#حرب_أكتوبر_تحقيق_المستحيل 💪🇪🇬
في السرد ده سيتم الإجابة عن بعض التساؤلات و الأفكار المغلوطة اللى حاول الصهاينة وعملاؤهم يزرعوها في وجدان الشعب المصري من سنين طويلة علشان يشّككوا في نصر أكتوبر العظيم ...تابع التغريدات 👇
في السرد ده سيتم الإجابة عن بعض التساؤلات و الأفكار المغلوطة اللى حاول الصهاينة وعملاؤهم يزرعوها في وجدان الشعب المصري من سنين طويلة علشان يشّككوا في نصر أكتوبر العظيم ...تابع التغريدات 👇
1/من غير أي مقدمات هبدأ السرد بشكل مباشر عن #خط_بارليف لازم تعرف إن الخطوط الدفاعية بتتكون من عدد من النقاط والدُشم الحصينة جداً و بتكون مرصوصة على الأرض بترتيب هندسي معين بحيث كل نقطه تقدر تحمي نفسها و تحمي النقاط اللي حولها 👇
2/ يعني لو حد حاول يقتحم نقطة حصينة فهيكون الرد عليه قوة نيرانية هائلة للنقطة دي والنقاط الحصينة اللي حولها في نفس الوقت..وهسيبك تتخيّل لوحدك بقا 😃👇
3/وبالمناسبة الدُشم دي بتكون مُصممة هندسياً لامتصاص أكبر قدر ممكن من الضربات النيرانية سواء من الطائرات أو المدفعية وبتكون مُحاطة بغابة من الألغام و الشِراك الخِداعية وبالفعل مستحيل اختراقها 👇
4/وعامةً في العِلم العسكري وقبل حرب 6 أكتوبر 1973م كانت هناك قاعدة أساسية وهي (من المستحيل الهجوم المفاجئ واقتحام خط دفاعي بالمواجهة) 👇
5/ولو رجعنا للتاريخ اللي دايماً بيوضّح لنا الحاضر والمستقبل..فهنلاقي #خط_ماجينو اللى شيّده الفرنسيين لمواجهة الألمان لم يتم اقتحامه بالمواجهة لاستحالة ذلك ..الموضوع مش عنترية زي ما البعض متخيّل ..لا طبعاً فيه حسابات دقيقة وخطوط معلوماتية مينفعش انك تتغافلها 👇
7/بس عايز اقولك على حاجة ممكن متعرفهاش وهي إن رغم سقوط #باريس إلا إن #خط_ماجينو لم يسقط !!!! أيوة لكن تمّت مُحاصرة القوات الفرنسية الموجودة فيه وتم استسلامهم بعد اتفاقية استسلام #فرنسا الشهيرة 😃👇
8/وحتى لما الحلفاء اجتاحوا #فرنسا اجتاحوها بخدعة برضه لاستحالة اختراق النقاط الدفاعية الالمانية الحصينة المواجهة على طول الساحل الفرنسي 👇
10/بس عايز اقول لك إن رغم نجاح الإنزال البحري للحُلفاء وعدم استكمال الخطوط الدفاعيه الألمانية...إلا إن الحُلفاء تكبّدوا خسائر مهولة لغاية ما استطاعوا الاستيلاء على شاطئ #نورماندي 👇
11/طيب انت ليه يا صقر بتتكلم عن #خط_ماجينو والسرد عن حرب اكتوبر 1973م يعني #خط_بارليف ...ما هو انا علشان اوضّح لك حجم التحدي اللي واجه مصر في اكتوبر 1973م كان لازم اعرّفك الأول خط ماجينو وهتعرف ليه دلوقت ..خلّي نفسك معايا طويل شوية وهات كوب شاي كده واقرأ 👇
12/قولتلك قبل كده ان التاريخ مهم وأكتر حد بيهتم بالتاريخ الحقيقة هو العدو الصهيوني تحديداً...علشان كده إسرائيل بنت نظريتها الدفاعية على القاعدة العسكرية اللى بتقول (مستحيل اقتحام خط دفاعي حصين بالمواجهة المباشرة)👇
13/ومستحيل إن القوات المصرية تلتف حول #خط_بارليف من الشمال بسبب البحر المتوسط أو من الجنوب بسبب البحر الأحمر وطبعاً كان فيه سيادة جوية لإسرائيل في الوقت ده ...عايزك بس تتخيّل كده وانت بتشرب الشاي دلوقت ندخل ازاي نقتحم ...لا استنى نقتحم ايه انت لسه عندك تحديات قبل الاقتحام 👇
14/العدو الصهيوني بيقرأ التاريخ كويس جداً ومش بينسى أبداً ...علشان كده تفادى كل عيوب الخطوط الدفاعية السابقة مش بس كده لا وطوّر فيها كمان …. فأصبح بالفعل #خط_بارليف من أقوى الخطوط الدفاعية في التاريخ كله 👇
15/عايزك تلغي المعلومات اللي تعرفها عن #خط_بارليف وتقرأ الكلام ده كويس جداً علشان دي تفصيلات مهمة جداً ....باختصار شديد خط بارليف كان عبارة عن مجموعة كبيرة من النقاط الحصينة والدُشم المُحصّنة 👇
16/وعددها كان حوالي(36) موقع بطول(170) كيلو متر على طول #قناة_السويس ومرصوصة بشكل هندسي مُعقد جداً...على شكل خطّين مُنفصلين بعُمق حوالي (13)كيلو متر 👇
17/ الدُشم دي بتتصل بشبكة اتصالات محصنّة تماماً ما بينها وبين مراكز القيادة..وبتتصل ببعض عن طريق أنفاق تحت الأرض لحرية التنقل بين الدشم وفيها مراكز إعاشة و مخازن للذخيرة والغذاء تستطيع تحمل الحِصار الكامل و كافة أنواع القذف المُركز بكل انواع القذائف و القنابل لفترات طويلة جداً 👇
18/مش كده وبس لا كمان الدُشم والمواقع دي مُحاطة بغابة هائلة من الألغام الأرضية المضادة للدبّابات والأفراد..كمان الأرض المُحيطة بها بتكون مُنبسطة لمسافات كبيرة 👇
19/وده طبعاً بيسهل ضرب أي قوات برية تقترب منها باستخدام كثافة نيرانية عالية جداً بمختلف العيارات سواء رشاشات ثقيلة أو مدافع ثقيلة أو مساطب دبابات وده كله مُحصّن تماماً داخل الدُشم دي ..ده غير إن التصميم الهندسي لكل موقع بيسمح له حماية نفسه وحماية النقاط الحصينة القريبة منه 😃 👇
20/ولأن مينفعش الالتفاف حول التحصينات دي ولازم الهجوم عليها بقوات المشاة بالمواجهة فمستحيل الاقتحام لأن ده يعني انتحار...يعني من الآخر كده ملهاش حل غير القنبلة الذريه زي ما كل الخبراء العسكريين سواء الغربيين أو الشرقيين قالوا وقتها وبالفعل العِلم العسكري وقتها كان بيقول كده👇
21/بس لازم تعرف إن العدو الصهيوني رغم كل التحصينات دي إلا إنه كمان عمل #ساتر_ترابي ارتفاعه(20) متر بدرجة ميل حادة علشان يمنع أي تقدم للمَركبات أو الدبابات لمواجهة #خط_بارليف اللي هو أساساً بالشكل اللي وضّحناه 😃👇
22/وللأسف الشديد فيه ناس كتير فاكرين إن الساتر الترابي ده هو خط بارليف ….لا طبعاً ده حاجة وده حاجة تانية خالص ...وهنوضح الساتر الترابي وحجم التحدي التاني اللي كان بيواجه قواتنا المسلّحة 👇
23/#الساتر_الترابي اللي عمله العدو الصهيوني ده علشان كان يتم إزالته طبقاً لعلم الهندسة العسكرية وقتها أجمع الخبراء إنه هو كمان عايز قنبلة ذرية تانية علشان يتم فتح فتحه واحدة فيه …. يعني علشان تفتح (20) فتحة للجيش بتاعك يعدّي يبقى انت محتاج (20) قنبلة ذرية 😃👇
24/دلوقت إحنا إتكلمنا عن #خط_بارليف وعرفنا قد أيه هو محصّن حرفياً...واتكلمنا عن #الساتر_الترابي وعرفنا قد أيه هو مشكلة كبيرة جداً. وهرجعله تاني في نقطة توضيحية..لكن دول بالنسبة لك بعد ما تعبر...لكن قبل ما تعبر الوضع أيه ؟😃👇
25/ موضوع عبور #قناة_السويس نفسها هو أكبر تحدي واجه قواتنا المسلّحة أيه ده يعني مش خط بارليف ولا الساتر الترابي ؟؟ العبور أكبر تحدي ازاي يا صقر؟ كمّل الشاي بتاعك واقرأ كده بهدوء وفي نفس الوقت تخيّل كده انك في الوقت ده من ضمن القوات اللي هتعبر قناة السويس 😃👇
27/باختصار شديد #قناة_السويس تعتبر أصعب مانع مائي على مستوى العالم..عارف ليه ؟ ..علشان وقت الحرب كانت قناة السويس مجرى مائي عرضه حوالي(220)متر ده غير إن حواف القناة شديدة الانحدار ومُبطّنه بالطوب والأسمنت👇
28/يعني باختصار كده وبدون مبالغة لو عايز تعبر #قناة_السويس يبقى لازم الأول تشيل الحواف دي وده معناه ساعتها إنك بتقول للعدو انك بتحضّر للعبور فلازم الحواف دي تتشال في نفس وقت العبور و ده هيحتاج مُعدات و ووقت كبير وكمان هتشيل الحواف دي وانت تحت قصف مدفعي مُكثف 😃👇
29/في أيه يا صقر انت جاي تعقّد لي الدنيا اكتر ما هي خط بارليف وساتر ترابي وكمان حواف هتتشال تحت قصف مدفعي...
...أعقّد لك الدنيا ايه بس ...استنى لسه العُقد الجاية كتير انا لسه بقول يا هادي 😃👇
...أعقّد لك الدنيا ايه بس ...استنى لسه العُقد الجاية كتير انا لسه بقول يا هادي 😃👇
30/التحدي التاني المتفرع من التحدي الثالت(العبور) هو سرعة التيار الشديدة جداً اللى بتتراوح ما بين (18) إلى(90) متر في الدقيقه الواحدة في بعض المناطق في #قناة_السويس 😃👇
31/عارف ده معناه أيه...معناه إنك لو عبرت يبقى بتعبر في شبه شلال طبيعي ..ده غير التحدي الثالث المُتفرع وهو اتجاه التيار بالقوة والسرعة العالية دي بيتغير (4)مرات في اليوم من الشمال للجنوب والعكس كل( 6) ساعات 😃👇
32/يعني بعملية حسابية بسيطة كده لو حاولت تعبر #قناة_السويس اللي عرضها في حدود( 220) متر يبقى هتوصل الضفة الشرقية بعيد عن النقطة المقابلة للانطلاق بكيلو مترات ....ولو مجموعة بتعبر مع بعضها ممكن يتفرقوا وكل قارب يوصل في مكان بعيد عن التاني خالص 😃👇
33/طيب ممكن مع التدريب المكثّف إنك تحافظ على مجموعة صغيرة من القوارب مع بعض في حدود المجموعة ..أو حتى السَرية الواحدة 👇
34/لكن ازاي تقدر تدرّب جيش بالكامل إنه يعبر #قناة_السويس بالآلاف وفي نفس الوقت وفي الظروف دي ويوصلوا مع بعض وفي نفس النقطة ومحدش يتوه أو تتلخبط القوارب مع بعض..أو يعدّوا الناحية التانية و يفضلوا ينادوا على بعض ويجمّعوا بعض في وسط المعركة😃👇
35/ أضيف لك كمان عُقدة 😃 فيه تحدي رابع متفرع من التحدي الثالث(العبور) وهو إن #قناة_السويس فيها (مَد وجَزر) …. يعني المياه في القناة بترتفع وتنخفض خلال اليوم الواحد بفرق حوالي من( 60 )سم إلى (2) متر كاملين في بعض المناطق 😃👇
36/إنت عارف ده معناه أيه معناه إن كل الكباري اللى كانت موجودة في الوقت ده عند أحدث وأكبر جيش في العالم متقدرش تصمد أمام قوة التيار ده وهتتقسم نصفين ده غير ان مع ظاهرة المد و الجزر دي لو اتبنى الكوبري وقت الجزر هيعوم و التيار يسحبه بعد ما عرض القناة يزيد في المَد و العكس صحيح 😃👇
37/علشان تعرف صعوبة الأمر ده ... #شارون لما عدّى #قناة_السويس في #الثغرة عدّى على معديات ومكانش في الجيش الاسرائيلي كباري تقدر تتحمل قوة التيار في قناة السويس👇
38/وعلشان كده #شارون خاف على نفسه إنه يعبر وميعرفش يرجع لأنه فاهم كويس إنه لو عبر واتقفل عليه الزمبيل( وده حصل بالفعل 😃) هتبقى مصيبة عليه و مش هيعرف يهرب تاني وبالتالي سيتم القضاء تماماً على قواته 👇
39/علشان كده #شارون ساب لنفسه مَنفذ للهروب وحل موضوع العبور ده...عمل أيه ؟ ردم #قناة_السويس لمسافة حوالي( 75) متر من كل ناحية.. وعمل كوبري بسيط في المسافة الصغيرة اللى في المنتصف 😃👇
40/طبعاً الرجالة في سلاح المهندسين العسكريين المصريين حلّوا قصة الكباري دي فاخترعوا كباري جديدة تماماً بحلول عبقرية مصرية خالصة لم يعرفها العِلم الهندسي العسكري وقتها و ظهرت لأول مرة في العالم أثناء #العبور 😃👇
41/ يعني أيه الكلام ده يا صقر؟؟!!
يعني الكباري اللى حضرتك بتشوفها في الأفلام التسجيلية والتاريخية دي هي عبارة عن كباري تم إعادة تصميمها وتصنيعها بأيدي سلاح المهندسين العسكريين المصريين لمواجهة قوة وسرعة التيار وظاهرة المَد والجَزر وبكل فخر #صنع_في_مصر 💪🇪🇬 👇
يعني الكباري اللى حضرتك بتشوفها في الأفلام التسجيلية والتاريخية دي هي عبارة عن كباري تم إعادة تصميمها وتصنيعها بأيدي سلاح المهندسين العسكريين المصريين لمواجهة قوة وسرعة التيار وظاهرة المَد والجَزر وبكل فخر #صنع_في_مصر 💪🇪🇬 👇
42/إستنى بس ده فيه تحدي خامس متفرع من التحدي الثالث(العبور) عارف ايه هو؟
العدو الصهيوني زوّد الخلطة التعقيدية ووصّل من تحت #الساتر_الترابي أنابيب متوصلة على صهاريج مليانة #نابالم وبيتم التحكم فيها من داخل الدُشم المُحصنة والأنابيب دي بتحّول سَطح القناة لجهنم في ثواني معدودة 😃👇
العدو الصهيوني زوّد الخلطة التعقيدية ووصّل من تحت #الساتر_الترابي أنابيب متوصلة على صهاريج مليانة #نابالم وبيتم التحكم فيها من داخل الدُشم المُحصنة والأنابيب دي بتحّول سَطح القناة لجهنم في ثواني معدودة 😃👇
43/كفااااية يا صقر ..كفاية عُقد ..دي عُقدة واحدة بس كفيلة اننا منفكّرش لمجرد التفكير إننا نعبر ....كل ده عاشوا رجال القوات المُسلّحة ...ولسه كمان فيه عُقَد..قوم هات كوب شاي تاني واقرأ اللي جاي 😃👇
44/عرفتوا يعني أيه كلمة #عبرنا لأن عبور #قناة_السويس كان أكبر تحدي امام الجيش المصري لأن قواتنا المسلّحة اتدربوا لمدة (6) سنوات على اقتحام #خط_بارليف بتحصيناته 👇
45/ووصلوا الرجال لحلول عبقرية محدش شافها أو درسها في أي اكاديمية عسكرية لاقتحام الدُشم الحصينة باقتحامها بجنود المُشاه فقط أو بمعنى أدق بأسود شُجعان لا يهابون الموت 💪🇪🇬👇
46/لكن التحدي الأكبر الحقيقي في إن وقتها العِلم العسكري والهندسي والكيمياء والفيزياء..بل وكل العلوم الطبيعية لم تصل لأي حلول للتغلب على مانع مائى بالصعوبة دي زي #قناة_السويس وتقدر توفر للقوات طريقة تنقل بها دباباتها ومُعداتها بالكامل للضفة الشرقية 👇
47/ولو استطاعت القوّات تتغلّب على كل ده مع إن ده كان من المستحيلات وقتها ….يا ترى أيه النظريات اللي هتضعها بتخالف كل النظريات والعِلم العسكري في اجتياح خط دفاعي مُحصّن بالمواجهة هتنجح بالفعل ؟؟👇
48/بعد كل اللي حضرتك قرأته ده عايز اضيف لك عُقدة كمان وهي ان انت بتحارب بمُعدات متأخرة جيل أو جيلين عن العدو اللى متفوق عليك كَمّاً وكَيْفاً في السلاح وتحت تفوق جوي له وكمان تحت عيون الأقمار الاصطناعية الأمريكية اللى بتراقب دبّة النملة حرفياً (24) ساعة في اليوم 😃😃👇
49/علشان كده جنود العدو الصهيوني كانوا نايمين ومطمئنين وحاطين في بطنهم بطيخة صيفي 😃 وآخر شيء كانوا يتوقعوه من وجهة نظرهم طبعاً هو استحالة إن الجيش المصري يرغب في الانتحار ويتشوي في النابالم..وإن الحرب هتتحسم من الساعه الأولى وبأقل مجهود ممكن لصالحهم😃👇
50/بعد اللي قرأته ده تتخيل بقى يا مؤمن إنك قائد عسكري وبتاخد قرار بالحرب و وانت بتخطّط تلاقي حلول لكل العُقد ولمّا مالقيتش أي حل في العلوم العسكرية…قمت اخترعت انت وكتبت انت العِلم ده من أول و جديد و العالَم كُله بعد الحرب دي يرمي كتبه و عِلمه في الزبالة و يكتب من بعد منك 😃👇
51/تخيّل انك ضابط وبتحاول تقنع جنودك بالحرب في ظل الظروف دي اللي فاهمينها كويس وتلاقيهم مركزين على الطيّارات المصرية و بيعِدّوها ومع آخر طيارة إوعوا تنسوا أمر #العبور ونزلوا اجتاحوا الكلام ده كله ودوّبوه تحت بيادتهم زي الحلاوة السِمسمية في اقل من( 6) ساعات فقط😃👇
52/وعايزك كمان تتخيّل عقل المُخطط العسكري المصري اللي أنهى وللأبد عصر الخطوط الدفاعية بعد ما اكتشف العالَم إن ممكن اجتياح أصعب الخطوط الدفاعية في العالم بالمواجهة وعبَر أصعب مانع مائي في العالم ؟؟ 😃👇
53/عارف أيه السبب الحقيقي في كل ده ...هرجع تاني واقولها لك زي ما قولتها قبل كده السر الحقيقي بيكمن في العقيدة القتالية المصرية دوناً عن كل جيوش العالم ...لأنها عقيدة وطنية نابعة من الإيمان القوي بتعتمد على المُقاتل قبل المُعدة👇
54/يعني لما فشَل العِلم وفشَلت المُعدة في عبور #قناة_السويس و القضاء على #الساتر_الترابي الحل كان في الجُندي المقاتل …. فالجُندي المصري هو اللى عبَر و خلّص قصة #النابالم و الساتر الترابي و حقول الألغام...وبعد ما خلّص مهمته عبَرت الدبابة والمُعدة العسكرية 😃👇
جاري تحميل الاقتراحات...