انتم اصلكم غلابة وولاد ناس معظمكم مش فاهمين شغل ستات الفسحة فى المناطق الشعبية ، انا لو حابب ارفض موضوع هاقول : مصر لن تسمح بتهجير الفلسطينيين الى سيناء واقطع العرق واسيح دمه ومات الكلام ، لكن لما اقول انقلوهم صحراء النقب يبقى كدة بافتح كلام وعاوزك تعلق فيقوم نتينياهو يقولة بس انت عارف صحراء النقب مش هايبقى فيها ميناء بحرى وصيد وكدة ، طيب ماتيجى تقايضنى واقايضك تاخد انت حتة اكبر فى صحراء النقب كلها رملة لوز وتدينى حتة اصغر فى العريش ....فهمتم حوارات نسوان الحوارى بيتكلمو ازاى ، مافيش حاجه صدفة ولا غلطة لسان لما تفكر فيها شوية ودة الاتفاق الى كان متسرب من ايام ترمب ولا انا غلطان عملية تبادل الاراضى اصحى لحسن الصهاينة يغفلوك وقوم رص لنا حجرين 🤣🤣🤣🤣🤣🤣
#النقب

يعنى هيا اسرائيل منتظرة حد يعرفها ان عندها بديل صحراء التقب ومش واخدين بالهم مثلا ولا طلبو منة اقتراح اماكن بديلة ، كان المفروض يرفض باسم مصر وخلاص زى الاردن كدة، لكن دة قد يكون مقدمة لما يمكن ان يكون مخرجات مؤتمر القاهرة واسرائيل هاتسمح بدخول مساعدات وهاتقفل تانى وتقولهم لازم يمشو من هنا ومؤتمر السلام يطلع المخرجات دى وشكرا والفلسطينين هايقبلو غصب من قطع الخدمات ومايقدر على القدرة الا ربنا يبقى فاضل الشعب المصرى ودول ديتهم الجيش ينتشر اسبوع فى ٦ ساعات وشوية فلوس تعدل المايلة وتلاقى السكر بقى ب١٠ جنية والرز وشكرا ونص المعترضين هنا هايوافو وانا وانتم اهو والايام ماهى بينا اهى
مع تحيات
حسن الاسمر

والله شوفو انا من بيئه نفس الشخص دة واقل منة بالسن مش بكثير قوى وعارف تربيته ونشأته كويس وفاهم خبرتة فى الحياة راحت لفين وكل دى تفسيرات قد تصيب وقد تخطىء لكن الراجل بيتعرف من كلامة ياخوانا والواحد بعد العمر واللف والدوران والصياعة بقيت يادوبك اسمع كلام حد مرتين ثلاثة اقدر افهم تفكيرة ويارب اكون مخطىء ساكون اسعد انسان فى الكون وساعتذر وساقبل مسبتكم جميعا حينها بصدر رحب لكن الموضوع مش بتاع اسبوع ولا شهر دة هاياخد ٦ شهور ودة يمكن سبب خلاة يقضى على اى فرصة لطنطاوى وجايب ناس ماحد يعرفها وافضلهم زهران ماحدش طايقة اصلا لانة اشتراكى تقريبا