يا ناس يا عُبط يا عشمانين..
كلمتين لا هيقدموا ولا هيأخروا طلّعوا الإنسان الساذج العبيط اللي جوة كل حد فاكر نفسه عميق وعلى دراية، ومقضيها تتبع أخبار فرعية من غير النظر للصورة الكلية..
الله يرحمه السادات كان بيطلع يتكلم كتير، وراح القدس لابس كرافت عليه شعار النازي، وفي النهاية

وقّع على معاهدة سلام.. وزير خارجيته (محمد إبراهيم كامل) استقال ليلة توقيعها، وكتب في مذكراته المعنونة ب(السلام الضائع) عن مدى الخذلان في بنودها..
ما علينا..
مصر الدولة والشعب والموقع والتاريخ، قيمتها ودورها أكبر بكتير أوي من كلمتين ملهمش لزمة يتقالوا في مؤتمر صحفي..
مصر لو كان

قرارها في إيديها بحق وحقيقي، والله العظيم ما كان يجرؤ العدو الصهي.وني يتمادى بالشكل دة، لأ مكنش أصلا هيستمر وجوده ووجود كيانه لأكتر من سنوات قليلة..
مصر أكبر من كدة بكتير، بس لسة الزياطين عايشين في أجواء خطابات خمسيناتية حنجورية متأكلش عيش ومتحقنش دم بريء..
مصر الحالية متعرفش إن

حدود أمنها القومي في جبهتها الشرقية كانت بتبدأ من هناك بعيد.. من جبال طوروس..
الجبهة اللي كانت دايما تعتبر بوابة الفاتحين والغزاة..
عموما أنا عندي ثقة وقناعة، إن الحل النهائي والأخير هيكون لمصر دور كبير فيه بإذن الله، بعد ما ربنا يرجعها بالسلامة، ويحطها من تاني في مكانتها

الطبيعية في قلب بلاد العروبة والإسلام..