♟️⭕️Chess Kingdom⭕️♟️
#التغريدة_الانتحارية 2️⃣
⛔️ تحركات عالمية :⛔️
هات مج نسكافيهك .. و تعالي نحتسي مع بعض حسوات لذيذة 😅
يعني نلم كل اخبار العالم كده
و اللي بيحصل حوالينا فى خلال الشهر
🔷🔶 ماذا عن الزيارة الكورية الشمالية ل روسيا :
بوتين مش عشوائي
و في نفس الوقت عارف ان النووي مش مجال هزار
و التعاون النووي مش هو غاية بوتين من استقباله
غرض بوتين من استقبال كيم .. هو نفس غرضه من التعاون الايراني .. هو نفس ارسال وفد رفيع المستوي ل فنزويلا و التأسيس لمرحلة جديدة من الشراكات التجارية و الاقتصادية
📌 ايه اللي بيربط بين روسيا .. ايران .. كوريا الشمالية .. فنزويلا
هو العقوبات الامريكية الغربية و الحصار المفروض عليهم
اللي بيعمله بوتين هو انه بيكسر عزلة الدول دي .. لدحض أهمية الفكرة اوووو كسر هيبة العقوبات
📌ايه هي العقوبات او الغرض منها 👈🏻 فرض حصار و عزلة علي الدولة بحيث يحدث فيها انهيار داخلي اقتصادي و سياسي ف ترجع جري تبوس الايادي الغربية عشان ترحمها و تنفذ لها اللي عايزاه
📌 طب لما الدول تبدأ التعاون و تكسر الحصار ده و لاااا يشغلها وجوده
هنا الفزاعة دي هتفقد قوتها
📌 مين اللي بيفرض العقوبات دي 👈🏻 مجلس الامن و الامم المتحدة و المؤسسات الدولية
و ده بقا يرجعنا للكلام اللي قولته لكم من كام شهر
ان خطة بوتين القادمة هي هدم المؤسسات اللي قايمة علي خدمة القطب الواحد
خلخلتها 👈🏻 بهدف اضعافها و تبقا بلا نفوذ
♦ده يخلينا نروح لاجتماع الجمعية العمومية للأمم المتحدة حاليا
عبارة عن مكلمة و هري فارغ و رغي بلا هدف
رؤوساء دول كتير كبروا دماغهم منه ... و بقا ارسال مندوب عنهم
حتي الحشد لاوكرانيا اللي امريكا مقطعة شرايينها عليه في كل لقاء دولي ... فشلت فيه لدرجة زفت لينيسكي معرفش يقول كلمتين علي بعض
ف راح طالب بسحب حق الفيتو من روسيا في مجلس الامن .. اللي هو رد فعل الحضور " انت مين يا بني عشان عايز تمشي مجلس الامن علي مزاجك 🙄" و ده وضع الجثة التائهة بايدن في موقف محرج امام الحضور
اللي هو انت جايب ابنك الصغير معاك الشغل ليه يا استاذ ..مش عارف انه هيعيط و هيقرفنا 😏😏
♦ونفس الحال في الكونجرس ودي اول مرة زيلينسكي يطلب القاء خطاب امام الكونجرس .. و الكونجرس يرفض
كل مرة الكونجرس بيسيبه يهري ساعة و لا حاجة
المرة دي راح ل چون مكارثي يقوله عمو انا جايب خطاب حلو اووي و عايز اقوله عشان تصقفولي
مكارثي قاله الله لا يسيئك سيبنا في حالنا احنا دماغنا مش فايقالك
و رفض الخطاب لأول مرة
لأن جدول اعمال الكونجرس مزدحم .... لكن دي مش الحقيقة
الحقيقة ان الجمهوريين و معاهم بعض الديموقراطيين وصلوا مع البيت الابيض لطريق مسدود في حوار دعم اوكرانيا
و بعد فشل العشروميت هجوم مضاد اللي بيحصل ... و عودة الجنرالات الامريكان معترفين ان الهزيمة حصلت و خلاص
بقا في غضب تجاه بايدن
و مكارثي مش غبي عشان يزود حدة التوتر في الكونغرس يعني اللي فيهم مكفيهم 🙄
♦للي ميعرفش 👈🏻 زيلينسكي و عائلته و رئيس الاستخبارات بتاعه و عائلته
تم منحهم الجنسية الامريكية
و البسبورات الامريكية
و اشتروا بيوت في امريكا في ولاية فلوريدا
ودي اخر فضيحة فضحها لهم نائب سابق في مجلس النواب و هرب علي بيلاروسيا
و مقدروش يكذبوه طبعا
و الدنيا مقلوبة لدرجة ان بعض النواب بيطالبوا بعزله
مش زيلينسكي بسسس
عارفين وزير الدفاع السابق اللي بقا السفير الاوكراني في بريطانيا ... ده روووخر طلع اتجنس انجليزي هو و عائلته
📌ده بقا من بدايات الصيف
و يبدوووو انه تجهيز للحظة الهروب في حالة ان بوتين يقرر يتغابي و يضرب ضربة مرزبة
انا اول مرة يعدي عليا العبث ده 😁😁 .. رئيس امريكاني لدولة تانية و سفير مجنس و رئيس مخابرات مجنس
ما كفاية انبهارات بقا يا لوووچي 😁😁
اومال لما الباب هيخبط في اوكرانيا مين هيقوم يفتح ألا اخواننا البجر اللي كانوا شايفين زيلينسكي رئيس مدني و بتاع حريات و كده
لسه عند موقفهم
لسه بجر بردو .. و لا ادركوا انه مجرد عميل ميسواش 😁
في عز احتياج دولته للدعم بيروح يشتري قصر فخم في فلوريدا بملايين الدولارات
عبث و عبط غير طبيعي
يعني مفيش بربع جنيه رزانة في الخيانة 😁
♦يسكت بقا
لاااا ... يطلع علي مسقط رأس المسيخ الدجال
كنداااا
ما هو لو المسيخ الدجال في ايده يختار يمشي ب بسبور مش هيلاقي انسب من البسبور الكندي الحقيقة
التقي بالحكومة الكندية .. و طلب منهم ترتيب لقاء مع رجال الاعمال الاوكران الكنديين
و الغريب ان رجال الاعمال دول رفضوا تقديم الدعم المادي لاوكرانيا و قالوا انهم حصلوا علي بسبورات كندية و خلاص وجدنا وطن بديل ... روح انت بقا حارب و احنا هنا سنصلي من أجلك

⛔️اوكرانيا دي دخلت التاريخ من اوسع ابوابه
هتكون نموذج العهر السياسي و الخسة الوطنية ل200 سنة جايين 😅.... مجموعة رؤوساء تجمعهم العمالة و الخيانة ... جهاز مخابرات بيبيع معلومات ل روسيا مقابل فلوس ... قيادات جيش بيتبيع السلاح في السوق السودا ... حكومة بتقسم مع الرئيس في فلوس الدعم ... شعب بيهرب من التجنيد و رافض يحارب .. اوليغارش اتنازلوا عن الجنسية عشان يفضوا دماغهم
انا في غاية الازبهلال 🙄🙄
اللي بيجي حرام بيروح حرام
ارض السوفييت وبكرة ترجعلهم
عقبال اللي في بالي يا زوووول 🙄
♦لما الاوليغارش تخلوا عنه .. راح يعيط ل ترودو " الراعي الرسمي لشواذ كوكب الارض 😏"
قاله بص لك مننا 650 مليون دولار كندي
بس هتاخدهم علي 3 سنين
يااااااه يدينا و يديكم طول العمر بقا ... انتوا عاملين حسابكم انكم مكملين معانا 3 سنين كمان في الحرب 😁 ... ده ايه التفاؤل ده 😁
و المبلغ ده هيبقوا سلاح و ميزانية تدريب طيارين و جنود
هما فين الطيارين دول يا سيدنا الافندي 🤔
ده بيحققوا فشل بااااهر في تدريبهم علي ال F16 اللهم لا حسد يعني 😁
🔷🔶 بوتين مش عايز يخلص الحرب لحد ما يخلص اهدافه الاقتصادية والسياسية ..و دي مش اهداف بوتين لوحده .. دي اهداف التحالف كله .. لكن بوتين هو رأس الحربة 👌🏻👌🏻
♦ومن ضمن الخطوات دي هو تفكيك التحالفات مع امريكا حتي لو كانت نقدية و مالية
و ده يتضح لنا في اعتماد البنك المركزي الروسي علي قبول عملات محلية من 30 دولة منهم 8 دول عربية
▪مصر 👈🏻 و ده عشان الشراكة الاقتصادية بينهم في حاجات كتير
▪السعودية .. الامارات .. سلطنة عمان .. البحرين .. الجزائر 👈🏻 و ده تمهيدا لفك ارتباط الدولار بالبترول
▪قطر .. المغرب 👈🏻 من باب هات التعابين تحت عينك و كيد بيهم عدوك
خطوات محسوبة و مدروسة و بتتحقق بنجاح علي الارض 👌🏻👌🏻
🔷🔶 نشوف بقا موضوع الدعم الغربي لاوكرانيا
♦الشقيقة ألمانيا لما انضغط عليها من امريكا انها تبعت الدبابات الليوبارد
راحت بعتت دبابات بس خردة بقا .... اوكرانيا استلمت اول دفعة لقيتها مش شغالة
مش بألش و الله .. دي حقيقة 😁😁
وحدات التحكم بتاعت الدبابات بايظة كلها ... بالتالي مكنش منها اي استفادة
و رفضت تستلم الدفعة التانية و زيلينسكي قال انهم بيتعرضوا للخديعة من ألمانيا
طلعت الست وزيرة الدفاع قالت لا معلش احنا بعتناها شغالة .. باظت عندك 😁
هو اكمنه عبيط يعني يا اخواننا تعملوا معاه كده ... يعني سابها للعيال لعبوا فيها مثلا ..انتوا باعتنها خردة خارج الخدمة
♦ نفس الوضع في فرنسا
فرنسا خلاص شالت ايديها و قررت ان مفيش دعم تاني و الالتفات للاستعداد للشتاء القادم
♦و برغم من قلة الدعم إلا ان العميل مصمم يكمل المسرحية
و عايز يقاضي رومانيا و التشيك و بولندا عشان مش عايزين يستوردوا منه حبوب تاني
درجة ان رئيس التشيك طلع يقول 👈🏻 الحقيقة مينفعش كلام الراجل ده يتاخد علي محمل الجد .. ليه منعتبروش بيلقي النكات مش دي مهنته الاساسية 🤔🤔
واضح ان رئيس التشيك جاب اخره ...وخصوصا ان براغ والعة و المظاهرات وصلت لمرحلة مطالبات بخلع الرئيس بحكومته كمان 👌🏻👌🏻
هو الحقيقة الموضوع بوخ اوووي و امريكا اتفضحت و الشعوب جابت اخرها
🔷🔶 نروح بقا عند اللاعيب التاني :
♦الصين لابدة في الدرة كده .. و رابطة علي بطنها حزام حديد ... و مستقتلة علي انهاء وجود الدولار
قدرت انها تقلص حجم التجارة بينها و بين امريكا 15%
و بتعمل علي ايجاد أسواق بديلة للسوق الامريكي 👌🏻
و ده السبب اللي بشار الاسد جازف بنفسه وسافر عشانه الصين .بشار طالع له مذكرة اعتقال
بس كونه يروح الصين
و الصين تستقبله و تعمله مراسم
و متسلموووووش
دي رسالة لامريكا 👈🏻 انت متعملش علينا كبير .. الصين برا حساباتك
📌 ليه بقا بشار رايح 👈🏻 عايز يدخل في الحزام و الطريق
شاف نفسه الاردن و مصر طنشوه ... بوتين مبقاش يسندوا اقتصاديا
بعد ما اتلوح و قال انه حجمه مش قليل كده
ف قال اجري يا واد علي الصين إلحقلك اي حاجة 👌🏻
بشار يا جماعة بقا تاجر مخدرات .. بقا موزع الكبتاجون في منطقة الشرق الاوسط
الكبتاجون بيدخله من اسرائيل .. و اسرائيل بتجيبه مخصوص من كوبا و المكسيك
تخيلوا سوريا اللي حاربت معانا في 73 و دمرت خط بلوم و طلع طيارين جيشها رعبوا جولدا مائير في مكتبها
بقت بتتعاون مع اسرائيل في اغراق المنطقة بالمخدرات ... تصدق و تآمن بايه يا عزيزي اسرائيل مفيهاش حباية كبتاجون
العناد خلاه دمر الجيش و بوظ البنية التحتية وخسر جيرانه
مش هقدر انكر دور السعودية في اللي حصل ل سوريا .لكن الداعمين له كانوا كتير
ومازال مصر و الاردن عايزين يدعموه ... لكن الاردن كل يوووم بتضبط كميات مخدرات كبيرة ... فلسطين البحرين
بقا شخص مؤذي
و ده سبب رفع الدعم عنه
و واضح انه اخد بنصيحة بوتين انه يتجه ناحية الصين لايجاد مورد اقتصادي بديل للمخدرات😅

عارفين نظام شوفلك شغلانة حلال كل منها عيش "
لان خلاص مبقاش في اي موارد يصرف منها علي اي حاجة
الحمد لله يارب علي نعمة الجيش المصري .. الحمد لله علي نعمة جهاز المخابرات العامة .. الحمد لله علي ان عندنا رجالة تنبهوا لحجم الخطر و خدوا البلد ورا ضهرهم و لحد انهاردة بيتلقوا عنها الضربات
انا مش متخيلة اني ممكن اشيل بسبور لاجئ و اروح أخد توقيع مبيت في جراچ و لا مدخل مبني و اروح اسجل اسمي للوجبات الغذائية 😟😟 ربنا يفرجها علي الجميع يارب
بس الواحد يشرب سم احسن .... ربنا يديم علينا عز و قوة الجيش يااااارب 🙏🏻🙏🏻
📌 و ده السبب اللي مخلي الحكومة السورية ترفض عودة اللاجئين
مفيش فلوس
مفيش اعادة اعمار
مفيش خدمات تتقدم
طب ما تاخد اللي عندنا .. ده مفهمنا انهم شايلين اقتصاد مصر و بيدونا مصروف كل شهر من حصيلة الشاورما 🙄🙄
خدهم ب اسياخهم ب مخدراتهم ب تجارة العملة مننا ليييييك
احنا وش فقر يا عم مش عايزين الانتعاش الفظييييع اللي عاملينه 🙄🙄
الواحد لو اسهب في موضوع سوريا ده هيقول حاجات تحبس و الله 😏
ما علينااااا
📌 الكويت بقا راحت الصين في نفس توقيت زيارة بشار
لكن ملهمش دعوة ببعض
ما هي الكويت بردو لها حصة كبتاجون من عند المعلم بشار البهظ 😏
لكن راح بناءا علي طلب من الحكومة الكويتية لبحث سبل التعاون و جذب الاستثمارات 👌🏻👌🏻
📌 الكويت عايزة استثمارات في مجال التكنولوجيا
لانها عارفة ان في خلال 10 سنين البترول هيبقا سلعة بتتحارب بيئيا
الصين مش هتفوت الفرصة
هتعمل اييييييه 👈🏻 انتي عايزة استثمارات عينيا .. و انا عايزة بترول ....... بس باليوان 👌🏻👌🏻
📌تسألني يا عزيزي و هل الكويت هتنفذ 🤔
اقولك لاااااا
الكويت متعرفش تعيش بدون غرفة النوم الامريكية " وانا اقصد المعني "
لكن الصين مبتقفلش الباب في وش حد
📌 هل الصين هتوافق تدخل سوريا الحزام و الطريق
اااه هتوافق
لو مكنتش هتوافق مكنش بوتين بعت بشار
و ده هيفيدنا في مشروع الربط الكهربي .. و الطريق التجاري لحد العراق و مشروع الشام الجديد 👌🏻👌🏻
🔵 ايه بقا بيحصل بين ارمينيا و اذربيجان
العركة دي علي ايييييه 🤔
📌العركة كلها علي اقليم قرة باغ
ارمينيا بتقول ده بتاعنا
و الارمن اللي فيه عايزين ينفصلوا اصلا و يعملوا حكم ذاتي
و اذربيجان بتقول ده بتاعنا احنا
و بتشتغل الارمن الانفصاليين انها هتمنحهم حكم ذاتي .. و دي اشتغالة
كل كام شهر تركيا تسخن الهام عليف علي ارمينيا .. طبعا العلاقة بين الارمن و تركيا زي الزفت و تار قديم
و ارمينيا لسه بتلف علي كل اللقاءات الدولية لادانة تركيا بغرض الحصول علي تعويضات
📌 طبعا النغز بيجي من عند امريكا لتركيا
عشان يعملوا صداع ل بوتين 🤷🏻‍♀️🤷🏻‍♀️
بوتين واقف علي نفس المسافة من الدولتين
لكن ارمينيا بدأت تستهبل و تتكلم في موضوع حرية اوكرانيا و بتاع 😏
بالتالي بوتين بيحتوي الموقف بقوات حفظ سلام من عنده بهدف منع توسع الحرب
و بالفعل نجح في وقف اطلاق النار و استقبل الهام عليف عنده بهدف التهدئة
ارمينيا لو خسرت روسيا هتاخد علي دماغها لأن روسيا اللي بتصرف عليها اساسا
🔵 مصر و ايران بقاااااا 🙌🏻🙌🏻
و وسع بقا للدبلوماسية اللي بتجيب من بعد الاخر بشوية
▪ ايران معانا في بريكس
▪ايران عليها حصار اقتصادي و مش بيوصلها سلع غذائية
▪محتاجة مصدرين .. هنا بقا يجي دور مصر
تصدرله سلع كتير بأسعار تفاضلية و نكون بعيد عن وجع دماغ كسر العقوبات لأن عادي جدا التصدير يكون بإسم المجموعة
و في نفس الوقت هتشتري منك بعملتك المحلية
و ده طبعا في صالح الجنيه المصري
▪في نفس الوقت ايران عندها مسيرات محترمة جدا
ف يكون سهل ننقل تكنولوجيا انتاجها
ايران سوق عطشان
الشاطر اللي هيعرف ياخد منه حصة كبيرة 👌🏻👌🏻
مصر دلوقت بتتحرك في اتجاه مصلحتها و ده شئ عظيم
فاللهم نصرك الذي وعدت لعبادك المخلصين 🙏🏻
حفظ الله مصر🇪🇬
حفظ الله الجيش🦅
هذا و استغفر الله لي و لكم و لعزيز مصر مولانا الامام الطيب عبد الفتاح السيسي و تعيش مصر حلوة الحلوات