انا مش عارفة اشرحها ازاي بطريقة يفهمها المنادي بالمقاطعة من غير ما يبص حواليه بساغ . احنا بلد اقتصادها رايح في داهية وما عندناش صناعة بقرشين والكام كانتين اللي انتو أصلا ما عكومش فلوس تدخلوهم مشغلين ناس كتير جدا .. في بلد أصلا عنده مشكلة بطالة وبيعاني من التضخم بشكل بشع
اللي واقف على الكاشير في ماك أو ستاربكس هيمشي او المقاطع أثرت عشان احنا ما عندناش جهة بتحمي العمالة ودول أول ناس بيتوفروا في تكلفة التشغيل .. لما هيمشي ولاده مش هياكله و بتاعة الطماطم اللي على أول الشارع مش هتبيع له هو ولا الباريستا بتاع ستاربكس فولادها مش هياكلوا برضه و ماحدش
هيشيلهم ولما الفرانشيز أو المصنع كله يقفل مش هيدفع ضرايب فطنط مديحة اللي في أول الشارع عنده مش هتلاقي التموين و عم مصطفى جوزها اللي عالمعاش مش هيلاقي دوا الضغط اللي بيصرفه من التأمين الصحي !! خلاصة الكلام الاقتصاد دايرة مقفولة وفي بلد اقتصادها على الله هي دايرة مقفولة ومحدودة
ما تسخنش ورا أشكال مش فاهمة الألف من كوز الدرا بيشجعوك تقطع عيش واحد مصري وهم بيتاجروا في السوق السودا و بيرتشوا و هيقدمولك بضائع تركي بدل الأمريكاني في الآخر … انت بتقاطع من ابلكيشن أمريكاني من موبايل ال OS بتاعه أمريكاني وبتقبض مرتبك بكارت أمريكاني في بلد مش بتنتج ابرة خياطة
أو زرار في قميص مكتوب عليه صنع في مصر ! اهدوا ياجماعة وما تخلوش الأوساخ يبعتوكوا تاني وبلاش استشراف وغسل ضماير على ناس غلابة لو قفلت في وشهم انتو مش هتشيلوهم ولا تشيلوا بيوتهم !! #قاطعوا_الغباء
اه ومعلومة أخيرة … كل المنتجات المصرية اللي بتنادوا بتشجيعها ممكن تقف في ثانية لو التصدير وقف .. عشان حبيب قلب ماما غطا ازازة السباتس ( اللي طعمها زالخرا أصلا ) مستورد ! شريط الدوا المصري السوليفان بتاعه مستورد .. مش قلت لك بيبعتوك وانت رايح مع اي حد !! #قاطعوا_الغباء
جاري تحميل الاقتراحات...