العالم دلوقتي على شفا الحرب العالمية الثالثة!! وده كلام بجد مش تهويل ولا مبالغة!!
فكرة الحرب العظمى الشاملة أصبحت الآن أقرب من أي وقت سابق..
والمشهد الآن أصبح مرعب لأي مراقب ومتابع جيد للي بيحصل على الأرض..
فكرة الحرب العظمى الشاملة أصبحت الآن أقرب من أي وقت سابق..
والمشهد الآن أصبح مرعب لأي مراقب ومتابع جيد للي بيحصل على الأرض..
قوات المحور الجديد بتتكون ما بين روسيا وإيران وفي ضهرهم الصين ومقابلها الناحية التانية الغرب كله ما بين أمريكا وحلف الناتو وحدث الاجتياح الإسرائيلي البري لأراضى غزة اللي هيحصل خلال الأيام الجاية غالبا هيكون هو المقابل للحظة اجتياح بولندا اللي بدأت الحرب العالمية الثانية زمان.
طب ازاي؟! ويا ترى أيه التحليل الاستراتيجي للموقف دلوقتي بالظبط وباختصار؟!
تعالى معايا هقولك واحدة واحدة وبتبسيط كبير لإن الموقف فعلًا بالغ التعقيد 👇
تعالى معايا هقولك واحدة واحدة وبتبسيط كبير لإن الموقف فعلًا بالغ التعقيد 👇
⚫️ بص يا سيدي..حكومة اسرائيل اليمينية المتطرفه كان بقالها فترة طويلة بتستفز الفلسطينين بشكل كبير سواء بالاعتداءات الصارخة على القدس أو من خلال الخطط المعلنة لتطويق القضية الفلسطينية وتصفيتها من خلال مشاريع التطبيع اللي هدفها الأساسي كان حصار غزة وتدمير قدرتها على المقاومة نهائيا.
وده كان لازم عاجلًا أم آجلًا هيؤدي لانفجار حقيقي وغير مسبوق.. وده اللي هما (الإسرائيليين) كانوا عايزينه بالفعل عشان يبقى عندهم مبرر لبدء تهجير وقصف قطاع غزة بدون تفريق بين مدني أو عسكري، في محاولة لتخويف الناس وتصفية القضية بالكامل..
بس في حاجة مكانوش عاملين حسابها خالص..
بس في حاجة مكانوش عاملين حسابها خالص..
هجوم المقاومة الفلسطينية لما حصل في الوقت ده بالذات، أدى لإيقاف مسار التطبيع مع المملكة العربية السعودية وضربه في مقتل، عشان مستحيل السعودية هتكمل تطبيع والمدنيين في فلسطين بيموتوا، وإلا هتبقى بتخاطر بثورة شعبية على أرضها..
وده نتج عنه بالتالي ايقاف كل مشاريع التطبيع الجاية مع دول عربية أخرى في المنطقة.. واللي أدى بدوره لمكاسب تاريخية مبهرة..
المكسب الأول منه هو انه بث الروح مرة تانية في القضية الفلسطينية ووحد الشعوب العربية كلها على قلب رجل واحد..
المكسب الأول منه هو انه بث الروح مرة تانية في القضية الفلسطينية ووحد الشعوب العربية كلها على قلب رجل واحد..
وحتى بالتبعية جذب دعم غير مسبوق من بعض الشخصيات الإعلامية والسياسية الغربية المؤثرة.. وده طبعًا بالرغم من تواطؤ بعض الحكومات والأنظمة الحاكمة العربية مع الاحتلال..
والمكسب التاني هو انه كسر هيبة الاحتلال وحطه في موقف لا يحسد عليه، في وقت أساسًا هما عندهم انقسامات غير مسبوقة جوه الحكومة والجيش، وحتى في الشارع والشعب نفسه.. ونص الناس هناك مش عايزين نظام نتنياهو أصلًا وبيعملوا مظاهرات ضده..
المكسب التالت بقى كسبته إيران، اللي بقالها فترة طويلة بتمول المقاومة الفلسطينية وبتدعمها بالسلاح والصواريخ، برغم الاختلاف الأيديولوجي الصارخ بين النظام الإيراني الشيعي، وحركات المقاومة السنية..
هتسألني ايه المكسب، هقولك ان أي تقارب وتطبيع بين اسرائيل والسعودية كان هيحط إيران في مأزق بسبب الحرب الباردة اللي ما بينها وبين السعودية بقالها سنين طويلة واللي استخدم الطرفين فيها تنظيمات الجهاد المسلح عشان يشنوا على بعض حروب بالوكالة من داخل أراضي دول أخرى في السنين اللي فاتت.
زي داعش والحوثيين وغيرهم كتير.. واللي أدت للأسف لتدمير دول كتير منها سوريا واليمن..
ده غير ان إيران دلوقتي هددت اسرائيل بشكل مباشر انها هتتدخل في الحرب لو اسرائيل عملت اجتياح بري لغزة.. واسرائيل هددت هي كمان انها هتلجأ للسلاح النووي لو ده حصل!!
ده غير ان إيران دلوقتي هددت اسرائيل بشكل مباشر انها هتتدخل في الحرب لو اسرائيل عملت اجتياح بري لغزة.. واسرائيل هددت هي كمان انها هتلجأ للسلاح النووي لو ده حصل!!
والمصيبة الأكبر ان تقديرات الخبراء العسكريين بتقول ان البرنامج النووي الإيراني وصل لمرحلة خطيرة من التقدم، وغالبًا هيكون عندهم قنبلة نووية خلال شهور، ده لو مكانش عندهم بالفعل!!
طيب.. لو عملت Zoom Out بقى، ورحت بصيت على الجبهة الروسية، هتلاقي ان روسيا كمان كانت بتدعم المقاومة الفلسطينية بكل الوسائل سواء بالاستخبارات أو بالتدريبات.. وده مش عشان سواد عيون العرب ولا حبًا في الإسلام ولا القضية الفلسطينية.. لا خالص..
في مكسب كبير جدًا روسيا كانت بتسعى إليه من ورا كل ده والمكسب ده هو انهم جذبوا أنظار الغرب لدعم اسرائيل ضد فلسطين، وشتتوا انتباههم وفلوسهم ودعمهم اللوجستي والعسكري بعيد عن أوكرانيا وخففوا الضغط بشكل كبير على الجبهة الأوكرانية اللي سبب صمودها لحد النهارده هو الدعم الغربي والأوروبي.
وده بالتالي هيأدي لتفوق واضح لروسيا وتدهور في الموقف الأوكراني قريب..
عندك بقى كمان على الناحية التانية من كل ده، الصين بتضرب في الغرب ضربات اقتصادية واسعة وبتسرق منهم خبراء وتكنولوجيا حديثة سواء في تصميم الشرائح الإلكترونية أو في أنظمة الذكاء الاصطناعي..
عندك بقى كمان على الناحية التانية من كل ده، الصين بتضرب في الغرب ضربات اقتصادية واسعة وبتسرق منهم خبراء وتكنولوجيا حديثة سواء في تصميم الشرائح الإلكترونية أو في أنظمة الذكاء الاصطناعي..
ونجحت توصل بالفعل لصناعة الشرائح الإلكترونية المتطورة بمعمارية 7 نانومتر من قريب في موبايل هواوي الجديد، وده برغم العقوبات الأمريكية عليها وحظرها من التعامل مع الشركات الأمريكية!
وطبعًا كل التقنيات والشرائح الإلكترونية الحديثة دي هي بتستغلها في تطوير وتسليح جيشها اللي بيستعد لغزو تايوان قريب.. والغزو ده حسب الخبراء العسكريين الأمريكيين لازم هيحصل قبل 2027 على الأكثر، وإلا الصين هتفقد عنصر القوة عندها..
بسبب التحركات والتحالفات والاتفاقيات الجيوستراتيجية اللي بتعملها أمريكا دلوقتي لتطويقها في بحر الصين الجنوبي..
وطبعًا لو حصل غزو لتايوان، ف ده وش هيأدي لتدخل عسكري مباشر من أمريكا، ودي لوحدها شرارة حرب عالمية تالتة ورابعة وخامسة..
وطبعًا لو حصل غزو لتايوان، ف ده وش هيأدي لتدخل عسكري مباشر من أمريكا، ودي لوحدها شرارة حرب عالمية تالتة ورابعة وخامسة..
🔴 ف دلوقتي أنت لو جيت تبص بقى على المشهد من فوق.. هتلاقيه مرعب فعلًا والمصيبة ان الناس للأسف مش واخدين بالهم..
دول محور جديدة بتتكون، وبتضم جواها إيران وروسيا والصين، بيتحدوا دلوقتي دول حلف الناتو وجهًا لوجه..
دول محور جديدة بتتكون، وبتضم جواها إيران وروسيا والصين، بيتحدوا دلوقتي دول حلف الناتو وجهًا لوجه..
في اللحظة اللي أقوى دولة وجيش في العالم اللي هي أمريكا؛ مشتتة وجيشها تسليحه مبقاش زي الأول وبقى في قوى تانية تتقارن بيه، وكمان عندهم مشاكل سياسية واقتصادية ضخمة وحتى الحكومة عندهم توقفت عن العمل رسميًا بسبب المشاكل السياسية!
وفي وسط كل ده، موجود الدول العربية المقسومة نصين.. نص فيه الشعوب اللي بقت بتعادي الغرب رسميًا وبتخوض حرب إعلامية ضدهم، والنص التاني فيه حكوماتهم وجيوشهم المقيدة باتفاقيات التطبيع..
حرب عالمية تالتة يعني احتمالية انها تكون نووية هتكون كبيرة جدًا.. ولو الصاروخ النووي الأول اتضرب، فهو 100% هيأدي لسلسلة من ردود الأفعال ممكن جدًا تأدي لدمار الحضارة البشرية بالكامل، أو على أقل تقدير سقوط المجتمع الحديث بشكله المعروف..
يا ترى أيه اللي هيحصل في الساعات الجاية؟!
الله أعلم.. بس انا لأول مرة في حياتي مش هتكسف اني أقولك اني فعلًا خايف..
الكوكب ده في خلال الفترة الجاية، محتاج معجزة إلهية حقيقية عشان تحافظ عليه من نار الحرب العالمية..
الله أعلم.. بس انا لأول مرة في حياتي مش هتكسف اني أقولك اني فعلًا خايف..
الكوكب ده في خلال الفترة الجاية، محتاج معجزة إلهية حقيقية عشان تحافظ عليه من نار الحرب العالمية..
أعمل ريتويت للسرد ده ووصله لكل اصحابك وأهلك وحبايبك اللي متابعين الأحداث، ومنشن لكل اللي تقدر عليهم..
تصبحوا على خير ♥️
محمود علام
تصبحوا على خير ♥️
محمود علام
جاري تحميل الاقتراحات...