رتبها

احنا صناعة مصرية
إيوة آه
الحمد لله على نعمة شجاعة القول والعمل
حتى لو كنت وحدك ومش مدعوم،بتقول اللي مؤمن بيه ومش منتظر جزاء من حد،بيحركك الدافع الوطني والانتماء لمصر دون غيرها.
التفاعل بيتزيف والترافيك بيتباع والتريند صناعة الفاشل مش المؤثر!
-١تابع
#سيناء_خط_احمر
#شيرين_هلال

المؤثرين الحقيقين مش بيستنوا حد يقولهم اكتبوا عن ايه ولا نزلوا فيديوهات ايه!
والوطني اللي بجد مش بيقعد يستنى جاله كام لايك وكام ريتويت الا لو بينشر عشان يلاقي اللي يسقف له!
اللايك والريتويت مش دليل على جودة المحتوى، ومش بيعمل تواجد مهما زاد التداول.
-٢تابع

الاحداث كشفت ان لجان اعادة التغريد وكتايب التهليل مبتعملش نجاح.
البلد محتاجة وجود حقيقي من الجميع واثبات مواقف، مش لازم تكون محقق ارقام مبعبرش عن شيء، ولا لازم تكون بارع في الكتابة ولا رئيس تحرير عشان تكون مؤثر، كفاية تكون صادق وعايز توصل صوت الشعب المصري الحقيقي،
-٣تابع

دي اهم حاجة تقدرتقدمها لبلدك، ادعم بصوتك بنفسك بكلمتك ومتستناش حد يدعمك. الاحساس بانك مخلص مع ربنا ومواقفك منسقة مع اللي بتكتبه هنا هو اكبر صفعة على وجه لجان العدو ولجان الهاموش الاليكتروني
عشان احنا صناعة مصرية مش منتظرين موجه لصالح بلدنا وهثبتلك بالدليل كام معركة فزنا بيها
-٤👇

احنا اللي نزلنا بالكنبة في عز ما كان التهديد تحت بيوتنا من ملتوف الاخوان واحنا اللي وقفنا في وش اجرام جماعات بتمولها الصهيونية العالمية بالكلمة لان اللي زينا رافع شعار "#مصر_قضيتي". اوعى تستصغر كلمة بتكتبها في هاشتاج مهما كانت من وجهة نظرك مش بليغة
-٥تابع

بالعكس دي بتتاخد من اجهزة دول ومنظمات تتحلل وتتقيم دا غير وسائل الاعلام الغربية "والعبرية" عشان تقول الشعب المصري موقفه فين، اوعى تستصغر بوست ولا تغريدة بتعملها لايك او ريتويت لانها بتساهم في رفع الصوت مدوي في وش اجرامهم تجاه مصر.
-٦تابع

انت عارف يا صناعة مصرية انت وهو هى انتو واجهتوا ايه وانتصرتوا عليه؟
تعالى اقولك بس براحة واسمح لعينك تمشي معايا بكاميرا فيديو ترصد اللي جاي:
١-التمويل غير المباشر لإنشاء قاعدة إرهابية بحجج دينية و عرقية أو مطالب تاريخي
👇👇
طبعا مش ناسي سنوات التطرف الديني والعنف الارهابي
-٧تابع

وجيش الشهداء من عسكريين ومدنيين و مطالب دولة الخلافة وما شابه والباب كان مفتوح على مصراعيه مع همج الاخوان ودلاديلهم
وانتصرنا عليهم وشردناهم الى الابد
٢-إختراق و تجنيد التنظيمات داخل الدولة المستهدفة والعمل بإسمها
يا ما شاء الله شفنا الترويج للمنظمات الارهابية
👇👇
-٨

والتبرير لاعمالها العدائية والتصوير في بيوت التكفيرين ومحاولة خلق التعاطف مع ذويهم واتجرعنا استفزاز واجهناه بكل حسم وشدة برضو لوحدنا بدون تنبيه ولا اوامر عشان احنا الشعب اللي ولاده اتغدر بيهم على ايد المجرمين
-٩تابع

٣-إستخدام تكتيكات حرب العصابات و عمل تفجيرات ممولة بطريق مباشر أو غير مباشر يا ربي على اللي شفناه من تفجيرات فالعمق الداخلي لمصر فاكرين ايام تفجيرات نوادي الشباب ومواقع قريبة من السفارات وضرب استاد بورسعيد وحوادث القطارات المدبرة من الاخوان والمنفذة بايد موظفينهم العملاء؟
-١٠👇

الحقيقة البورررنااامج كله اتطبق علينا بحذافيره وبرضو جلدنا تخين وعدينا💪
٤-التمرد للأقليات العرقية أو الدينية و ضرب طبقات المجتمع بعضها ببعض- فاكرين الدق على بوابة الطائفية وبرضو مفتحتش؟
فاكرين اما كان صبيانهم بيحرقوا الكنايس ويجروا المعلمين بتوعهم يعملوا قعدات عرفية
-١١تابع

عشان يفلتوا من الحساب بالقانون؟ وبرضوا انتصرت الفطرة المصرية السليمة والمسلمين كانوا بيدافعوا عن الكنايس زي الجوامع ولا نسيتوا حريقة كنيسة ابو سيفين والبطل محمد يحيي
-١٢تابع

٥-إستخدام كل الضغوط المتاحة سياسيى/إقتصادى/إجتماعى - هنا لن اسكت كثيرا:
اظن احنا في هولوكوست ضغوط من 2011 ولحد النهاردة مفيش فايدة فينا لحد ما قربوا يشيلوا اجهزة الضغط والانعاش من فرط فشلهم معانا لان نسبة الافاقة للتثور المدفوع في الجسد المصري لا ترصدها الاجهزة🗣️👀🦻🏼🫵🏻🤛🤜
-١٣👇

ودا معناه انتصار رهيب وبرضو الصناعة المصرية هى المسؤولة عن نجاح التصدي
٦-الحرب النفسية من خلال الأعلام والتلاعب النفسى وإستخدام محطات فضائية تكذب و تقوم بتزوير الصور و الحقائق (تمويل المحطات أو الأعلاميين أو أصحاب المحطات وصفحات التواصل الإجتماعى)
-١٤تابع

٧-إستخدام منظمات المجتمع المدنى و المعارضة و العمليات الأستخبارية- لا لا متقولوش بقى دي لعبتنا على السوشيال ميديا المفضلة ، كل شوية نصتاد صبيانهم ونلمع بيهم ازاز تويتر رايح جاي🧞‍♀️🧞
لما بقينا امنا الغولة الخونة والجواسيس
-١٥تابع

ولا ناسيين ترامب وآية حجازي 🙈😱
ومش هنقول المقابل ايه!
ايه لحقتوا تنسوا البرلمان الاوروبي وتهديده لمصر وتلميعه ل #احمد_الطنطاوي؟
ولا مش فاكرين #هشام_قاسم اللي المنظمات الكونية هتقتحم حدودنا الفضائية عشان خاطره؟!
ناسيين احنا ردينا ازاي وواجهنا اد ايه؟
-١٦تابع

نفكر الناسيين بعينة صغيرة باللي عملناه مع البرلمان الاوروبي المرتشي وشوفوا عملنا ايه،
بتقول احنا صناعة مصرية بتفهموا ايه؟
عارف يعني ايه مصرية يا خواجة
عارف يعني ايه مصر يا بيه؟
👇👇
-١٧تابع

٨-إستخدام العملاء و الخونة فى الدولة المخترقة و تسليط الأضواء عليهم و منحهم الجوائز العالمية
لا لا لا - نسيتوا جايزة سخاروف للست #اسماء_محفوظ
اللي قالت بعضمة لسانها انها تلقت تدريب في صربيا على حروب اللاعنف وفنون اسقاط الانظمة؟
-١٨تابع

الجوائز العالمية بتعطى حصانة للشخص الحاصل عليها ويكون من السهل يتحرك داخل المجتمعات وتعطى له وضع أدبى ولا ناسيين كمان البوب الكبير بتاعهم محمد البرادعي ايقونة ضمير ثورتهم؟
طيب ادي فيديو من مهندسة نظريات الفوضى الخلاقة اللي انتوا هزمتوها من ايام العباسية ما كانت ارض فاضية🤌🏼
-١٩👇

وهى بتقول ل أحمد صلاح احد النشطاء المصريين هى عملت ايه في المصالح الاقتصادية المصرية "صفعة على وجه الحكومة المصرية" على حد تعبيرها تسببت في عدم قدرة الرئيس الامريكي في الاتيان بالرئيس المصري محمد حسني مبارك ايامها من 2004 وحتى رحيله، وكل دا عشان تدعم لشبابها النشطاء
-٢٠تابع

اللي قاموا بالثورة بعد كدة اللي نزل الشعب المصري هدها فوق دماغهم وطرد الاخوان والعملاء
واديكوا مثال كمان صمموا اهم مشروع محكم وهو فولبرايت Fulbright Egypt-مشروع عمله سيناتور أمريكى يغربل العالم كله و ياخد أحسن العقول اللي عندها استعداد للتعاون فى العالم و يوجهها الى أمريكا
-٢١👇

وبالمرة يشكل العملاء زي ما يحب، بيشتغل على 160 دولة يجمع الطلبة المتفوقين ويديهم المنح مجانية للدراسة فى أمريكا للشريحة من 18 ل28 سنة
طبعا المشروع استفاد منه ناس كتير ومش كلهم مرشحين للبرنامج الخفي، دي بتكون نسبة محدودة جدا جدا ومختارة جدا جدا "وكل واحد ومجموعه بقى😉"
-٢٢تابع

العراق نموذجها واضح
ودا برضوا انتوا هزمتوه
ولا ناسيين نادر بكار اللي سحبوه واتقال بيدرس بهارفرد و10سنين منسمعش عنه ومحدش لحد النهاردة عارف هو سافر ازاي لان شروط المنح لا تنطبق عليه، واحد تقديره مقبول معندوش8 سنين خبرة ولغته كانت بعافية هيسافر ازاي الا اذا كانت بصفقة معينة؟!
-٢٣👇

مرحبا بيكم
ومبروك عليكم يا مصريين الانتصار فالحروب المثالية للجيل الرابع
بتبتدي ومحدش بيحس بيها،وبتنتقل للمستوى الاعلى والاخطر وهو القوة الذكية اللي بتعتمد على التنوع الكبير و الأستخدام الذكى للقوى الناعمة حتى تسقط الدولة ميتة
وبرضو انتصرتوا على هذا السلاح خطييييير
👇
-٢٤تابع

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد