطن حفنة من تراب عفن و طز في مصر!
-٦١تابع

واظن ان كلنا شاهدين على القومية الفلسطينية اللي طلعت وبتقول ان فلسطين للفلسطينين وأرضهم حقهم، كله وقف في صفهم واولهم المصريين، ماعدا المحتل شبهم بالنازية-بالتزامن مع اللي دلوقتي برضو بيشبهوا القومية المصرية بالنازية
ونفس الاصوات العالية عشان فلسطين كانت خرساء عشان قضايا مصر
-٦٢👇

وافكرك
التيار اليساري او الاسلامي من قضايا الحقوق المائية لمصر
كانوا فين لما مصر راحت مجلس الامن تطالب بحقوقها التاريخية بحسب القانون الدولي اللي نفس القانون الدولي بيطالبوا بيه عشان فلسطين!
ولا العداوة كانت مع مصر؟
على سبيل المثال لا الحصر
كامل تضامنا مع القضية الفلسطينية
-٦٣👇

بالمناسبة في كل عصر من العصور اللي عدت على مصر فيها احتلال او اضمحلال كان في ناس دونية ومنحطة بتساعد المحتل بنشر فكر الانهزامية وتخويفنا بالتقليل من انفسنا وتعلي من شأن الاجنبي وتدي له امتيازات تمهيدا لتسكينه وتمكينه واظن عهد المماليك كان انسب مثال على كدة.
-٦٤تابع

وقبله المصريين ايام الاحتلال البطلمي عملوا ثورات كتير ضد المحتل وللاسف وقتها كان فيه فئة قليلة مؤيدة للتواجد البطلمي فى مصر لما فاض الكيل منهم المصريين حرقوا منازلهم ودمروا املاكهم بسبب تأيدييهم للاحتلال الاجنبى!
-٦٥تابع

في وقت النكسة وفي عز ما المصريين بيخوضوا اشرس معارك الصمود كان في اصوات انهزامية لعينة (ابرزهم كان من المثقفين والكتاب ودكاترة الجامعة) للاسف كانوا بيبثوا الروح الانهزامية ومع ذلك حاربنا وانتصرنا عليهم!
زي الموجودين حاليا ولكن دلوقتي عندنا الانتشار اوسع للاسف
-٦٦تابع

الناس دي محصور فكرها بين تيارات اسلاماوية عروبجية او يسارية، كل فكرتهم عن مصر انها ارض "مدنسة" ملك للجميع يعرفوا يرحبوا باي قومية اخرى على ارض مصر ويشاركوا في اثراءها وتمكينها وبالتوازي مع التحقير من القومية المصرية في مفرداتها البسيطة:
-٦٧تابع

*الانتماء نسلا وجينيا للمصريين القدماء
ايه الالحاد او الكفر في كدة؟
*الاعتزاز بالهوية المصرية
ايه التمرد على تعاليم الاسلام او غيره من الاديان في كدة؟
*المطالبة باحياء اصول الحضارة المصرية من علم وثقافة وعادات ولغة
ايه الخطأ في كدة؟
-٦٨تابع

اللي حابة اوصله ان اي مصري هو قومي بدون موضع اختيار
قومي لما بيفرح لصالح شيء ايجابي لمصر ويعترض على شيء يضر بسمعتها او يهين هيبتها.
انت قومي لما بتشتغل وتنتج منتج مكتوب عليه صنع في مصر وتجتهد عشان المنتج دا يوصل اخر الدنيا
قومي لما تشيل اذى من طريق او تعرف ناس طريق
-٦٩تابع

او تبعد عن طريق فيه ضرر لمصر
قومي وانت بتنطق وتتصرف تصرف يعبر عن هويتك بفطرة بسيطة
قومي وانت بتتكلم اللهجة العامية المصرية اللي مليانة الفاظ مصرية قديمة وانت مش دريان
قومي وانت خايف على بلدك من اذى وجود الاجانب باعداد اكبر من المعتاد لان غيرتك على بلدك واولادها تخليك قومي
-٧٠

قومي وانت بتتشرف ادام العالم ان الحضارة المصرية العظيمة هى امتدادك لحد النهاردة
عكس كل ما سبق هو اللي مش طبيعي ويخوف، هو اللي يخلينا نحاول نعرف ليه الناس دي بتخوفنا من قوميتنا وبتحاول تشيطن تيار بيدعوا للاعتزاز بيها؟
للعلم واخيرا
-٧١تابع

الحضارة المصرية هى الوحيدة بين الحضارات القديمة والحديثة وصولا للحضارة الغربية اللي مكانش لها اطماع استعمارية ولا خرجت مغيرة على اي قومية او شعب اخر ، خروجها كله مسجل على جدران المعابد بيدافع عن الحدود والمصالح المصرية اللي كان ابعدها منابع النيل،
-٧٢تابع

وهي قومية مدنية بتؤكد على وحدة الانتماء بغض النظر عن العرق أو الدين واعتبرت إن مصر عندها نموذج لنظام إقليمي منفرد ومستقل في العالم ممتد منذ عصور مصر القديمة، وإنها المؤسس لكل حضارات الماضي حتى قبل ظهور الديانات،
٧٣تابع

و إن نطاق ثقافتها مش بس عربي إفريقي لا بيشمل كمان حضارات البحر الأبيض المتوسط والنيل. يعني القومية المصرية شمولية في الفكر متعرفش إقصاء لحقب ولا تعلي من شأن ثقافة على حساب أخرى ومعندهاش إقصاء ولا استعلاء، تشبه روح المصريين الوسطية النبيلة.
بقلم
#شيرين_هلال

‏ عودة ⁧‫الاقواس التسعه بقلم :شيرين هلال

التصنيفات

المزيد من هذا الكاتب

مواضيع ذات صلة

الأكثر اعجابا

‏ عودة ⁧‫الاقواس التسعه بقلم :شيرين هلال

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد