رتبها

اعرف.. وأفهم..!
هى مصر بتستورد غاز؟ ... أكيد
طب هو مش احنا عندنا اكتفاء ذاتى وحقول كتيرة جديدة ... صحيح
طب مش مصر بتصدر غاز ... طبعا بتصدر غاز لانها مركز اقليمى لتداول واسالة الغاز الطبيعى وبتكسب من اسالة وتصدير الغاز
امال اية اللى حصل؟؟
1/11

الحقيقة ان مصر فعلأ مكتفية ذاتيا من الغاز الطبيعى لكن دا شيئ نسبى .. بمعنى ان، كل ما يزيد الانتاج وعدد المصانع.. كل ما مصر بتحتاج غاز اكتر ... ولازم تعرف ان الغاز هو المادة الخام لانتاج الاسمدة الازوتية!
طب مصر بتستخدم الغاز فى اية؟
2/11

1- انتاج الاسمدة (يستخدم الغاز كمادة خام لانتاج الهيدروجين وايضا كوقود لمصانع الاسمدة)
2- توليد الطاقة الكهربائية من محطات الكهرباء
3- تشغيل المصانع كوقود.. خاصة مصانع مواد البناء والسيراميك وخلافة
3/11

4- استخدام الغاز كوقود للسيارات والسفن 5- ضخ الغاز للمنازل والافران والمحال التجارية
وقبل كل دة لازم تعرف الاول ما هو تركيب الغاز الطبيعى كميائيا؟
يتركب الغاز الطبيعى من عناصر اساسية وهى
-غاز الميثان وهو النسبة الغالبة بنسبة 70% وتزيد
-الايثان
-البروبان
-وعناصر اخرى
4/11

طب مصر بتستفيد ازاى من الغاز وبتحولة لمنتج قبل التصدير..؟
مصر كان شغلها الشاغل اخر 8 سنوات توفير الغذاء للمواطنين وخفض فاتورة الاستيراد... ونفذت مصر بالفعل مشاريع زراعية واستصلاح اراضى صحراوية فيما لا يقل عن 3.5 مليون فدان اضافية وهذة المشروعات بحاجة ماسة للاسمدة
5/11

وخاصة الاسمدة الازوتية واللى كان فيها عجز فى الانتاج..! لكن مصر خلال هذة السنوات القليلة الماضية تحولت من عجز الانتاج الى الفائض وايضا التصدير واصبحت خامس اكبر دولة فى انتاج هذة الاسمدة .. ودا كان بسبب الغاز المكتشف حديثا!
6/11

طب مصر عملت اية فى مجال انتاج الاسمدة؟
خلال اخر 8 سنوات تم إنشاء وافتتاح مجمعات ضخمة لانتاج الاسمدة وايضا خطوط انتاج جديدة داخل مصانع قائمة بالفعل وكان اخر هذة الافتتاحات هو مجمع الاسمدة الازوتية بالسخنة خلال شهر مارس 2023 وبالفعل نجحت مصر فى تعظيم دورها عالميا
7/11

واصبحت خامس اكبر منتج للاسمدة الازوتية وسادس اكبر مصدر لهذة الاسمدة عالمياً. وبدل ما بتصدر الغاز كمادة خام... اصبحت بتحولة لمنتج زراعى عالى الجودة!
كيف يستخدم الغاز الطبيعى فى انتاج الاسمدة الازوتية؟
يتم أولا انتاج الهيدروجين من الغاز الطبيعى
8/11

وينتج الهيدروجين من خلال إعادة تشكيل الميثان بالبخار ويتضمن ذلك تسخين الغاز إلى درجات حرارة عالية في وجود بخار ومحفز ما يتسبب في تفكك جزيئات الميثان وتشكيل أول أكسيد الكربون والهيدروجين وتتم عملية دمج غاز الهيدروجين مع غاز النيتروجين المستخلص من الهواء الجوي لإنتاج الأمونيا
9/11

، وأخيرا مرحلة إسالة غاز الأمونيا بالتبريد. لك ان تعلم ان مجمع الاسمدة الازوتية الجديد بالسخنة بينتج لوحدة يوميا
- امونيا سائلة 1200 طن
- يوريا سائلة 900 طن
- يوريا محببة 900 طن
- حامض نيتريك 500 طن
- نترات الامونيا 650 طن
10/11

تخيل بقى كمية الغاز اللى بيحتاجها هذا المجمع يومياً وبقية المجمعات وخطوط انتاج الاسمدة الازوتية فى كل مصر كل يوم...؟؟! لازم كلنا نقف جنب بلدنا وكل ما نعرف اكتر ونفهم اكتر ... نساند بلدنا اكتر واكتر
بيتر حنا
11/11

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد