#الثغرة
السرد ده هيكون بالنسبة لك مرجع للرد على أي حد بيتكلم عن موضوع الثغرة بمجرد ما تأتي ذكرى انتصارات أكتوبر المجيد ...وعايزك تقرأ كويس جداً السرد من البداية للنهاية علشان كل تغريدة مهمة جداً جداً ومتصلة باللي قبلها ...تابع التغريدات 👇
السرد ده هيكون بالنسبة لك مرجع للرد على أي حد بيتكلم عن موضوع الثغرة بمجرد ما تأتي ذكرى انتصارات أكتوبر المجيد ...وعايزك تقرأ كويس جداً السرد من البداية للنهاية علشان كل تغريدة مهمة جداً جداً ومتصلة باللي قبلها ...تابع التغريدات 👇
1/في البداية كده لازم تعرف إن أي حرب في الدنيا بيكون ليها هدف سياسي وهو( فرض إرادتك السياسية على الطرف الآخر بالقوة العسكرية كحل اخير في حالة استنزاف كل الحلول السياسية)👇
2/وبيتم إدارة الحرب للوصول لهدف معين …. ولما بيتحقق الهدف ده بيتم وقف العمليات العسكرية إجبارياً رغماً عن القادة العسكريين وبيتم فرض الشروط على طاولة المفاوضات السياسية من الطرف المُنتصر..وبيتم إدارة الحروب من السياسيين لكي لا ينحرف مسار الحرب ويضر بالهدف السياسي الأساسي 👇
3/وممكن برضه الهدف السياسي ده يكون بيتعارض مع المبادئ العسكرية…لكن لازم تعرف إن في الآخر المصلحة النهائية للدولة بتكون مع القرار السياسي لأن الهدف هو السياسة وليس الحرب ….لأن #الحرب هي استثناء في حياة الشعوب و ليست قاعدة 👇
4/ ولازم تعرف ان في الوقت اللى القادة العسكريين بيكون كل تركيزهم على تحقيق النصر للخطة الموضوعة وعدم خسارة أي أرض جديدة ( زي الاستيلاء على 15 كيلو شرق القناة بالنسبة لموضوعنا) ..أما السياسي بيكون ال 15 كيلو دول بالنسبة له مجرد مرحلة لما بعد ذلك👇
5/وده لأن القيادة السياسية عارفة ومتاكدة إن الحرب دي استثناء ولازم هتقف فبيكون مركّز على إن لا تحدث فيها أي مواقف يمكن استغلالها ضده مُستقبلاً مع بدء الجولة السياسية بعد انتهاء الحرب مهما كلّفه الأمر وإلا تبقى الحرب دي ملهاش أي لازمة👇
6/يعني باختصار شديد القادة العسكريين بيكونوا مركزين عسكرياً فقط لكن السياسيين بتبقي نظرتهم أعم و أشمل 👇
7/ولازم تعرف كمان إن أي حرب في الدنيا لازم تنتهي بوقف إطلاق النار وبعد كده #فض_الاشتباك يعني ببساطة شديدة كأنها خناقه بين عائلتين في الشارع وبيتدخل وسطاء بينهم و يفصلوا ما بينهم علشان ميرجعوش يضربوا في بعض تاني فكل واحد بيرجع لخطوط بعيدة عن التاني👇
8/وفي حالة الحروب لما بيحصل تقدّم لقوات وتحتل أراضي كان مسيطر عليها الطرف التاني ..المنتصر مش بينسحب من الأراضي اللى استولى عليها لأنه اثبت عملياً إنه الأقوى وكأن لسان حاله بيقول(الراجل فيكم يوريني نفسه و يطلّعني من مكاني)😃 👇
9/والمهزوم هو اللي بينسحب و يرجع الى خطوطه القديمة ويسيب الأراضي اللى كان مستولي عليها و ميقدرش يطلب حاجة لأنه انكسر ومعرفش يحافظ علي أرضه بقوته العسكرية 👇
10/بالضبط زي ما حصل معانا في حرب 1967م اسرائيل انتصرت عللشان كده احنا انسحبنا … وبالضبط زي ما حصل في حرب 1973م مع اسرائيل … احنا استولينا على أراضي بطول (170) كم بعمق( 15) كم شرق القناة واسرائيل هي اللى انسحبت من غرب القناة ومصر مرجعتش متر واحد من شرق القناة 😃👇
11/عايز بس افكّرك بحاجة مهمة جداً تضعها في حسبانك وانت بتقرأ السرد ده وهي إن #الجيش_المصري حارب في أكتوبر 1973م بأسلحة قديمة جداً و بكل العلوم العسكرية كان مستحيل يحارب و ده وضّحته قبل كده في سرد #حرب_أكتوبر_تحقيق_المستحيل 👇
12/لكن السلاح الرئيسي واللى قلب الموازين فعلاً و كان مفاجأة حرب اكتوبر حتى لقادة الجيش نفسهم هو #الجندي_المصري نفسه لدرجة إنه كان من أهم مشاكل أول (3)أيام في الحرب لقادة الجيش المصري كانت إن معدلات التنفيذ سبقت بكتير جداً المُخطط لها 😃👇
13/يعني مثلاً أول فتحة في #الساتر_الترابي كانت بعد ساعتين فقط مع إن المُخطط لها كان (6) ساعات كاملة ...والمذهل إن بعد 4 ساعات فقط كان فيه اكتر من (30)فتحة في الساتر الترابي ومن غير قنابل ذرية بقولك الاسلحة تقليدية 😃 فكان العبور بيتم بمعدلات اسرع بكتير من المخطط لها 😎👇
14/فكان بيحصل كتير في حرب اكتوبر إن قائد كتيبة يتصل بقائد كتيبة تانية يستعجله و يقول له أنا خلصت في موقعي و هنعدل معاد التقائنا لنتوجه للنقطة الثانية فيلاقي القائد التاني يقول له انا وصلت اصلاً و بدأت و مستنيك انت فين ؟ 😃😃 👇
15/ ولا يمكن أن ننسى مقولة اللواء #باقي_زكي_يوسف صاحب فكرة استخدام المياه لإزالة #الساتر_الترابي لما دخل نقطة حصينة بعد سقوطها بمدة (4) ساعات فقط👇
16/لو دخلت مجزر يوم العيد الكبير ماكنتش هتبقى كده الدم والأشلاء في كل مكان حول و داخل الحصن والجُثث المُمزقة للصهاينة و الشهداء المصريين في كل حتة كانت فعلاً حرب شرسة أشبه بالمجزرة البشرية 👇
17/الجندي المصري كان بيدخل يستولي على الحصن بأسنانه ....يا قاتل يا مقتول و بيخلّص و بيروح على اللي بعده على طول 😎👇
18/طيب يا صقر انت بتقول الكلام ده ولسه متكلمتش عن #الثغرة ....
انا بقول لك الكلام ده علشان اعرفك إن سلاح مصر الرئيسي في حرب اكتوبر كان (الروح المعنويه للجندي المصري)…. فكانت الأولوية القصوى لقادة الجيش هو عدم اتخاذ أي قرار يضعف معنويات الجندي المصري...مهما كان الثمن... 😞👇
انا بقول لك الكلام ده علشان اعرفك إن سلاح مصر الرئيسي في حرب اكتوبر كان (الروح المعنويه للجندي المصري)…. فكانت الأولوية القصوى لقادة الجيش هو عدم اتخاذ أي قرار يضعف معنويات الجندي المصري...مهما كان الثمن... 😞👇
19/قرأت اللي فات خلاص وفهمت ان معنويات الجندي المصري أهم شيء في الحرب .. طيب تعالوا نشوف بقى موضوع تطوير الهجوم اللى كان بالفعل بمثابة (انتحار عسكري) بكل ما تحمله الكلمة من معاني 👇
20/عايز اقول لك ان ده مكنش قرار عسكري نهائي لأن مفيش ظابط مبتدئ حتى هياخد قرار بالدفع بمدرعات في الصحراء في العراء بدون غطاء جوي....أومال أيه سبب القرار ده …....حضّر كوب شاي وتعالى نبص على الموضوع من فوق شوية و بعيداً عن التركيز على العملية العسكرية نفسها وانت هتفهم السبب 👇
21/خطة الحرب المصرية #جرانيت كانت بتتمحور حول الاستيلاء على( 15 )كيلو شرق القناة والاستنزاف الطويل للقوات الإسرائيلية ….ومن الناحية العسكرية بشكل عام ده كلام صحيح جداً 👇
22/خلي بالك انا قولت أيه من الناحية العسكرية...لكن الحقيقة إن سياسياً مصر كانت بتحارب حرب تانية خالص بعيداً عن المعركة العسكرية وهي دي الحرب الأعم والأشمل اللي اتكلمنا عليها اللي باختصار اسمها #الحرب_السياسية 👇
23/في حرب اكتوبر كان لأول مرة يتحد العرب وبدأت تنهال على مصر المساعدات العسكرية العربية في شكل سلاح أو تمويل صفقات سلاح عاجلة ....والأهم من كده كان اتفاق العرب بالوقوف لأول مرة مُتحدين ضد الغرب باستخدام سلاح #البترول (وما أدراك ما البترول) 👇
25/طبعاً من الناحية العسكرية الكلام ده كان غلط لأن الجيش الاسرائيلي اللي كان في سيناء ملهوش علاقة نهائي بالجيش اللي في الجولان ومهما ضغطت عليه في سيناء مش هتتأثر جبهة الجولان ..لكن العرب كانوا بدأوا يهدّدوا مصر ويلوموها إنها بتتخلى عن #سوريا...ركّز في الكلام اللي هكتبه دلوقت👇
27/الحرب زي دور الشطرنج بتضحي بقطعة عشان متخسرش الدور كله..لذلك القرار كان عسكرياً هو انتحار متعمد …لكن سياسياً كان صحيح لو بالفعل كان هيأثر على التحالف العربي أو إن الدول العربية ترجع تخضع للضغوط الغربية لفك التحالف مع مصر👇
28/وافتكر كلامي في بداية السرد لما قولتلك إن الحرب بتبقى حدث استثنائي هدفه النهائي هو (السياسة) يعني لو الحرب خسّرتني سياسياً فمكن أخسر الحرب ذات نفسها 😞👇
29/تعالوا بقا نتكلم عن موضوع #الثغرة البالونة المنفوخة بشكل غريب واللي بتظهر في تغريدات كل خونة الوطن علشان يضيعوا فرحة المصريين بانتصار مصر العظيم في الحرب دي وهتكلم ببساطة شديدة وبدون الدخول في أي تفاصيل عسكرية وجِدال عقيم 👇
30/ اللى حصل في موضوع #الثغرة ان اسرائيل استغلت فراغ بين الجيش التاني و التالت الميدانيين ودفعت قوات بينهم وعبرت للضفة الغربية ...طيب المفروض إن أي عملية عسكرية بيكون ليها هدف عسكري ….. طيب أيه الهدف العسكري للعملية دي؟ ويا ترى اسرائيل حقّقت منه أيه؟ والعملية دي انتهت ازاي؟😃👇
31/الهدف الإسرائيلي من عملية #الثغرة كان الاستيلاء على مدينتي #الاسماعيلية و #السويس لتحقيق نصر عسكري مُدوي وكاسر للإرادة المصرية سواء عسكرياً أو شعبياً كعقاب على البدء في الحرب …. وبعد كده تدمير بطاريات الصواريخ للاستعداد للاستيلاء على غرب القناه بالكامل 👇
32/وكان طيران العدو الاسرائيلي مركّز كل ضرباته على #بورسعيد بجنون رسمي في حين كانت قواته على الأرض بتحاول تستولي على #السويس و #الاسماعيلية 👇
34/ يعني اللى بيقول كده عايز يقول ان #شارون المُرعب الجامد أوي ده اللي معرفش أساساً يدخل #الاسماعيلية واتضرب علقة موت واتضرب نفس العلقة لما حاول يدخل #السويس اللي كانوا بالمناسبة مدن فاضية تماماً وأهلها مهجرين …. أخدته الجلالة وهيعرف يدخل #القاهرة 😃😃😃👇
37/بصراحة من الناحية العسكرية كان ده الحل المثالي و الاحترافي لمعالجة الموضوع ده يعني الفريق #الشاذلي كان صح تماماً عسكرياً….. ولكن ...ودائماً كلمة السر في (لكن) دي 👇
38/قادة المجلس العسكري أو بمعنى أدق #غرفة_عمليات_الحرب كان القادة فيها لهم رأي تاني خالص ….وبأكد تاني إن رأي الفريق #الشاذلي عسكرياً وأكاديمياً صحيح جداً ….لكن احنا اتفقنا ان الحرب دي خارج الصندوق وخارج العِلم العسكري👇
39/الحقيقة هو ده لُب الموضوع إن كان فيه مُعامل آخر قاطع وحاسم لا يمكن إغفاله نهائياً وهو السلاح الرئيسي في حرب اكتوبر و هو #الجندي_المصري نفسه ..في الوقت اللي الدعاية الاسرائيلية و #الحرب_النفسية كانت شرسة جداً 👇
40/في وقت الحرب كانت الدعاية الإسرائيلية بتنشر شائعات مُكثفة إن اسرائيل دخلت السويس و الاسماعيلية وإن حصل انزال عند #السد_العالي واجتاحوا القرى والنجوع و ان سقوط القاهرة نفسها مسأله وقت ..ليس أكثر ...شايف الحرب النفسية بتعمل أيه ؟! 👇
41/طيب الجندي المصري كان بيحارب و هو عارف ومتأكد إن دي شائعات....لكن لما يشوف بعينه مدرعاته اللى بتحميه بتسيبه وبتنسحب مره تانية محدش يقدر يتوقع أيه اللي ممكن يحصل لما يشوف نفس المنظر تاني اللي عاشه أو سمع عنه من(6) سنوات من انسحاب القوات في 1967م 👇
42/يعني عايز تقول أيه يا صقر؟
عايز اقول لك إن مينفعش علشان تحافظ على مساحة ضيقة من الأرض حالياً اللي سهل جداً انك تخلصها بعدين...إن انت تخسر كل حاجة بخسارتك لمعنويات جنودك اللي هم سبب نصرك الرئيسي في الحرب ..فهمت بقى اللي حصل 💪👇
عايز اقول لك إن مينفعش علشان تحافظ على مساحة ضيقة من الأرض حالياً اللي سهل جداً انك تخلصها بعدين...إن انت تخسر كل حاجة بخسارتك لمعنويات جنودك اللي هم سبب نصرك الرئيسي في الحرب ..فهمت بقى اللي حصل 💪👇
43/وكانت الخطة البديلة إن عدد القوات الإسرائيلية صغير جداً على مساحة الارض اللي دخلوا فيها و بالتالي مش هيسيطروا عليها سيطرة كاملة 👇
44/وإنه باستكمال قوات إضافية قادمة للجبهة من الدول العربية أو من شحنات سلاح قادم سيتم استكمال القوات الكافية لتدمير القوات الإسرائيلية عن بكرة ابيها...يعني سيبهم يفرحوا شوية ولا اني اخاطر بخسارة الحرب كاملة….وده فعلاً اللى حصل وكان قرار صحيح جداً 👇
45/وفي عدة أيام استكملت اسرائيل بدفع (6) لواءات مدرعة كاملة و لواء مظلي في حين استكملت مصر قوات اكتر من ضِعف القوات دي لدرجة ان #موشي_ديان ذات نفسه قال (هناك مشكلة كبيره تواجهها قواتنا غرب القناة فقد دفعت مصر بجيشها الرابع لمحاصرة قواتنا) 🤣👇
46/وعلى الرغم من إن القوات الاسرائيلية حاصرت الجيش التالت من الخلف ….إلا إن ده لم يؤثر على عملياته في شرق القناة وتم محاصرته بقوات أكتر من ضِعف عدده سواء في الدبابات او المدرعات او المدفعية👇
47/القوة النيرانية المصرية كانت كافية ليست لسحق القوات الاسرائيليه فقط ...بل تغيير طبوغرافيا المكان ذات نفسه..أما القوات الاسرائيلية كانت في موقف لا تُحسد عليه لأنها موجودة في أرض مُحاصَرة تماماً و لا يوجد لها أي منفذ للهروب غير رأس جسر ضيق جداً مساحته لا تزيد على (8) كم فقط 😃👇
48/ومن الناحية العسكرية القوات المصرية وضعت القوات الإسرائيلية في عنق زجاجة خانق ...لدرجة إن #شارون من رُعبه ردم القناة تماماً عشان ساعة الجد و لو فكّر يهرب منضربش الجسر أو المنفذ الرئيسي لهروبه ...قولتلي بقا ده اللي كان هيدخل القاهرة 🤣👇
جاري تحميل الاقتراحات...