كنت لسه بفكر اكتب نص 👇🏻
ابيضانى وشعره كيرلي
وحلو زي ما والده قالي
امه بتدور عليه
ضحكته شبه الملايكة
ونظرته للقلب سكه
حد شافه ولا ايه
جاية تسأل حد شافه
كلهم ساكتين وخافوا
نط قلبي من غلافه
ايوه شوفته بس ليه
كان بيتشاهد برقه
روحه كات للجنة سابقة
صرخّت أبداً و لأ
طب خدونى اشوف عنيه

والده كان واقف بعيد
قلبه كان ثابت حديد
لما شاف ابنه الشهيد
وطى جمبه وباس إيديه
كلمه خرجت من سكاته
ودعت فرحة حياته
بس عاد يجمع ثباته
كان طبيب واجبه مناديه
امه خرجت من وقارها
الالم زود مرارها
مين يجيب للام تارها
وقلبها مين هيداويه
كل يوم أطفال تملي
شعرهم ناعم وكرلي
حقهم ساكتين عليه