رتبها

ادركوا اللحظة الفارقة
اللي عملته مصر من بداية النكبة الأولى في 1948ولحد النكبة التانية في 2023 محدش لا يقدر ينكره ولا يزايد عليه. نسيبنا شوية من الابواق والاقلام اللي بتتكلم من دوافع اللي بيدفعوا لها من مختلف بقاع الارض، او من اللي دماغهم متساقة خلف نخبة خربة
١-تابع

سواء اخوان او يسار او ناس مش فاهمة ابعاد القضية "الاقليمية والدولية".
مما لا شك فيه #طوفان_الاقصى ادي لخسائر في الارواح كبيرة وفي البنية التحتية والله اعلم هتطلع الخساير في الارض أد ايه! لكن ممكن يتبني عليه بعض المكاسب الكبيرة "مش الافراج عن المساجين بس"
-٢تابع

و اول المكاسب هى ادراك الطرف الفاعل في كل الاحداث الماضية، الطرف اللي قدر يفرض ارادته على الجميع ويوقف المشاريع الاستيطانية والاستعمارية الجديدة في الاقليم ، الطرف الاقوى استراتيجيا و سياسيا و عسكريا وهى بالتأكيد مصر.
-٣تابع

مصر اللي وقفت لوحدها و اكرر لوحدها وقالت:
لا للتهجير
لا للتوطين
لا لتصفية القضية الفلسطينية
لا للتفريط في سيناء
لا لخروج مزدوجي الجنسية بدون دخول المساعدات
لا لاحتلال جديد
-٥تابع

مصر اللي عملت اول مؤتمر يخص السلام في غزة وكشفت حكام العالم الغربي امان العالم وامام الشعوب المخدوعة.
مصر اللي العالم كله كان في حركة تواصل مكثف معاها من اول اندلاع الحرب الحرب والقاهرة كانت اكتر عاصمة عربية استقبلت زوار من قوى عظمى ، و رفعت في وشهم الرفض و الاصرار
-٦تابع

وعلمت بعضهم دروس لسة معلمة على "خدوده".
مصر اللي رفضت تقابل رئيس الولايات المتحدة في قمة بالاردن وقالت لا مفيش كلام بعد ضرب المستشفيات.
مصر اللي فوضتها الدول العربية و الاسلامية بالتصدر وحيدة برضو نظرا لامكانياتها الكبيرة وقدرتها على المواجهة.
-٧تابع

مصر اللي كل اطراف الصراع تمسكت بوساطتها في الهدنة وكلهم تمسكوا باشرافها الكامل على عملية تسليم الاسرى والرهائن.
مصر اللي راعبة اسرائيل من الداخل وكل امنيتها ان مصر متقطعش اتفاقية السلام معاها و مأدبة حماس ومحجمة خطواتها ومع ذلك الطرفين متمسكين بقوتها.
-٨تابع

مصر اللي وقت الجد كانت صاحبة اكبر حملة تبرعات لاهالي غزة بواقع 80% من اجمالي تبرعات العالم.
مصر اللي برغم كل حملات التشويه المأجورة عليها و كل الشائعات المدفوعة من اللجان من كافة بقاع الدنيا واقفة صالبة طولها وبتتكلم من منطق قوة.
-٩تابع

مصر اللي مش ساكتة لا ليا و لا نهار ومحركة كافة رجال مؤسساتها من رئيس مش بينام عشان القضية
ورئيس مخابرات كلمته نافذة وخطواته بتدب الرعب في قلوب الكل، مش ساكت ولو منطقش
ووزير خارجية مكوكي الحركة وصاحب طلاقة لسان وجسارة في التصريحات،
دا غير جيش مصر و مجهوده الكبير على الحدود
-١٠تابع

و استنفاره لعدد من القوات مشافتوش اسرائيل في سيناء من وقت حرب 6اكتوبر 1973, مخلي جيشها مرعوب من مصر، كمان وزير صحة مسخر امكانيات مصر بالكامل لعلاج الجرحى الفلسطينيين في مستشفيات الدولة ومكلف بعمل ملف لادانة اسرائيل باستخدام اسلحة محرمة دوليا مثبتة من اصابات المرضى.
-١١تابع

مفاد دا كله بيقول ان مصر محاصرة اسرائيل ودلاديلها حصار دبلوماسي خطير و غير مسبوق في معركة دولية سياسية حامية الوطيس مخلية اسرائيل مش عارفة تفلفص حرفيا!
مصر اللي اعلامها سجل نقاط كانت مفاجأة كبيرة في الاحداث،القنوات الاخبارية ال3
القاهرة الاخبارية
واكسترا نيوز
والنيل للاخبار
-١٢👇

كانوا عاملين ملحمة من اللقاءات والانفرادات-لوجو القاهرة الإخبارية كان على كل الشاشات ،إعلام مصر هو اللي بيُنقل عنه في كل القنوات العالمية!
الحلقة اللي بتضييق على اسرائيل دوليا وبتقودها مصر اقليميا كمان من قلب محيط مضطرب و متقلب الردود والاستعداد الباهت من بعض الدول؛
-١٣تابع

بيقول انها صاحبة التنسيق الدولي لمعزوفة "الاعتراف بالدولة الفلسطينية"، و دا يبان من تصريحات رؤساء وزراء بلجيكا و اسبانيا اللي مجاتش صدفة و لا زيارتهم مصر في توقيت واحد صدفة و لا مرواحهم المعبر صدفة.
الدولة المصرية بتنسق على مستوى دولي عالي عشان تضغط
-١٤تابع

بالاعتراف الدولي بدولة فلسطين وادراجها دولة عضو في الامم المتحدة، بالرغم من حصول الدولة الفلسطينية بالفعل على 138 اعتراف سابق لكن نفوذ الولايات المتحدة الامريكية و تلاعب اسرائيل بالقرار الامريكي عطل ادراك فلسطين في الامم المتحدة كدولة عضو .
-١٥تابع

و التعطيل دا نابع من ان اسرائيل عمرها ما كانت ناوية تنفذ حل الدولتين ابدا، وشفنا محاولاتها الاخيرة في ايزاح الفلسطينيين من اراضيهم في قطاع غزة على مصر و من الضفة الغربية على الاردن، تمهيدا للاستيلاء على باقي الارض وتصفية القضية الفلسطينية بالكامل، ودا اللي حاربته مصر
-١٦تابع

وحاليا دخلت على ليڤل اصعب من الحرب وهو انتزاع الاعتراف بالدولة الفلسطينية ، مستغلة التعاطف الدولي مع القضية اللي يعتبر في اعلى مراحله حاليا. ويخلينا نقول بالفم المليان "ادركوا اللحظة الفارقة"، عشان مصر تقدر تعمل الضغط المطلوب اللي بالتاكيد موقف اسرائيل على شعر راسها
-١٧تابع

ومش قادرة تلاحق عليه يمين وشمال ما بين تهديد للامين العام للامم المتحدة واستعداء سفراء الدول اللي مصر نسقت معاهم لتبنى سياسة خارجية تتسم بالعدوانية في التصريحات من دبلوماسيها - فعلا اسرائيل بتلف حوالين نفسها مع الضغط الداخلي والدولي المعمول عليها
-١٨تابع

وباعتراف مراكز الابحاث السياسية عندها، طبيعي انها هتسعى إلى التحالف مع الاصوات والجبهات اللي هتساعدها في عرقلة قيام دولة فلسطينية باي تمن وبحجج مختلفة زي مثلا رفض فكرة قيام دولة فلسطينية بدون جيش،مع ان الطرح دا كان موجود من وقت ياسر عرفات واتفاوضوا عليه في اتفاقية اوسلو1993
-١٩👇

لكن عشان السيسي اعاده على الاذهان، هتجيش ضده الابواق الناعقة!
وعلى فكرة المانيا بعد الحرب العالمية الثانية كانت منزوعة السلاح لحد لما لملمت اوراقها واستقر الوضع بعد 10سنين تقريبا، بدأت بتكوين جيش و الحصول على السلاح، والمطروح هو نواة لفكرة تساعد في اقامة دولة فلسطين
-٢٠تابع

و بعد قيام الدولة و تثبيت وضعها يمكن فى مرحلة اخرى بناء جيش فلسطيني.
مين بقى الاطراف اللي هتستغلها اسرائيل الفترة القادمة و تدعم صوتها الفترة القادمة بعيدا طبعا عن حلفاءها الدوليين:
-٢١تابع

الاخوان يا سادة والمستعمرين فكريا من اليسار المؤدلج، و المخطوفين سياسيا والدونيين اتباع ابو عبيدة الملثم وغيرهم من مراهقين السياسة. الاخوان هتقود عملية ضغط مضادة ممنهجة وتفوت الفرصة لاقامة دولة فلسطينية باي شكل (خصوصا وان السيسي هو المتصدر فيها)
-٢٢تابع

الاخوان لو حتى ماخدتش دعم مادي هتشتغل على الحملة دي بالوقود الذاتي عندها مكايدة في السيسي و مش مهم بالنسبة لها القضية خصوصا وان المؤشرات بتقول ان ذراعها الفلسطيني (حماس) خارج المشهد السياسي و الكلام على السلطة الفلسطينية و تصعيدها باستلام الحكم في غزة،
-٢٣تابع

و دا برضو بيقول ان حماس الاخوانية هتشارك بكل العنف ضد اقامة دولة فلسطينية هى مش طرف اصيل في قيامها و لم تحصل من وراءها على امتيازات خاصة بيها. ونفضل احنا مخطوفين ورا حركات حماس العنترية واعتداءاتها اللي هترجع لاسرائيل التعاطف الدولي بمنتهى البساطة
-٢٤تابع

وتعمل اغلاق لملف الدولة الفلسطينية و هلما جرة!!
مطلوب لاسرائيل الحلقة المفرغة اللي بندور فيها تفضل دايرة
١.حماس تضرب إسرائيل
٢.إسرائيل ترد في تصرف متوقع من الوحشية غير
مفاجئ بالمرة ومدعوم من القوى الاستعمارية
٣. العرب: أنتِ يا #مصر الكبيرةالمسؤولة عن كل دا، اتصرفي يلا!
-٢٥تابع

سوري المتوالية دي مش هترجع حقوق واثبتت فشلها.
احنا في اللحظة الفارقة لان مصر بيحكمها حاليا حاكم قوي ومحارب شرس - حبيته او لاء - ايدته او عارضته- انت متقدرش تنكر انه من اقوى الحكام اللي تولت حكم مصر في العصر الحديث،
-٢٦تابع

الصحف العبرية بتقول:
السيسي فرض شروطه علي اسرائيل وجعل مصر لاعبا دوليا واستعاد قياده المنطقة دا حتى الداخل الاسرائيلي فهم كدة واهالي الاسرى الاسرائيلين راحوا يستنجدوا بالتدخل المصري امام السفارة المصرية في تل ابيب. مراكز الابحاث والبرامج الاسرائيلية كلهم بيحذروا من السيسي
-٢٧👇

وشايفين انه خطر عليهم بالرغم من انه حاكم قوى وصعب عليهم طيه. و دا يؤهله انه يخوض المعركة للاخر ويحقق فيها الهدف اللي مفروض يعزي الجميع عن فقدان 20ألف روح بريئة وهو والاعتراف بالدولة الفلسطينية اللي هيترتب عليه ملفات كتير ممكن تربك حسابات المخططات الاستعمارية
-٢٨تابع

وحسابات الهيمنة فالمنطقة ويضيع على الكثيرين فرص الانقضاض على مصر !
الكلام دا يخلي كل صاحب ضمير وعقل حر يفكر في دعم #عبدالفتاح_السيسي في الملف داتحديدا ويمنع الانجرار ورا دعايا الاخوان وعملاء الصهيونيةوالوقف الفوري للتعاطي مع شائعاتهم ضد القيادة والدولة والشعب المصري
-٢٩👇

المطلوب كلنا نحكم عقولنا ونتعلم من دروس التاريخ اللي بالفعل بتقول ان اللي مش في مركب مصر حتما غرقان!!
اللحظة الحالية الكل لازم يتمترس خلف موقف مصر وساعتها هيكون في دولة فلسطينية (بحق و حقيق)
-٣٠تابع

مش بس كدة هيتقدم مجرمين الحرب للمحاكمة،
الفرصة متاحة و لازم نستغلها جميعا👇👇
-٣١تابع

لكن بشرط توحيد الجهود .
احنا بنشهد اجواء شبيهة جدا باجواء 1978 لما رتب السادات إجتماع فى المينا هاوس لإسرائيل وأمريكا ومصر والأمم المتحده وفلسطين كدوله مستقله على حدود67 للتفاوض على هذا المبدأ فيما عرف بكامب دافيد ورفض عرفات الحضور!!!
-٣٢تابع

و انضم لمؤتمر بغداد1978 وبحضور 10دول قررت رفض اتفاقية السادات مع اسرائيل ومقاطعة مصر،ما عدا سلطنة عمان والصومال والسودان،وتم نقل مقر جامعة الدول العربية من القاهرة لتونس.وقاطعوا مصر!
وفين النهاردة الدولة الفلسطينية؟
فين بغداد العراق؟
فين دمشق سوريا؟
فين طرابلس ليبيا
-٣٣تابع

اجتماع المينا هاوس كان هيبقى فيه ٣ اعلام مرفوعة (مصر،فلسطين،اسرائيل) ويقعدوا يجتمعوا والفلسطينين هياخدوا جزء كبير من حقوقهم اللي لحد دلوقتي مش عارفين ياخدوا ١٪ منها وراحوا أوسلو عشان ياخدوا شوية حقوق واعترفوا باسرائيل وادوها اكتر من70% من الارض وفعليا ماخدوش حاجة
-٣٤تابع

النهاردة في فرصة سانحة جدا لوجود اعتراف حقيقي وقيام دولة، فقط لو تعلم الفلسطينيون الدرس وعرفوا حقوقهم في حدود هذا العالم ايه؟
بعيدا عن الشعارات اللي في 50 يوم خسرتهم شمال قطاع غزة (40%من الارض)!
مصر ماضية في طريق مساندة القضية لاخر مداها بشرط انها تلاقي دعم شعبي ودولي وراها
-٣٥👇

حيدوا كل الاهداف وابعدوا اي خلاف سياسي عن الهدف الاسمى و هو الخروج بدولة فلسطينية حقيقة ، على الاقل عشان ترتاح ارواح الشهداء.
لو في دولة في هذا العالم تقدر على لعب هذا الدور هتكون مصر دون غيرها!
-٣٦تابع

ولو في رئيس دولة عنده المقدرة والاصرار على الوصول لتحقيق الهدف هيكون الرئيس المصري #عبدالفتاح_السيسي،الاحداث الحالية والتاريخ الماضي بيقولوا كدة!
مش شوفونية بالعكس دا تحميل مسوولية رهيب على كتف الرجل وادارته،والله الموفق والمستعان
حكموا ضمائركم وادركوا اللحظة الفارقة!
#شيرين_هلال

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد