السايكوباث مبيحسش اوى. مبيتهزش لنفس الاسباب اللى بتهز مشاعر البشر لان من وجهة نظره هو اذكى من النزول هناك وبالتالى بيخلى البشر حيوانات او ارقام او مستندات بتلعب دور متغير فى معادلة مش اكتر. السايكوباث عنده هدف اسمى للبشر مشاعرهم معطلاهم عن تحقيقه.
وبسبب انه شايف الهدف الاذكى والاسمى ده ومبيعطلش عند فردية البشر معندوش مانع يستخدمهم لصالح الهدف عشان كدة السايكوباثى صفة اساسية عند معظم الناس اللى عندها طموح سياسى
فى اغلب الاحوال المواطن العادى فى الكابيتاليزم مبيحبش يبقى سياسى او عنده طموح سياسى عشان what it takes انك تحب تتحكم فى البشر باى شكل نوع من السايكوباثى (بغض النظر عن الاخلاق)
اى سياسى فى منصب فى العالم كله بسبب ان الانظمة طريقة الوصول لقمتها الديموقراطية فا سهل جدا السايكوباث يطلع فوق مش الانسان الكويس ليه؟ لان معظم البشر غلابة والسايكوباث اللى بيطلبوا السلطة قليلين جداً
فى يوم من الايام علم النفس فى ابحاثه فى السنين الجاية هيثبت ان المشكلة مش فى السياسيين المشكلة فى ان طريقة العالم فى فلسفة الحكم معمولة على مقاس السايكوباث ..الفستان متفصل على مقاس واحدة مجنونة..مينفعش تقول ليه مبيجيش واحدة كويسة تلبسه..المشكلة فى الفستان
وهيكتشف ان اللى بيعرف يدوس على زرار يموت ناس وفى نفس الوقت يتصور مع ناس عشان حملة انتخابية ويعرف يعمل علاقات كويسة مع ممولين هو نفس الشخص وده فى حد ذاته هيشاور ان فى مشكلة نفسية هى اللى سايقة الوعى الجمعى للكوكب تطورياً و المشكلة مش فى اسم السياسى
الوعى الانسانى عايز يجرى وذكاء اصطناعى واعمل حضارة ودوس يا انسان عالكوكب وتولع الطبيعة اعملى ابراج هنا..يبقى اكيد اللاوعى دايما هيحط حد مختل عالدركسيون عشان ميفرملش ركب الحضارة لاى سبب
اعتقد..اعتقد..محتاجين نجيب ناس مناسبة فى اماكن مناسبة انسانياً للكوكب ككل من غير ما ناخد رأى جمعى ..حاجة ماوراء الديموقراطية كدة شوية لان الديموقراطية فى مصلحة السايكوباث اللى بيعرف يعمل ماركيتينج ومش انتروفيرت ومبيحسش والناس بتحب السايكوباث اللى مبيحسش لانه "بينجز"
ومحتاجين سيستم مختلف اصلا فى فلسفة الحكم لان سو فار العملية معتمدة عالكلام فا بييجى بتاع كلام لو العملية معتمدة عالفراخ هييجى بتاع فراخ وهكذا..محتاجين نفكر كبشر برة احنا عايزين مين يعمل ايه شوية
مساؤو
جاري تحميل الاقتراحات...