📢 بص يا عزيزي :
انهاردة مدير ال CIA بيزور مصر .. و قاعد مع الرئيس عبد الفتاح السيسي و اللوا عباس كامل مدير جهاز المخابرات العامة المصرية
و المتحدث باسم رئاسة الجمهورية السفير احمد فهمي
🔷🔶 واحدة واحدة كده عشان ده أمر لو تعلمون عظيم
ليييييه 👈🏻 وليام بيرنز هو صهيوني بالفطرة
في واحدة من جلسات الاستماع للكونجرس قال " نعلم ان الاسرائيليين و الفلسطينيين لهم أحلام مشروعة ... و لكننا سنبذل جهدنا لنحمي احلام الاسرائيليين "
▪مين النائب بتاعه 👈🏻 ديفيد كوهين و ده امريكي يحمل الجنسية الاسرائيلية
📌 في الرقعة المصرية الامريكية
ويليام بيرنز هو لاعب الجهة الاخري امام اللوا عباس كامل
و هو معترف انه لا بيحبه و لا بيحب الريس ... و هو صاحب لقب ديكتاتور ترامب المفضل اللي اعتمده بعد كده بايدن
( ما هو بايدن ده مهزأ .. بنات افكاره مبيلحقوش يلبسوا عشان يطلعوا للعلن فبيقتبس بنات غيره 🙄)
و أول مرة يزور الريس ويجي مصر
و هو جي بعد يومين في اسرائيل 👌🏻👌🏻
📌ليه السفير احمد فهمي موجود
ده متحدث مش لاعب مشارك 🤔
عشان بعد بيرنز ما يمشي .. هيطلع يذيييييع علي الهوا 😁
كمين يعني معمول ل بيرنز
🔷🔶 مدير ال CIA اللي بيختار العملا اللي بيجندهم ضد مصر .. و هو بنفسه بيعتمد لهم ميزانية رواتب كل ربع سنوي
جي مصر لييييه 🤔
تقديري الشخصي :
ال CIA تملك معلومات عن اذي ما يلحق باسرائيل و بتحاول انها تجمع الفرقاء في محاولة للانقاذ
الاذي ده له حاليا اشكال كتير
🔸في تقرير طلع الفجر بإن اسرائيل ابادت 2% من سكان غزة.
و ان الكونجرس بيتعرض لضغوط شعبية رهيبة
و ان الامريكان بدأوا التهرب من متابعة و دعم الاستحقاقات السياسية
زي لقاءات بيعملها المرشحين للرئاسة
و بقت بلا جمهور
و في لوبي بيدعو لمقاطعة الانتخابات القادمة
ده تهديد للحياة السياسية الامريكية و نوع من انواع الانهيار في الهيبة الامريكية 👌🏻👌🏻
🔸ناس كتير شايفة ان تحرك القطع الحربية العملاقة زي فورد و ايزنهاور و أوهايو ... شئ مخيف و مرعب للمنطقة
و انا شايفة افلاس عسكري
الغواصة النووية دي هتضرب ايه 👈🏻 غزة
اللي هي اسرائيل نايمة علي حدودها
حتي الضربة النووية المحدودة هتاخد قد مساحة غزة 4 مرات
يعني هتبيد اسرائيل
هو بالظبط مفيش سلاح تاني غير اللي بيستعرضوا بيه ده ... انما اوكرانيا فلستهم 👌🏻
🔸العالم كله ادرك ان نتنياهو بيتصرف بجنون حفاظا علي مكانه
و بردو مش قادر يهرب من اتهامه بالفشل من شعبه
و لو مشي محدش هيرضي يجي يشيل الليلة وراه ... ف احنا بنتكلم في فراغ سياسي اسرائيلي هيؤدي لفوضي سهل يستغلها اعداء اسرائيل و تهديدها
🔸اقتصاديا اسرائيل وقعت
كل الدول اللي بتتورط في حرب غير مخطط لها اقتصادها بيقع
العائلات بقا هنا
هتواجه نظام عالمي جديد
و لا هتنقذ كيان افشله ثور هائج
دي بردو معضلة بيواجهها انبياء المال
بيرنز جي يرمي الكارت الاخير للريس فذ كيفية احتواء الازمة
و ده بعد الخلاف اللي نشب بين بلينكن و نتنياهو في الضغط عليه للتوقف لالتقاط الانفاس
لكن في حد مش عايز نتنياهو يتوقف
و دول المتطرفين اللي شايفين الابادة حل سريع ... و منهم نقابة الاطباء الاسرائيلية اللي جمعت 1000 توقيع امبارح لحث نتنياهو علي قصف مستشفيات غزة 👌🏻👌🏻
بيرنز مش جي يتكلم في تهجير
لأن ده كلام خلص
بيرنز جي يتكلم في ادارة القطاع بعد ما اسرائيل تاخد 40% منه
و ده اللي ابو مازن وافق عليه امبارح
انه السلطة تتولي القطاع لكن طلب تسوية شاملة للقضية الفلسطينية ... و اللي الحقيقة محدش عرف قصده ايه 🙄
ما هي حل القضية يعني خروج الاحتلال يا عم المعتوه
لكنه قال انه لازم تنتهي حكومة حماس بموافقة اهل غزة عشان يتجنب صراع داخلي محتمل
و هنا ال CIA جايب كارت ادارة مصر علي اساس انها تقدر تسيطر علي حماس أو بقايا حماس
📌بيرنز هياخد نفس القفا بتاع بلينكن
و معرفش ليه اسم قطر مش مطروح لادارة القطاع
ده راجل تخصص ايواء ارهابيين ... و عنده اشاوس الحمساوية
و حبيب اسرائيل و ابن امريكا و عنده صحرا فاضية لو غزة ضاقت علي أهلها
يعني اختيار مناسب جدااا
قدوم ألد اعداءك لعندك
معناه ان الخصم في ضائقة يرجي منك المشاركة في حلها 👌🏻👌🏻

هنستني كلام المتحدث
لو عرض لنا تفاصيل يبقا احنا كده عرفنا ان في خناقة دارت
لو اتكلم عن الشراكة و العلاقات الدبلوماسية و الكلام الحلو ده
يبقا بيرنز اخد القفا سايلنت و مشي 😅