ثريد :
شاب كويتي خطف صديقه وإعتدى عليه وقتىله !! 🔞
شاب كويتي خطف صديقه وإعتدى عليه وقتىله !! 🔞
حالة حرجة جديدة مبلغها بسيط وقادرين عليه بدعمكم راح نقفلها بإذن الله والله يكتب اجرنا واجركم يارب 💜👏🏼
store.berthaniya.sa
store.berthaniya.sa
في البداية هذي احصائيات حسابي🚨 ..
حسابي يعتبر مصدر رزق لي و الخاص مفتوح للاعلانات بسعر رمزي و ما استغني عن دعمكم الله يسعدكم 💜
حسابي يعتبر مصدر رزق لي و الخاص مفتوح للاعلانات بسعر رمزي و ما استغني عن دعمكم الله يسعدكم 💜
بطل قصتنا شاب كويتي اسمه بدر عمره 18 سنة ما كمل دراسته وفضل انه يتطوع بالجيش يعني صار عسكري وبيوم من الايام وبلحظات منه خطط حق شغلة نقدر نقول عنها شيطانية !!
فكر انه يخطف ويهتك عرض واحد من اصدقائه. واللي بعد يقرب له من بعيد ، علشان كذف قلت لكم ما ادري شلون البني ادم يفكر ؟ شلون انا اروح اخطف واهتك عرض صديقي ؟ والصديق هذا بعد يشتغل وبتاريخ 10-8-1995 بدر اخذ سيارته وراح بيت صديقه وكان معاه بالسيارة عمه وقدام بيت صديقه شافوا الولد واقف هناك فقالوا له تعال اركب معانا فركب الولد وقعد بالكرسي اللي ورا وساقوا السيارة وراحوا فيه منطقة اسمها منطقة الجواخير معروفة منطقة صحراوية ومعروف ان فيها حظاير للماشية ،
وهم بالطريق رايحين منطقة الجواخير بدر رفع صوت الراديو. علشان يسولف هو و عمه ويخططون حق الموضوع بدون لا يسمعهم صاحبه. وقعد يساسر عمه ويقول له ان هو مشتهي صاحبه !! ايه قال حق عمه انا مشتهي صاحبي. ويبي يهتك عرضه علشان يذله. فوافق عمه على هالموضوع !بدال لاينصحه !
وصلوا لمنطقة الجواخير. وبدر وقف سيارته بساحة محوطة. هي تصير ساحة فاضية وفيها بس سور يسمونها فالكويت الحوطة فدخل سيارته داخل الحوطة ونزل فتح الباب من ناحية صديقه وعلى طول سحبه ونزله من السيارة وقال له عاللي ناوي يسويه فيه !!
الولد انصدم ورفض اللي قال له بدر ، هنا مسكوه بدر وعمه واعتدوا عليه بالضرب وحاولوا ينزعون عنه ملابسه. وهو كان قاعد يقاومهم باللي يقدر عليه. فضربوه بعنف وعوروه بكل مكان بجسمه. والثوب اللي كان لابسها تقطع ! وانعدم كله دم. وبالنهاية قدر انه يفلت منهم. بعد ما تقطع ثوبه وفنيلته الداخلية قاعد يركض بالصحرا بالبوكسر بس ( سرواله )
فعلى طول بدر وعمه ركبوا السيارة ولحقوا هالمسكين شبه عاري قاعد يركض وبدر وعمه وراه بالسيارة طبعا بدر وهو لاحق صديقه بالسيارة فكر انه يصدمه بالسيارة علشان يطيح وبعدين يصيده لكن بدر لما صدمه طاح الولد قدام السيارة والسيارة كانت مندفعة فداسوا عليه بالعجلات الامامية والخلفية يعني السيارة مشت على جسم الولد فطاح وما تحرك وقفوا سيارتهم ونزلوا له ولمن شافوا ان اصاباته بليغة خافوا وركبوا سيارتهم ومشوا
الموضوع هذا صار بالليل لما طلع الصبح واحد من العمال الاسيويين اللي يشتغلون بالمنطقة شاف جثة على الارض وحولها دم فعلى طول اتصل بالشرطة وبعد ما تلقى ضابط الشرطة البلاغ راح على طول بدوريته حق مكان الحادث فشاف الولد طايح على وجهه ووراه امتداد اثار اقدام وواضح انها ما كانت تمشي بخط مستقيم كانت الاثار بشكل متعرج وقريب من اثار الاقدام اثار عجلات سيارة وعلى بعد نص كيلو من الجثة لقوا ثوب وفنيلة داخلية مليانين دم وعنده اثار اقدام تبين انه كان في مشاجرة او في شي مو طبيعي صاير بهالمكان
الاثار داخلة ببعض وفيه اثار سحب فكان واضح ان في شيء او حركة غير طبيعية صايرة. تحفظ الضابط على الجثة لغاية ما يوصلون المباحث والادلة الجنائية.
تعرفون المثل اللي يقول ان المجرم دايما يحوم حول مكان جريمته! هذا تحديداً اللي صار ، بنفس الوقت والمباحث والشرطة كانوا موجودين بمكان الحادث بدر وعمه رجعوا مرة ثانية حق نفس المكان لانهم كانوا مو متأكدين ان الولد مات فكانوا راجعين عشان يتأكدون من هالشي وحظهم الوسخ رماهم عند الضابط اللي ماسك القضية ،
كان مسوي له نقطة تفتيش قريبة للمكان وقاعد يوقف السيارات علشان يتأكد من هويات الناس فوقفهم الظابط وطلب منهم هويتهم ولاحظ اثار الصدام بمقدمة السيارة وبدر وعمه كانوا مرتبكين ولما فتش الضابط السيارة لقى عندهم سكين وساطور واكياس نايلون ولما سألهم عن هالاشياء اللي عندهم السيارة قالوا له ان احنا رايحين جاخورنا ونبي نذبح خروف
بس هالموضوع ما مشى على الضابط فالقى القبض عليهم واخذهم هم وسيارتهم وداهم المخفر وهناك في المخفر عرضوهم على ضابط المباحث وسألهم قال لهم انتوا ليش جايين مكان الحادث وشنو علاقتكم بالقتيل ؟
قالوا ان هم يعرفونه بس ما ارتكبوا هالجريمة يعني اوكي بعدها كثفوا التحقيقات معاهم وصاروا ياخذون اقوال كل واحد فيهم لحاله ، بعد شوي بدت اقوالهم تتضارب .فقرر الظابط حجزهم ومواصلة التحقيق معاهم. وبعدها وصل تقرير ضابط مسرح الجريمة والطب الشرعي كانت تأكد انهم قاموا بالجريمة ،
الانبعاج بالعربية الفصحى اللي بمقدمة سيارتهم واثار العجلات اللي على الرمل متطابقة مع اثار عجلات السيارة. وكان في زيت او دهن متسرب من الماكينة. فلمن داسوا على الولد ظلت اثار هالزيت على رجوله . ولما قارنوا بين الزيت اللي طالع من السيارة والزيت اللي موجود على رجول القتيل طلعت النتيجة متطابقة ،
وتبين ان بعض اثار الدم اللي موجودة على ثوب القتيل من فصيلة وانزيمات دمهم. لان كانت في هوشة بينهم والدم اختلط فلقوا منها الاثار اللي على الثوب ان الدم اللي موجود من نفس فصيلة دم بدر وعمه. وقدام كل هالادلة قالوا انهم قتلوه بالخطأ وانهم اختاروا هالمنطقة لان عندهم جاخور فيها.
وهم يعرفون المنطقة عدل وعارفين انها منطقة صحراوية مظلمة وما حد يتردد عليها بوقت متأخر من الليل ، واعترفوا انهم رجعوا مرة ثانية مكان الحادث علشان يتأكدون ان هو مات ولا لا ، او انه ممكن في احد اكتشفه او للحين محد يدري عنها ..
وبعد اعترافهم على طول حاكموهم ،
صدر حكم محكمة الجنايات باعدامهم .. لكن محكمة الاستئناف اكتفت باعدام بدر وحبس عمه حبس مؤبد ! وايدت محكمة التمييز هالحكم. وبيوم 24-5-1998 الساعة 9:40 جابوا بدر قدام هيئة التنفيذ ، فتلى عليه الضابط نص حكم اعدامه وسأله رئيس النيابة اذا كان عنده اي اقوال او طلبات اخيرة يبي يطلبها ،
صدر حكم محكمة الجنايات باعدامهم .. لكن محكمة الاستئناف اكتفت باعدام بدر وحبس عمه حبس مؤبد ! وايدت محكمة التمييز هالحكم. وبيوم 24-5-1998 الساعة 9:40 جابوا بدر قدام هيئة التنفيذ ، فتلى عليه الضابط نص حكم اعدامه وسأله رئيس النيابة اذا كان عنده اي اقوال او طلبات اخيرة يبي يطلبها ،
فقال لهم انه مدين لاربع اشخاص بمبالغ مالية وان عمه راح يسدد له هالمبالغ ، وطلب انه يصلي .. وبعد ما خلص صلاته تمت على طول اجراءات تنفيذ حكم الاعدام ،
عم بدر اكبر مثال على صديق السوء. وهو عمه بمكانة ابوه لو مهما كان عمره حتى لو اصغر من بدر. يبقى عم بالنهاية كان الاولى ان هو ينصحه. انه يوخره عن هالطريق ، مو يوافقه ويروح معاه !!
واحد انعدم والثاني سجن مؤبد و واحد توفى الله يرحمه. لو بنفكر فيها كل هذي صارت بلحظة شيطان يمكن ما تعدت النص ساعة. واللي كان بدر اساسا قاعد يخطط له ويبي يسويه مع صديقه ، اعوذ بالله ما راح يطول اكثر من خمس دقايق او عشر دقايق ، هل تسوى ان حياتي تروح ؟ علشان عشر دقايق ؟
كل اللي اقدر اقوله الله يحفظ عيالنا وعيالكم ويبعد عننا وعنكم كل سوء 💔
كل اللي اقدر اقوله الله يحفظ عيالنا وعيالكم ويبعد عننا وعنكم كل سوء 💔
المصدر :كتاب الاعدامات بالكويت للصحفي صباح الشمري والمحامي نجيب الوقيان .
والقصة اذا تحبون تسمعونها موجودة بقناة المبدع فارس عاشور @Fares_ashoor فاليوتيوب 👏🏼
والقصة اذا تحبون تسمعونها موجودة بقناة المبدع فارس عاشور @Fares_ashoor فاليوتيوب 👏🏼
@Fares_ashoor انتهى ، بتاخذ الثريد ؟ تذكرني مصدر وتحط حقوقي غير كذا ما اسمح ❌
دعمك لي بالمتابعة واللايك والرتويت يخليني استمر 🔥
سنابي :
snapchat.com
دعمك لي بالمتابعة واللايك والرتويت يخليني استمر 🔥
سنابي :
snapchat.com
جاري تحميل الاقتراحات...