معلش هو التلويح بالتصعيد، وأنت مش ناوي فعلًا تدخل حرب، اسمه إيه غير جعجعة فارغة؟ هو لما طلع هدد في بداية أزمة سد النهضة، وهو مش ناوي يدخل حرب فعلًا، ولا يضرب السد، ده غيّر إيه في خطط إثيوبيا؟ اللي كاتبين أن عندنا كروت ضغط "كتيير"، بعيد عن الحرب اللي هما كمان رافضيها، كروت زي إيه؟
ناس بتشتم في اتفاقية السلام، وناس بتقول إحنا 100 مليون مصري عندنا "عقيدة" مفروض يستغلنا، وناس تقول دخلوا المساعدات بالعافية. كل ده ترجمته إعلان حرب بس بنضحك على نفسنا. أنت حرفيًا مافيش كارت ضغط عندك، مع غياب وحدة الموقف العربي، إلا إعلان حرب، فنخلينا واضحين ونجاوب، هل ده المطلوب؟
وبعدين على التلويح، ما فيه ناس، حتى من المعارضة، اعتبرت اللي حصل يوم عيد السويس القومي وظهور الجيش التالت رسالة، وناس اعتبرت تهديد قبائل سيناء برفع السلاح والتدخل على المعابر بالاتفاق وبعيد عن تورط الجيش، رسالة، وناس اعتبرت التحول في لغة الإعلام الرسمي ووصف إسرائيل بالمحتل رسالة؟
واوعى تتخيل أنك لما تقلبها "جهاد مسلح" أنت بس اللي حتروح تجاهد، حضرتك كده بتفتح الباب لتحويل سيناء لواحة للجهاد ينضم لها ناس بقى من كل حدب وصوب، بحجة دعم غزة، وبعدها السلاح يتوجه للداخل ضد الشعب والحكومة الكافرين. فهل حضرتك مستعد تتعامل مع قضية "العائدون من أفغانستان" تاني؟
جاري تحميل الاقتراحات...