أسجل اني ضد دعوات التظاهر المشبوهة دي تماما، وأدعو الجميع الى عدم المشاركة فيها، مش هنزل أبدا بدعوة من شخص الرئيس اللي قال امبارح مع المستشار الألماني: "أنا" لو دعيت الناس للتظاهر فيه ملايين هتنزل، أنا عمري ما أكون واحد من المشاركين في استعراض رخيص لشخصه وفيه مجزرة بتحصل في غزة
احنا مابننزلش الشوارع بأوامر من رئيس هو لوحده المسئول انه وصلنا للمرحلة دي من الذل والهوان وانكسار البلد والشعب، احنا مابننزلش الشوارع نفوض رئيس يستعرض بينا وعايز كام صورة يستخدمهم وهو قاعد في مكاتب محدش يعرف مكانها فين مع ناس محدش عارف هما مين بيعمل صفقات محدش عارف عنها حاجة
أسلوب الحكم بتاع التفويض والبيعة وسوق بينا ياريس دة هو اللي وصلنا للنقطة دي، مشهد فلاش باك من عشر سنين، نفس الطلب دة بنفس الطريقة دي، تفويض! قطع وصور مشاهد متسارعة من القتل والاعتقالات والفشل والديون وبيع الأرض وتقزيم دور مصر وانكسارها في المنطقة، ويقولك تفويض؟ تفويض لايه؟!
"أقسم بالله العظيم أن أحافظ مخلصا على النظام الجمهورى، وأن أحترم الدستور والقانون، وأن أرعى مصالح الشعب رعاية كاملة، وأن أحافظ على استقلال الوطن ووحدة وسلامة أراضيه"
لا احترمت الدستور ولا رعيت مصالح الشعب ولا حافظت على استقلال الوطن ولا وحدة ولا سلامة أراضيه، عايز تفويض لايه انت؟
لا احترمت الدستور ولا رعيت مصالح الشعب ولا حافظت على استقلال الوطن ولا وحدة ولا سلامة أراضيه، عايز تفويض لايه انت؟
وعايزينكم تنزلوا تقولوا ايه في الشوارع؟ تقولوا للفلسطينيين ماتجوش سينا؟ يا مهزأين؟ يا شوية حثالة؟ وهما امتى الفلسطينيين اللي بيتبادوا جنبنا بقالهم اسبوعين قالوا هاتونا سينا؟ ما الناس واققة على أرضها من غير لا اكل ولا شرب ولا علاج بيتقتلوا اهم! العيال الصغيرة بتتقتل اهم على أرضهم!
يا اخي سيبك من ان الناس اللي بتتقتل بقالهم اسبوعين دول زيي وزيك ونفس الشكل واللغة والدين والثقافة والتاريخ، سيبك من ان العيال الصغيرة بتتقتل، سيبك من كل دة ما انتوا ولاد حرام، خايف على الأرض؟ يبقى تحميها من عند تل أبيب مش تقولي معبر رفح اتضرب من الناحية التانية مش من عندنا!
وقلنا اللي بيحصل دة تهديد للأمن القومي، واطلع اعترض وصعد، قلنا استخدام كيان احتلال قائم على جدار فصل عنصري لكل هذا الكم من السلاح على مدنيين محاصرين بدون لا اكل ولا ماية ولا علاج بدعم من القوى العظمى جنبك دة خطر، وانت طلعت تقول جارك بيته مولع باين ولا الكلام الغريب اللي بتقوله دة
أسلوبك غلط وطريقتك غلط وكلامك غلط، بتتكلم عن الشعوب كأنهم قطعان بهايم، وهاتوهم من غزة ودوهم النقب ماتجيبهمش سينا وأنا أقدر انزلك ملايين بكلمة مني، انسان مستفز وغير مسئول وقليت مننا وقليت بالناس اللي بتموت وصغرتنا وعيشتنا كارثة انسانية عشان انت انسان غير مسئول، تفويض ايه؟
فلسطين عارفة كويس مين معاها ومين عليها، الفلسطينيين بيموتوا دلوقتي، فيه طفل فلسطيني بيموت دلوقتي حالا بسبب الحكام دول، تكالبت الدنيا كلها عليهم وجيرانهم اللي منهم ونفس دمهم ودينهم ونفس لغتهم اللي متجوزين من عندهم كلهم خذلوهم، وتتقطع رجلي قبل ما أشارك في مهزلة رخيصة زي دي
والمجد للمقاومة الفلسطينية وتعيش كتائب القسام وربنا يسدد رميهم ويعزهم بمدد من عنده، ويرحم الشهداء ويتقبلهم في جنته، ويصبر الصامدين على أرضهم ويقويهم ويفسح عليهم من رحمته بعدما ضاقت عليهم الأرض كلها بما رحبت وتكالبت عليهم الأمم وخذلهم القريب قبل البعيد، مالهمش غيرك يارب
جاري تحميل الاقتراحات...