ثريد: اتصالات زحل والطالع في خريطة الميلاد.
ينطبق على (الاقتران، المعاكسة، التربيع، التثليث، التسديس، عدم الاقتران)
📍طالع #الجدي وطالع #الدلو قد تنطبق بعض النقاط.
#ابراج #خرائط_فلكية
ينطبق على (الاقتران، المعاكسة، التربيع، التثليث، التسديس، عدم الاقتران)
📍طالع #الجدي وطالع #الدلو قد تنطبق بعض النقاط.
#ابراج #خرائط_فلكية
١. في البداية اي شخص عنده اتصال بين زحل والطالع ناضج وباله طويل حتى لو الخريطة فيها عناصر نارية او هوائية بعد فترة قصيرة الشخص بينضج وبيعقل بسرعة. دا الشخص اللي ممكن يبقي في البداية جنان وعصبية وشقاوة رهيبة وبعدين فجأة يتحول لشخص صامت لدرجة تدهش الجميع وتبقي مش عارف ايه اللي حصله
٢. الحقيقة ودا الجانب الحزين من اتصالات زحل والطالع ان "الحياة بتهدهم" بدري فبتجد ان الشخص بيتعرض لظروف واوضاع اكبر من عمره، اكبر من استيعابه فأوقات الشخص بتتسرق منه طفولته، بتقيد احلامه وبيلاقي فجأة ان على عاتقه مسؤولية او التزام وبقي كبير وبيتعامل زي الكبار من غير ما يحس.
٣. ولذلك اغلب الأشخاص اللي عندها اتصال بين زحل والطالع خاصًة الاقتران، المعاكسة او التربيع بيكبروا بسرعة، البعض بيظهر اكبر من عمره او لما بتتعامل معاه بتحس انك بتتعامل مع شخص كبير، ناضج فاهم الدنيا كويس وده حقيقي لأن الشخص هنا بيكون سابق سنه وعنده خبرة رهيبة.
٤. والمثير للاهتمام ان أغلب الأشخاص بتتعامل معاهم على اساس انهم كبار ولذلك بتتم محاسبتهم بدقة والتعامل معاهم بقسوة في اوقات لأن محدش بيتقبل منهم انهم يعيشوا سنهم او يتصرفوا طبقًا لسنهم فممكن يبقي الشخص عنده 14 سنة بس بيتعامل من اللي حواليه على اساس انه 30 سنة وده بيظلمهم.
٥. وعشان كده جزء منهم فعلاً مش بيعيش حياته، بيبقي متحمل مسؤولية او مقيد بسبب ظروفه ومحيطه لأن اوقات الشخص بيكون "الابن/الابنة" الكبير او الأخ الكبير اللي بيلعب دور الاب او الأخت اللي بتلعب دور الام فمن سن صغير بيتحملوا مسؤولية كبيرة ومن هنا بينضجوا ومن هنا بيكتسبوا خبرة.
٦. وعلى فكرة اوقات اتصالات زحل والطالع بتدل على شخص اتربي/نشأ في محيط اغلبه ناس ناضجة او اكبر منه بفرق زي فرق سن بينه وبين اخواته وقرايبه او فرق سن بينه وبين زملاء العمل أو الجامعة فعادًة الشخص بيرتاح في وحدته او بيرتاح مع الأكبر سنًا ومش بيعرف يندمج قوي مع جيله او الأصغر.
٧. ولذلك بعض الأشخاص اللي عندها اتصال بين زحل والطالع بتعاني في طفولتها لأنهم بيتظلموا وبيواجهوا ظروف اكبر منهم بس ده مش بيستمر للأبد وده الجانب الايجابي ان الشخص من سن صغير بيتعلم المسؤولية، بيتعلم الالتزام، بيكتسب طموح جبار لأنهم بيدركوا قيمة كل حاجة اتحرموا او اتمنعوا منها.
٨. ولذلك أكثر الأشخاص اللي عندها قدرة على تحقيق نجاح مادي ومهني هما أصحاب اتصالات الطالع وزحل لأن الشخص فهم الدنيا بدري فبتجد ان أخطائه قليلة مقارنًة باللي في سنه، بتلاقيه بيعرف يحمي حاله، بتلاقيه بيشتغل على نفسه بلا توقف لانه عارف انه مفيش حاجة سهلة. طموح جبار بمعني الكلمة.
٩. ولذلك اغلبهم خاصًة اللي عندهم اقتران او تربيع بين زحل والطالع بيصلوا لمناصب قوية وبينجحوا في خلق سمعة جيدة لنفسهم وده لأن يعتمد عليهم. فالناس بتثق فيهم. فلما الشخص بيوظف الطاقة دي صح دايمًا بيتقاله كلمة واحدة "أنا بثق فيك" فالناس بتحس معاهم بالثقة والأمان وده بيقويهم.
١٠. وده لأن الشخص جاد ومش بيحب يظلم لأن شرف زحل في برج #الميزان ففي ذبذبة مرتفعة هتلاحظ ان اتصالات زحل والطالع بتخلق شخص حقاني، مجتهد، عنده ضمير وبيحب يكون مسؤول سواء رجل أو امرأة. لأن البعض منهم اتظلم فمش بيخاف يتمسك بمبادئه لأنه عارف انه وصل أو نجح بمجهوده ومش بالحظ.
١١. التحدي اللي بيواجه الشخص دا في أوقات انه بيشيل الهم بزيادة، بيخاف من المستقبل قوي، بيخاف يتعب وفي ذبذبة منخفضة ممكن يكون عنده فوبيا من المستشفيات، الدكاترة، والخ وده لأنهم طول الوقت حاسيين بالمسؤولية، حاسين ان اي غلط هيحصل هيكون بسببهم او بسبب تقصير منهم وده مش حقيقي.
١٢. ولذلك بنقول لأي شخص عنده اتصال بين زحل والطالع خاصًة الإتصالات القوية زي الاقتران، التربيع او المعاكسة بلاش تصعبها على نفسك، انت تعبت كتير ومش مسؤول غير عن نفسك فمش محتاج تضغط حالك او تحمل نفسك التزامات اكبر منك حتى لو تقدر. بلاش تختار الصعب جرب في مرة تختار السهل وشوف.
١٣. على صعيد اخر مشرق الشخص هنا بيكتسب هيبة واحترام رهيب والناس بتعملهم حساب وقيمة ولذلك في اوقات الست اللي عندها اتصال مماثل بتعاني لأن الرجل بيخاف يقرب منها او يحاول يعبر عن اعجابه بيها لأنه بيحس انها جادة/عملية بزيادة وبصراحة لو خايف منك فدي مشكلته مش مشكلتك مش ناقصة صداع 😂
١٤. وفي المطلق الأشخاص دي بتحب تتأني في اتخاذ اي قرار خاصًة القرارات المرتبطة "بالزواج" البعض منهم بيفضل الزواج بعد ما يحقق نجاحات معينة او بعد ما يستقر والبعض الآخر بيلاقي فرص افضل في سن كبير/ناضج. فلو عندك اتصال مماثل بلاش تستعجل بالعكس اتقل تاخد حاجة نضيفة 😎
١٥. ولو انتي ست وعندك اتصال بين زحل والطالع خاصًة المعاكسة/التربيع/الاقتران انتبهي من نوعية الذكور اللي بأستمرار معتمدة عليكي أو محملاكي المسؤولية كلها بينما هو في عالم الشامبو والبلسم لأن في سن صغير ممكن تقعي في نموذج مماثل وتلاقي نفسك بتلعبي دور الرجل والست وكأنه اتجوز كود خصم.
١٦. اتصالات مماثلة هتخلي الشخص دايمًا في حالة من الاجتهاد والتطور وعشان كده اغلبهم بيرتاح على كبر وبيعرف يخلق لنفسه حياة مستقرة وللي حواليه وعشان كده أولاد واحفاد الشخص دا بيكونوا محظوظين بوجودهم لأن عادًة الشخص بيترك ثروة كبيرة، سمعة طيبة او شئ صلب يقدروا يعتمدوا عليه.
مش عارفة هعمل جزء تاني للثريد ولا لأ انتم عارفين اني جوزائية مزاجية بجانب ان الثريد ده دوخني عشان ينزل 😂 بس في معلومات كتير خاصًة ان دي من الاتصالات اللي بتختلف في خريطة الست عن الرجل ولكن هنكتفي بهذا القدر. وأصحاب اتصالات التثليث/التسديس بيكون الأثر عليهم اقل او أضعف.
وكالعادة خريطتك ليها الكلمة الأخيرة ومفيش بطل لحكايتك غيرك 🕊️
يا الله والله اشتقنا 🌠
الثريد دي مش هتنطبق علي كل الناس عزيزي القارئ ولكن حاول تاخد منها اللي بيمثلك وتشوف وضع خريطتك، شخصيتك، ظروفك لأن كل دا بيفرق في النهاية.
يا الله والله اشتقنا 🌠
الثريد دي مش هتنطبق علي كل الناس عزيزي القارئ ولكن حاول تاخد منها اللي بيمثلك وتشوف وضع خريطتك، شخصيتك، ظروفك لأن كل دا بيفرق في النهاية.
"افتكر دايمًا ان مفيش حاجة هتفوتك، كل حاجة هتحصل، انت مش متأخر ومش بعيد. انت في المكان الصح فأستغل اللحظة، ركز، خد نفسك وتأكد ان دورك جاي"
للأبد بحبكم أبطالي 🦄 💜
للأبد بحبكم أبطالي 🦄 💜
جاري تحميل الاقتراحات...