رتبها

لماذا يسعى الغرب لإشعال العالم بالحرب !؟
ا---------------
بقالنا كذا سنة .. وتحس كدة إن العالم بيغلى .. وإن الغرب بــ يدوّر بمنكاش على أى حرب يولعوها فى أى حتة فى العالم .. يعنى .. الجزائر والمغرب .. الهند والصين .. تركيا وسوريا .. الصين وتايوان .. أى دولة مع أى دولة فى أفريقيا👇

مصر مع أى حد .. و ده غير حروب الوكالة اللى أصبحت كثير من دول العالم بتخوضها ضد أى طرف من الأطراف ، إما إرهابيين ، أو جماعات إنفصالية ، أو جيوش مرتزقة .. ألخ
ووصولا لحرب دولة الكيان الأخيرة ومسرحيتها مع حركة "سماح" على حساب المدنيين الأبرياء .. وقبل منها حرب روسيا وأوكرانيا👇

واللى أكيد الكل ملاحظ ، إن حكومات الغرب بلا إستثناء ، بــ تسعى بشتى الطرق لعدم التورط فيها بشكل مباشر .. وفى نفس الوقت ، كلهم بــ يسعوا لإطالة أمد الحرب لأطول فترة ممكنة .. برغم إن الهدف المعلن للحرب وهو إسقاط روسيا ، لم يتحقق حتى الأن ... ومش هــ يتحقق ... بل بالعكس👇٣

بل بالعكس مع الوقت روسيا هى اللى بتكسب وبتحقق أهداف إستراتيجية سواء فى الحرب نفسها أوبعيداً عن الحرب
وعلشان كدة بدأت الناس تتسائل بإستغراب طب وبعدين !؟ وأخرتها !؟ وإيه وجه الإستفادة من إطالة أمد الحرب وترسيخ حالة التوتر فى العالم كله بالشكل ده ، واللى بــ يضغط إقتصادياً👇٤

بما فيهم دول الغرب أنفسهم .و ده بــ يفكرنا بمشهد من فيلم عمر المختار .. وهو الحوار بين الأمير الإيطالى وجنرال الحرب جراتسيانى لما قرر يزحف لإحتلال مدينة الكفرة فى الجنوب .. والأمير الإيطالى مستغرب من قرار الزحف ده برغم التكلفة العالية لحرب زى دى ، و بــ يسأله:-👇٥

كلها صحراء فارغة وليس فيها سوى الريح والرمال .. !!
ماذا تقدم لك !؟
فإذ بالجنرال جراتسيانى يرد:-
☑️ مجداً لروما ..
☑️ توسيعاً للامبراطورية ..
☑️ احتواء الثورة فى ذلك الجبل ..
☑️ سمعتى كقائد عسكرى ..
☑️ وصفحة جديدة فى التاريخ العسكرى ..
اذن صحراء كهذه ملئى جداً يا أمير👇٦

و ده يرجعنا تانى للسؤال ..هو إييه اللى بيستفيده الغرب وحكومات الغرب من اللى بيحصل ده ..برغم إنهم هم نفسهم متأثرين بشكل كبير وشعوبهم نفسها النهاردة بتعانى !
عايز تعرف ..هــ أقولك ..بس لازم تبقى فاهم إن اللى بيسعى بالفعل لتوسيع حالة الحرب مش حكومات الدول دى وقادتها👇٧

ولكنها شبكات المصالح اللى بتحكم الدول دى بقادتها ، بحكوماتها ، بسلاطاتها ، بــ بابا غنوجها .. وبتتحكم فى كل مقدراتها من خلف الستار
❌ أولا
تحقيق مكاسب إقتصادية تصب فى حسابات شبكات المصالح من جراء حالة التضخم اللى ضربت العالم كله .. وتحويل الإستثمارت والأموال السائلة كلها 👇٨

إلى بنوك أميريكا وبعض بنوك أوروبا
❌ ثانيا ..
إرتفاع قيمة عملات الغرب (دولار و يورو) فى مقابل كل العملات الأخرى ، ونظرة واحدة على قيمة العملات فى مقابل الدولار (خلال سنة) هــ تلاقى كارثة عملات بتواجه معظم دول العالم تقريباً ..
◀ الروبيل الروسى إنخفض بنسبة -35%👇٩

◀ الليرة التركية إنخفضت بنسبة -35%
◀ الجنيه المصرى إنخفض بنسبة -22%
◀ الين اليابانى إنخفض بنسبة -16%
◀ اليوان الصينى إنخفض بنسبة -8%
◀ الروبية الهندية إنخفضت بنسبة -3%
وطبعا مش محتاجين نقول إن الدول دى كلها عملاتها إتأثرت بسبب بناء العاصمة الإدارية الجديدة 👇١٠

والمشاريع القومية المصرية اللى مالهاش لازمة 😁
❌ ثالثاً ..
إنتعاش تجارة الأدوية ، وتجارة السلاح وتشغيل مصانعها بالطاقة الكاملة ، وتحقيق مكاسب تريليونية لبارونات التجارات دى اللى كلها فى إيدين شبكات المصالح
❌ رابعاً ..
تنشيط دور مؤسسات الإعلام والقنوات الإخبارية👇١١

ونشاط غير طبيعى لمنصات التواصل الإجتماعى وتشغيل جحافل من الذباب الأليكترونى من اجل بث رسائل خفية وعمل تريندات فى العديد من الدول لخدمة أجندات ومصالح غربية
❌ خامساً ..
تشحيت العالم حرفياً .. وخلق أزمات إقتصادية ممتدة ، للضغط على الشعوب ، علشان تضغط على حكوماتها👇١٢

علشان يبقى هم بس اللى فى إيديهم مد يد العون للحكومات والأنظمة اللى بتسمع كلامهم ، وإمعان التأثير على الدول اللى بتخالفهم ومش بتسمع الكلام !
❌ سادساً ..
التأثير على الإقتصاد الصينى وضربه فى مقتل بسبب توتر سلاسل الإمداد .. وإرتفاع التأمين على النقل نتيجة التوترات 👇١٣

على مسارات خطوط التجارة العالمية ، وإرتفاع أسعار الطاقة ، وفرض إجراءات عقابية على بعض الدول اللى لها علاقات إقتصادية مع الصين .. ومحاولة تدمير خط الحرير الصينى والنتيجة إن الإقتصاد الصينى اصبح بيعانى ، لدرجة حدوث تباطؤ فى نمو الناتج المحلى الإجمالى ووصوله لأدنى مستوياته٢٠١٠👇١٤

❌ سابعاً ..
ترسيخ لحالة الفوضى العالمية بحروب الوكالة ودعم الجماعات الظلامية وبث الفرقة بين الأطياف المختلفة على أساس دينى وعرقى ومذهبى وإضعاف إقتصادات الدول .. وتفجير المجتمعات والدول من الداخل ، لأنهم عارفين إنهم بدأوا يفقدوا سيطرتهم على النظام العالمى القديم👇١٥

اللى أسسوه وصرفوا على مؤسساته .. واللى بدأ يتصدع بالفعل وبالتالى كل الدول وكل شعوب العالم تتلهى فى المشاكل اللى هم فيها فــ تستمر سيطرتهم على العالم ، ويمنحوا للنظام العالمى حقنة مقويات يقدر يستمر بيها لأطول فترة ممكنة ولو النظام وقع يبقى عليا وعلى أعدائى ويالا بينا نقع كلنا👇١٦

❌ ثامناً ..
إستمرار الظهور بمظهر البلطجى الأوحد المسيطر على العالم والمتحكم فى مقدرات الدول والشعوب
إذن زى ماقال جراتسيانى
صحراء كهذه ملئى جداً يا أمير
يعنى الترسيخ للوضع الراهن والعمل على إستمراره طبعا وبكل تأكيد بــ يصب فى مصلحة شبكات المصالح لتحقيق مكاسب تريليونية👇١٦

ومكتبات سياسية وعسكرية حتى لو كانت كل المكاسب دى ضد شعوبهم نفسها .. لأنهم فى النهاية مايهمهمش شعوبهم .. مايهمهمش غير نفسهم ومكاسبهم وبس
ده الخلاصة عن أسباب اللى بيحصل فى العالم دلوقتى ، واللى مكمل معانا حبة حلوين كدة لحد ما النظام العالمى الجديد يثبت اقدامه👇١٧

ويحط الأسس اللى هــ يمشى عليها المجتمع الدولى بما فيها الغرب نفسه .. لأن كرة الثلج إتحركت بالفعل من 2013 .. وعمالة بتكبر
⁉️ طب هل الغرب هــ يقف يتفرج وهو ساكت !؟
طبعا لأ ..أومّال حضرتك الترفيص اللى بيحصل فى العالم ده كله لييه !؟
⁉️ طب هل ممكن الأمور توصل لحرب عالمية ثالثة !؟👇١٨

هــ أقولك تانى وثالث ومليون الحرب العالمية شغالة من 2013 بشكل غير مباشر وبحروب وكالة وحروب مخابراتية فيها مش تكسير ولكن طحن عظام من خلف الستار ..ومش فاضل غير إنها تظهر للعلن وتتحول لحرب مباشرة وبالتالى كل شيئ وارد لكن بأعمدة النظام العالمى الجديد 👇١٩

بــ يتبنوا سياسة الصبر الإستراتيجى وضبط النفس لمنع الأمور من الوصول للمرحلة دى .. ويبقى قضاء أخف من قضاء
📌 وعلشان كدة رئيس بلدك كان طول السنين اللى فاتت بــ يجرى بأقصى سرعة ، ويبنى مدن ، ويسلح الجيش ، ويستزرع أراضى ، ويبنى صوامع ويعمل إتفاقيات وشراكات إستراتيجية👇٢٠

وماكانش فى على لسانه غير ثلاث جمل ، كان دايما بيكررهم .. إحنا مستعجلين .. إحنا ماعندناش وقت .. إحنا لسة قدامنا كتير أوى !
📌 وأظن اللى إتعمل فى البلد ظهر تأثيره بقوة فى سنة الكورونا وأول 6 شهور من الحرب الروسية الأوكرانية .. لما الشعب المصرى ماحسش بأى تأثير 👇٢١

وعدت الدنيا وقتها على خير ، برغم إننا كلنا شوفنا التاثيرات دى بعنينا فى دول كبرى .. واليوتيوب والتقارير الدولية موجودة
بس إحنا بــ ننسى ..
حفظ الله مصر برئيسها وجيشها وشعبها
#تحيا_مصر 🇪🇬🇪🇬
#مصر_أم_الدنيا_وهتبقى_قد_الدنيا
#تحيا_مصر_وعاش_السيسي
د.سلوي السوبي

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد