الحكم الاربعينية النسخه ٤٧ 😂
كل سنه و انتم طيبين... اليوم تميت ٤٧ سنه بحمد الله و كرم كبير منه💪🏾...
برغم صعوبة السنة دي الشديدة و تحدياتها على كل المستويات لكن برضو كعادتي كل عيد ميلاد لي بعد الاربعين بنزل النسخة المنقحة من حكم و نصائح كده بعدد سنين عمري ممكن تكون مفيده وممكن عادي ما تهمكم في شي:
1- اتذكر انه الاسرة هي أولويتكم الأولى عشان الحياة حتجتهد إنها تغير أولياتك و تشتت تفكيرك
2- الحياة فيها فرصه تانيه و ثالثه ورابعه عادي خالص
3- السعادة بتكون في الحاجات الصغيرة (حاجة كده ذي الومضات الصغيرة لكن لما تتلمى مع بعض بتنور حياتك)
4- الشغل أو وظيفتك ما هم هويتك او سبب حياتك
5- صاحب كويس و ما تقنع من صاحبك القديم... فتشو لم راح منك
6- احسن النية و خليك حذر شديد. شديد يعني
7- خليك kind ياخ عشان الناس ما مستحمله كلها خصوصا مع ظروف الحرب دي عشان مافي زول ناقص فشنووو طبطب لو بتقدر و لو ما عندك كلمه كويسه اعمل رايح... صعبه دي؟
8- عبببببرو عن حبكم لعيالكم و لاهلكم و لاصحابكم و لحبايبكم
9- اكسب وقتك و اغفر سريع وأمشي قدام
10- تحدي خوفك... ياخ هزيمة الخوف دي من اكتر الحاجات المحمسة في الدنيا... بس المشكلة الخوف ما بينتهي و كل خوف بعديهو بيجي خوف ممكن يكون أكبر منو ذي في مراحل البليستشن كده تقتل الوحش ابن الكلب عشان يجيك واحد اكبر منو و هكذا...بس دايما اهزم الوحش ده حتى لو بعد كم محاولة...
11- شاااااور و ماااا تعمل فيها شفت ساي... دايما في ناس بيفهمو احسن منك في حاجه او حاجتين...
12- الحرب علمتني انه الزول ممكن يعيش بدون حاجات كتيره كان زمان حاسي انه ما ممكن يعيش من غيرها. بس فقدناها و عايشين أهو
13- ما تصبغو شعركم (دي للرجال بس للبنات صبغن ساي)
14- اعرف ناس بتفهم و صاحبهم و اقعد معاهم قدر يتحملوك... و الله بتتعلم سريع شديد
15- اقرأ عشان تفهم انك لسه جاهل و انه لسه السكه طويلة
16- انت لسه ما وصلت شد حيلك و امشي قدام لسه
17- اعمل شغل بالجمبه... أبدا بأي حاجه وامشي قدام
18- اربط حزام الامان (انقذ حياتي عدة مرات)
19- فسح امك 😍😍😍
20- اتعلم علي الاقل لغة تانية واحدة
21- عرسو اصحابكم لو بتقدرو 😍😍
22- دايما لازم يكون عندك زول بيضحكك شديد... امسكو فيهو قوي
23- زورو الجامعة مره مره بعد التخرج. حتى لو بقت بعيدة أو أطلال برضو صورتها جوانا زاهية 😉
24- الحب براهو ما اساس كافي للزواج اذا ما معاهو تفاهم و احترام وصبر و صحبه
25- سافروا كتير في افريقيا (من اجمل ما شفت)
26- الحب في تفاصيل صغيرة
27- صاحب ابوك 😍😍😍😍
28- افحص السكري كل فتره لو عندكم سكري في الاسرة ( كنت حأروح فيها بعدم معرفتي اني عندي سكري و اشيل و اضرب في الباسطه)
29- ما عيب انك تتجرس و تتعب... ارتاح شوية وقوم على شغلتك ما تتكسر في محلك
30- كل فتره اتذكر زول بعدتك الدنيا عنو حتى لو بتلفون أو رسالة ساي كده… حتتبسطو الاثنين
31- ما تضحي اكتر من اللازم في اي علاقة او شغل…
32- مره مره اختفي تمااااما و ما ضروري تبرر لزول. البعرفك بفهم انت محتاج كده ليه. موش؟ لو ما فهمو معناها ما فهموك لسه
33- لو بتعرف زول بس في السوشال ميديا فإنت لا بتعرفو لا حاجه. أنت بتعرف جزء بسيط خالص منه. ده لو كان حقيقي
34- عزيزي الرجل كان احتجت تبكي ابكي ساي عشان دي ما عندها علاقه بالرجالة... دي انسانية عادية
35- الهديه الأغلى الممكن تديها لزول هي وقتك. لو ما قيمت وقتك كويس مافي زول بيقيمو ليك.
36- لما تحزن اخد وقتك في الحزن و ما تكلفتو و اديهو وقته.
37-تجاربكم و الوقت الجميل البتقضيهو مع من تحبو حتتذكروه أكتر من الهدايا والحاجات المادية. (الدهب براهو لكن عشان نكون واضحين)
38- ساعد ناس كتااااار... افراد جماعات مؤسسات مجتمعات قدر قدرتك... ربنا بيخضر ضراعك. يمكن دي تكون نجاتك قبل نجاتهم
39- أدي الناس قيمتها و ما تستصغر او تستحقر زول... الدنيا سدايه و رضاية
40- أقرب طريق لقلب الرجل هو الحنية ياخ و الله اسمعن كلامي ده. بس لا بأس بالقليل من النعيمية والشية برضو.
41- أي كلام خاضع للصح و الغلط و التنقيح. لو شيء بهمك أسأل الاسئلة الbasic عشان تصل لأصلو. لو ما مهم أعمل رايح و مشيها. بس بمزاجك.
42 - خصص وقت العب مع الأطفال و اتونس معاهم... حاول تتشرب بحماسهم للحياة
43 - ما تخاف من تغيير مسارك الوظيفي اذا خططت للقصة دي كويس... حتى لو غيرت كم مره... خاصة لو بتكره شغلك... معظم وقتنا و عمرنا بنقضيه في الشغل... عليه ما تقعد في حتة بتضيع عمرك ساي...
44- دااااايما في خيارات بس كتمة الدنيا بتخليك ما شايف كويس. أتنفس شوية و عاين تاني و شاور من تثق في رايو
٤٥- خليك واضح شديد و اطلب الوضوح في حياتك عشان مافي عمر للغموض…
#اربعينات
#الحكم_الاربعينية
كل سنه و انتم طيبين... اليوم تميت ٤٧ سنه بحمد الله و كرم كبير منه💪🏾...
برغم صعوبة السنة دي الشديدة و تحدياتها على كل المستويات لكن برضو كعادتي كل عيد ميلاد لي بعد الاربعين بنزل النسخة المنقحة من حكم و نصائح كده بعدد سنين عمري ممكن تكون مفيده وممكن عادي ما تهمكم في شي:
1- اتذكر انه الاسرة هي أولويتكم الأولى عشان الحياة حتجتهد إنها تغير أولياتك و تشتت تفكيرك
2- الحياة فيها فرصه تانيه و ثالثه ورابعه عادي خالص
3- السعادة بتكون في الحاجات الصغيرة (حاجة كده ذي الومضات الصغيرة لكن لما تتلمى مع بعض بتنور حياتك)
4- الشغل أو وظيفتك ما هم هويتك او سبب حياتك
5- صاحب كويس و ما تقنع من صاحبك القديم... فتشو لم راح منك
6- احسن النية و خليك حذر شديد. شديد يعني
7- خليك kind ياخ عشان الناس ما مستحمله كلها خصوصا مع ظروف الحرب دي عشان مافي زول ناقص فشنووو طبطب لو بتقدر و لو ما عندك كلمه كويسه اعمل رايح... صعبه دي؟
8- عبببببرو عن حبكم لعيالكم و لاهلكم و لاصحابكم و لحبايبكم
9- اكسب وقتك و اغفر سريع وأمشي قدام
10- تحدي خوفك... ياخ هزيمة الخوف دي من اكتر الحاجات المحمسة في الدنيا... بس المشكلة الخوف ما بينتهي و كل خوف بعديهو بيجي خوف ممكن يكون أكبر منو ذي في مراحل البليستشن كده تقتل الوحش ابن الكلب عشان يجيك واحد اكبر منو و هكذا...بس دايما اهزم الوحش ده حتى لو بعد كم محاولة...
11- شاااااور و ماااا تعمل فيها شفت ساي... دايما في ناس بيفهمو احسن منك في حاجه او حاجتين...
12- الحرب علمتني انه الزول ممكن يعيش بدون حاجات كتيره كان زمان حاسي انه ما ممكن يعيش من غيرها. بس فقدناها و عايشين أهو
13- ما تصبغو شعركم (دي للرجال بس للبنات صبغن ساي)
14- اعرف ناس بتفهم و صاحبهم و اقعد معاهم قدر يتحملوك... و الله بتتعلم سريع شديد
15- اقرأ عشان تفهم انك لسه جاهل و انه لسه السكه طويلة
16- انت لسه ما وصلت شد حيلك و امشي قدام لسه
17- اعمل شغل بالجمبه... أبدا بأي حاجه وامشي قدام
18- اربط حزام الامان (انقذ حياتي عدة مرات)
19- فسح امك 😍😍😍
20- اتعلم علي الاقل لغة تانية واحدة
21- عرسو اصحابكم لو بتقدرو 😍😍
22- دايما لازم يكون عندك زول بيضحكك شديد... امسكو فيهو قوي
23- زورو الجامعة مره مره بعد التخرج. حتى لو بقت بعيدة أو أطلال برضو صورتها جوانا زاهية 😉
24- الحب براهو ما اساس كافي للزواج اذا ما معاهو تفاهم و احترام وصبر و صحبه
25- سافروا كتير في افريقيا (من اجمل ما شفت)
26- الحب في تفاصيل صغيرة
27- صاحب ابوك 😍😍😍😍
28- افحص السكري كل فتره لو عندكم سكري في الاسرة ( كنت حأروح فيها بعدم معرفتي اني عندي سكري و اشيل و اضرب في الباسطه)
29- ما عيب انك تتجرس و تتعب... ارتاح شوية وقوم على شغلتك ما تتكسر في محلك
30- كل فتره اتذكر زول بعدتك الدنيا عنو حتى لو بتلفون أو رسالة ساي كده… حتتبسطو الاثنين
31- ما تضحي اكتر من اللازم في اي علاقة او شغل…
32- مره مره اختفي تمااااما و ما ضروري تبرر لزول. البعرفك بفهم انت محتاج كده ليه. موش؟ لو ما فهمو معناها ما فهموك لسه
33- لو بتعرف زول بس في السوشال ميديا فإنت لا بتعرفو لا حاجه. أنت بتعرف جزء بسيط خالص منه. ده لو كان حقيقي
34- عزيزي الرجل كان احتجت تبكي ابكي ساي عشان دي ما عندها علاقه بالرجالة... دي انسانية عادية
35- الهديه الأغلى الممكن تديها لزول هي وقتك. لو ما قيمت وقتك كويس مافي زول بيقيمو ليك.
36- لما تحزن اخد وقتك في الحزن و ما تكلفتو و اديهو وقته.
37-تجاربكم و الوقت الجميل البتقضيهو مع من تحبو حتتذكروه أكتر من الهدايا والحاجات المادية. (الدهب براهو لكن عشان نكون واضحين)
38- ساعد ناس كتااااار... افراد جماعات مؤسسات مجتمعات قدر قدرتك... ربنا بيخضر ضراعك. يمكن دي تكون نجاتك قبل نجاتهم
39- أدي الناس قيمتها و ما تستصغر او تستحقر زول... الدنيا سدايه و رضاية
40- أقرب طريق لقلب الرجل هو الحنية ياخ و الله اسمعن كلامي ده. بس لا بأس بالقليل من النعيمية والشية برضو.
41- أي كلام خاضع للصح و الغلط و التنقيح. لو شيء بهمك أسأل الاسئلة الbasic عشان تصل لأصلو. لو ما مهم أعمل رايح و مشيها. بس بمزاجك.
42 - خصص وقت العب مع الأطفال و اتونس معاهم... حاول تتشرب بحماسهم للحياة
43 - ما تخاف من تغيير مسارك الوظيفي اذا خططت للقصة دي كويس... حتى لو غيرت كم مره... خاصة لو بتكره شغلك... معظم وقتنا و عمرنا بنقضيه في الشغل... عليه ما تقعد في حتة بتضيع عمرك ساي...
44- دااااايما في خيارات بس كتمة الدنيا بتخليك ما شايف كويس. أتنفس شوية و عاين تاني و شاور من تثق في رايو
٤٥- خليك واضح شديد و اطلب الوضوح في حياتك عشان مافي عمر للغموض…
#اربعينات
#الحكم_الاربعينية
٤٦ - النجاة نعمة كبيرة و اختيار من ربنا ليك انت بالذات. ربنا نجاك علشان لسه في رحلة و دور مهم ليك لازم تلعبو في حياتك و في حياة ناس تانية حتى لو ما عرفت الدور ده شنو لسه.
٤٧- ما كل دروس الحياة بنفهمها في وقتها مهم إنه نحاول نتفكر فيها شويه و مرات كتيره بنفهم. بس مرات نحتاج نصبر شويه عشان نفهم. بس دايما في درس و حكمة
نلاقيكم السنه الجاية ان ربنا مد في العمر و كل سنه و انا طيب 🥳
حسام عمر النصري
#حنبنيهو
٤٧- ما كل دروس الحياة بنفهمها في وقتها مهم إنه نحاول نتفكر فيها شويه و مرات كتيره بنفهم. بس مرات نحتاج نصبر شويه عشان نفهم. بس دايما في درس و حكمة
نلاقيكم السنه الجاية ان ربنا مد في العمر و كل سنه و انا طيب 🥳
حسام عمر النصري
#حنبنيهو
جاري تحميل الاقتراحات...