أمس الصبح انسرقت كل فلوسي من حساب التوفير والحساب اليومي في أحد البنوك.
واللي صار كالتالي:
قمت الصبح من النوم ولقيت عدد من عمليات الشراء وطلبات OTP لهالعمليات من كرت ال debit مو ال credit.
أول شي سويته اني اتصلت عالبنك وكنسلت الكرت وكنسلت ال user مال الأونلاين.
يتبع...

وما ما كنت ادري وقتها اذا فيه شي انخصم والا لا.
بعدها بكم ساعة، اتصلوا علي البنك وبلغوني ان حساباتي كلها تصفرت.
شلون تصفرت؟
عن طريق عمليات شراء...
وعن طريق تحويلات مالية لمستفيد في الكويت، ما أعرفه ولا هو عندي في قائمة المستفيدين.
يتبع...

اللي صار إن ما وصلني طلب OTP عشان اضافة مستفيد، ولا عشان التحويلات الثلاثة لهذا المستفيد (من حسابين التوفير والعادي). ومع ذلك تمت اضافة المستفيد وتحولت الفلوس على ثلاث دفعات وتصفرت الحسابات.
يتبع...

طبعت كشف حساب من البنك عشان اوديه المخفر واسجل شكوى، اسم الشخص اللي تحولت له الفلوس موجود بالكشف.
حاولت اسأل عنه ووصلت له شخصيًِا وقال لي بالتلفون إن هو قعد الفجر على مسجات OTP بعد، وان في مبلغ دخل في حسابه وبعدين طلع منه مع المبلغ اللي كان فيه اساسًا وتصفر حسابه ايضآ.
يتبع...

البنك الحين قاعد يبحث بالمشكلة، ولكن ماكو اي ضمانات ان الفلوس راح ترجع.
واللي يبي يعرف اذا دخلت على موقع أو رابط أو اي شي او سويت اي معاملة غريبة، فالجواب لا.
ديروا بالكم على فلوسكم وحساباتكم...
وجمعة لطيفة عليكم.