موضوع جودات دا قايمة فيه الميليشيا لأسباب عديدة.
اولا لانه يعتبر من قبيلة رئيسية في الدعم السريع ، فكونه ضابط برتبة كبيرة زي دا ما يسمع كلام القبيلة و يسلم و يتبع للدعم السريع لا وكمان يقاتلهم بصورة شرسة زي دي ، دا كلام بساعد على وحدة الجيش ووحدة الضباط و الجنود من المناطق ديك+

و بنسف خطاب الميليشيا في تبني موضوع انها صوت الهامش وبتحارب في دولة ٥٦ اللي هي حسب اعتقادهم خاصة بالقبائل التي تستوطن مجرى النيل، و دا ضابط كبير رفض ينضم او يسلم ليهم نسبة لانه عنده ايمان قاطع بالدولة و بالمؤسسة البنتمي ليها اكتر من القبيلة، و دا مهدد كبير جدا لمشروع الميليشيا دي

النقطة التانية فشلهم في محاولة شق الجيش منذ بداية الحرب ، الميليشيا اشتغلت على النقطة دي هي واعلامها المحايدقحطي كتير جدا ، طبعا انضم ليها بعض الخلايا النايمة و المشترنهم في الجيش، لكن الكتلة الصلبة للجيش ما زالت متماسكة، فموضوع نيالا وجودات دا حيشتغلوا فيه إعلاميا بصورة كبيرة

جدا من غرفهم بغرض محاولة شق الجيش ، وحيحاولوا بكل ما يملكوا لآخر دولار في الموضوع دا.
المهم جودات خرب ليهم شغل كبير جدا عسكريا و إعلاميا و سياسيا و ضرب باجندة كتيرة الحيطة، و دا سبب الهجوم عليه دا.
بارك الله جودات وحفظه أينما حل.

جودات قدم رسالة قوية جدا و كبيرة :
الدولة اهم من القبيلة و الانتماءات الجغرافية و المال.
زي جودات دا مستقبلا مفروض يتعمل ليه تمثال.
ما ضر جودات ما فعل بعد هذا، لانه رسالته وصلت.