رتبها

هام وخطير
تعرف إيه هي الهاسبرا؟
👇👇
وإزاي دولة الاحتلال بتشتغل عليه وبتديرها ومين هما أعضاءها؟
وهل فيه صحفيين عرب بيشتغلوا في جهاز الهاسبرا؟
وهل فيه نخبة بيشتغلوا مع نفس الجهاز؟
وهل منظمات مثل GIZ الألمانية ليها علاقة بالهاسبرا؟
-١تابع

وليه بتطلع منشورات إن طالبي تحرير أرضهم بيهاجموا مدنيين؟
وليه بيتم مهاجمة مصر من صحفيين ونخبة عرب ليهم علاقات بالخارج؟
منشور طويل شوية جزء منه متاخد من فيديو لمحمد السعدني، مع تحليل لعدد من الباحثين العرب في مجال الصحافة واستخدامات السوشيال ميديا
ويحتاج إلى نشره بشكل واسع
-٢👇

فيه معلومات مهمة جدا
"داعش غزة" ده كان الوصف اللي قرره رئيس وزارة حكومة الاحتلال نتنياهو في المؤتمر الصحفي مع وزير الخارجية الأمريكي أنتوني بلينكن،
نتنياهو كرر وصفه لحماس بإنها داعش بتاعة غزة، بلينكن عجبته الكلمة أوي فقالك "آه صح الكلام ده فعلاً،🤨
-٣تابع

ما هو قتل المدنيين والأطفال ده بيفكرنا بنفس أفعال داعش، تبقى داعش".
والحقيقة إن ده وصف صايع لإنه مش عفوي وأي حد بيرمي أي كلام وخلاص، الوصف ده كان ليه تأثير السحر في ردود الأفعال العالمية على الصراع.
-٤تابع

طبعاً إنت لو سألت أي مواطن عربي على الصراع العربي الإسرائيلي وقلت له إيه رأيك في الوصف ده، الكلمة دي غالباً مش هتدخل ذمته باتنين شيكل، لإنه عارف إن قتل الأطفال والمدنيين هي صنعة إسرائيل التاريخية.
إسرائيل لما بتقول وصف زي ده مش بيبقى هدفها إن أنت تقتنع بكلامها أو ما تقتنعش
-٥تابع

بيكون الغرض إن هي تخلق عندك رقابة ذاتية جوه نفسك وإن هي تحط الكلمة دي حكم جواك على أفعال المقاومة، عشان تقعد تراقب بأوجه التشابه اللي بين المقاومة وبين داعش
وحتى لو ما وصلتش لتشابهات كتير، هي قدرت تلخبط المفهومين دول عندك ببعض
-٦تابع

لأنه زي ما هو معروف في السياسة إن "تصوراتنا عن أي حاجة هي الواقع بتاعة الحاجة دي".. وده اللي عملوه بعض العرب بعد 7 أكتوبر لما اشتغلوا على وصف المستوطنين بالمدنيين، وكلنا شفنا بنفسنا المنشورات والتعليقات دي، قبل ما تتحول صفحات هؤلاء لوضع علم فلسطين على صورة البروفايل.
-٧تابع

احنا بنتعامل مع الواقع من خلال التصورات دي يعني بما إن إحنا والأمريكان والأوروبيين مش موجودين على أرض المعركة ومش بنشوفها من خلال التصريحات الصحفية يبقى واقع المعركة بتاعتنا دي ببساطة هو تصريحات، ولو ركزنا في التصريحات وذاكرناها كويس، وعرفنا نقول إيه وما نقولش إيه
-٨تابع

هنقدر من خلال ده إننا نمتلك السرد،وإذا امتلكنا سرد الواقع نبقى امتلكنا الواقع، هي دي الطريقة اللي بتفكر بها إسرائيل،والأفكار دي تطورت بشكل كبير في آخر20 سنة،وواحد من أصحاب الفضل في تطورها كان دانيل سيمان
الشخص اللي اشتغل من سنة2000 فتغطية الاشتباكات والأحداث الصحفية لحد 2010
-٩👇

وقت ما تعين مدير المكتب الإعلامي الحكومي في إسرائيل، وعلى مدار سنين هو كان شايف إزاي إسرائيل بتخسر تعاطف الغرب معاها نتيجة التغطيات الصحفية اللي نقلت للعالم معاناة الفلسطينيين، والراجل ده أصلاً كان مشهور بكراهيته للصحفيين، وله تاريخ من الخناقات مع الصحفيين الأجانب
-١٠تابع

اللي كان بيشوف إن تغطياتهم الصحفية بتأذي صورة إسرائيل، وإنهم بقصد أو من غير قصد بيساعدوا أعداء إسرائيل في الآخر.
الأمور من وجهة نظر سيمان كانت إن الإسرائيليين بعد كل حرب بيلملموا جراحهم بسرعة ويرجعوا يشوفوا شغلهم، لكن الفلسطينيين بقى حسب كلامه بيفضلوا يحكوا عن مآسيهم،
-١١تابع

ويدخلوا في معارك إعلامية بتسبب أضرار استراتيجية الإسرائيل مع الوقت.
سيمان استنتج من كده إن حرية الصحافة وشفافيتها ونقل الواقع الإسرائيلي زي ما هو، كل دي حاجات مضرة لإسرائيل
لأن المجتمع الإسرائيلي مليان خلافات ولما يظهر في الإعلام بالصورة دي
-١٢تابع

مقابل إن المجتمع الفلسطيني مركز في صورة ضحية المأساة والظلم، فده بيقدم إسرائيل بصورة ضعيفة قدام المجتمع الدولي، والنتيجة اللي وصل لها إن إسرائيل محتاجة تدخل حربين مش حرب واحدة
الحرب الأولى على الفلسطينيين والحرب الثانية على المعرفة وعلى الحقيقة،
-١٣تابع

وده اللي نقدر نشوف تجلياته النهارده في اللي بيحصل على فيسبوك وانستاجرام لما بننشر عن فلسطين،تقييد حسابات ومقاومة الوصول،وتبقى محتاجة تحط نقط وحاجات عجيبة في وسط الكلمات
أفكار سيمان كانت من الحاجات اللي ساهمت في بناء إسرائيل لهيئة إعلامية حكومية أو الصورة الذهنية عن القضية
-١٤تابع

واتخلق جهاز "الهاسبر"، وهو جهاز استخباراتي تابع للخارجية الإسرائيلية، دوره زي ما قلنا السيطرة على الرواية الإعلامية في العالم عن اللي بيحصل في الصراع العربي الإسرائيلي، لأن السيطرة على الرأي العام العالمي معناها السيطرة على الحقيقة.
-١٥تابع

الدور اللي بيلعبه "الهاسبر" مش مجرد إن هي تنشر الرواية الإسرائيلية الرسمية لأن الحكومة ووسائلها الإعلامية بتعمل ده فعلاً، دور "الهاسبر" الأهم هو إعاقة النشر وتعطيله والتشكيك ونزع الشرعية عن أي رواية بتدين إسرائيل على الإنترنت وبرة الإنترنت.
-١٦تابع

وده مثلاً زي اللي حصل تاني يوم بعد قصف مستشفى "المعمداني"لما طلعت الصحافة الغربية تاني يوم في تغطيتها للخبر بطريقة متشككة، كأنهم مش عارفين مين اللي عمل كده.
السيطرة على السرد بتحصل بطرق كتير لكن أهمها طبعاً هو اتهام الأشخاص اللي بينشروا عن فلسطين بالعنصرية أو معاداة السامية
-١٧👇

والتشكيك في رواياتهم سواءً بنشر روايات مضادة على الإنترنت، أو بفتح مجالات جديدة للحواؤ على السوشيال ميديا تشغل المجتمع الموجود عليه، مثل الهجوم على محمد صلاح، الذي يقوم به بشكل يومي عدد من الصحفيين العرب المشكوك في ذمتهم، أو إطلاق مقولات "افتحوا الحدود يا مصاروة"
-١٨تابع

أو ما حدث أمس بعد قصف برج مراقبة مصري بالخطأ حينما نشر أحد الصحفيين العرب التابعين لجهاز "الهاسبرا"منشورا يقول أن الرد المصري على ذلك هو مسلسل رمضان القادم..
"الهاسبرا"جهاز فيه عدد رهيب من المتطوعين والعاملين، معظمهم بيكون من الطلاب،بالإضافة إلى ضباط الاستخبارات جوه الجهاز
-١٩👇

بيدربوهم على كيفية الرد والاحتجاج والنقاش على وسائل التواصل الاجتماعي، وبيوفروا لهم كتب بيقدروا يتعلموا منها أساليب مقنعة للنقاش على الإنترنت، أو إزاي مثلاً تدير حملة للدفاع عن إسرائيل على الإنترنت وإيه هي المهارات الأساسية للكتابة عن ده
-٢٠تابع

وازاي تخلق حملة في اتجاه مغاير لخلق تريند بعيد عن جرائم الاحتلال.
وكمان إيه أشهر الاتهامات اللي بتتكتب عن إسرائيل وإزاي ترد عليها؟ مثلاً لو حد يكلمك عن قضية اللاجئين بتقول إيه؟ ولو حد يكلمك عن المستوطنات الإسرائيلية بتقول إيه؟
-٢١تابع

ولو أنت بتدرس بره إسرائيل إزاي تتقرب من الموظفين اللي هيساعدوك في تنظيم المظاهرات وطباعة وتوزيع المنشورات في الجامعة بتاعتك في أوروبا أو أمريكا، وكل حاجة تانية تقدر تساعدهم في النقاش عن إسرائيل
الجهاز ده بيدربهم عليها والموضوع ما بيقفش لحد هنا
-٢٢تابع

كمان الجهاز ده بيقدم نشرات دورية للطلاب والمتطوعين بتوعه عن كل مقالة أو فيديو بيتم نشره عن إسرائيل على المواقع الصحفية على الإنترنت بغرض إنهم يمارسوا التشكيك في المعلومات دي، ويقدموا معلومات مضادة بحيث المشهد على الإنترنت يبان عكسي
-٢٣تابع

وكل مقالة أو فيديو أو حاجة مكتوبة عن إسرائيل لو ما قدروش يحذفوها فعلى الأقل يخلوها تبان مخالفة للرأي العام.
إسرائيل بتشوف نفسها دولة يهودية وحيدة موجودة وسط شعوب ودول بتكرهها ونفسها تشيلها من على الخريطة، وبسبب عددهم المحدود بيشوفوا إن الموضوع الإعلام ده ما ينفعش يتساب
-٢٤تابع

لإن ساعتها إسرائيل مش هتقدر ترد على الاتهامات الموجهة لها على الإنترنت بسبب قلة عدد أفرادهم أصلاً، وبالتالي فلازم العدد القليل يتسلح كويس جداً ويتم مساعدته بكل الطرق الممكنة بحيث يحتلوا كل ركن من أركان الإنترنت ويغرقوا بتعليقاتهم وأراءهم الدعم الإسرائيل.
-٢٥تابع

إسرائيل كمان أنشأت برنامج منح جديد،ممكن أي شخص عنده مشروع فني أو أدبي يقدم فيه لو كان المشروع ده طبعا بيساعد في نشر التطبيع مع إسرائيل،الشخص اللي بياخد الزمالة دي بيسافر إسرائيل الأول وياخد تدريب عن الدفاع عنها،وبعد كده بتسهل المنح والموارد اللي هيحتاجها عشان ينفذ مشروعه
-٢٦تابع

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد