#ثريد
قصه واقعية . جن طريق شرورة في السعودية🔞☠️:
قصه واقعية . جن طريق شرورة في السعودية🔞☠️:
في البداية حسابي اقدم في ثريدات مختلفه حسابي الاول توقف وهذا حسابي الجديد ابي فزعتكم معاي ودعمكم لي واتمنى تتابعوني متابعتكم شرف لي والله🙏🤍
في البداية يروي تفاصيل هذي القصه هو صاحب القصه. محمد من صبيا في يوم 7 من شهر شعبان في عام 1427 جات رسالة قبول من شركة لمحمد في نجران تم قبوله في احد الشركات وكان وقتها السفر في شويه صعوبه في السفر لانه مافي إرشادات مثل الزمن هذا لو ضعت عندك جوجل ماب يساعدك في ذلك الوقت اما انك
تعتمد على كلام الناس في الوصف او انك تطبع خريطة اللي من الانترنت وتمشي عليها بحيث انك توصل لمدينه ثانيه وهذا الي سواه اخونا محمد طبع خريطة من الانترنت اللي توديه إلى شرورة ، وشرورة في ذلك الوقت معروفه بطريقها المرعب وطريقها كان يقال عنه كلام جداً كثير عن الجن وغيره
كان محمد يمتلك سيارة كرسيدا يقول اخذت الخريطة معاي وعبيت فل بانزين وتوكلت على الله ومشيت وانا في الطريق شغلت الرادي وجالس اسمع اغنية عبدالحليم وطريق طويل وكنت اعاني من مشكله في سيارتي الي هي ارتفاع درجة الحرارة بعد قطع المسافات الطويلة والحمد الله وصلت نجران على الساعه 2 في الليل
وقفت وقتها في استراحة اريح من تعب الطريق الطويل تعشيت وقتها ، وبعد ما خلصت بدا الطريق الاصعب الي هو طريق شرورة سمعت قصص كثيره عنه بس تعوذت من ابليس وقلت معاي الله مشيت وتوكلت على الله وانا قاعد امشي في هذا الطريق الي من قوه الظلام. ما تشوف يدك فيه طريق جداً مظلم فجأة اشوف شخص يؤشر طبعاً حزنت عليه وقلت وش جابه في هذا المكان وقفت له
وقلتله وش عندك انت هنا في هذا الليل وفي هذي الساعة ، قالي والله كنت ماسك حلال الوالد وكنت ابي احد يوصلني للمحطة الي قدام قلتله اركب انا بوصلك ركب معاي هذا الرجال وانا ماشي في الطريق جاتني لحظه ادراك ايش جاب هذا الشخص في هذي الصحراء وفي هذا الطريق وفي منطقة مهجورة وبنفس الوقت الولد كان صغير توه وصل عمره 20 ومستغرب كيف ابوه يخليه في مثل هذا المكان
وأحنا ماشين في الطريق طلب مني اني اوقف عند محطه مهجورة قالي وقف هنا ومشكور ما قصرت قلتله انت صاحي هذي. محطه مهجورة من سنوات كيف تبي اوقف هنا انت وش عندك هنا قالي وقف الله يسعدك ما قصرت وكم حسابك قلتله براحتك وما ابي منك شي شفتك على طريقي وقلت اوصلك معاي تشكرني ونزل بعد ما نزل في اقل من دقيقه قلت بنزل و اشوف وش سالفه الولد هذا
طفيت السيارة ونزلت اناظر الا مافي احد ابداً الولد اختفى وماله اي اثر كيف كذا ؟ توه كان معاي بديت اناديه ورحت عند المحطة المهجوره انادي بكل صوتي محد يرد واضح المحطه محد دخلها ابداً من قبل هنا عرفت ان الولد مو طبيعي وناديت بصوت عالي قلت اذا كنت من الجان سامحني لو اخطيت عليك او قلت لك شي
وعلى طول رحت السيارة اجري ركبت السيارة وشغلت ومشيت وبديت ادعس وبدلت الرادي من اغاني إلى قرآن وانا ماشي في الطريق حصل الي ماكنت حاسب حسابه السيارة ارتفعت درجة الحرارة فيها وقفت فيني بنص الطريق المرعب الموحش نزلت من السيارة ابي اشوف وضعها الا و اشم ريحة بخور جداً جميله في وسط الصحراء وفي طريق خالي من البشر
وقتها دخل فيني الرعب وصرت اتوهم اصوات غريبه و اشياء جداً مخيفة ومرعبة وجاء في بالي الولد الي وديته قلت ممكن يجي وينتقم وانا انتظر وبخوف جداً مريب ، لحسن الحظ الحرارة نزلت وشغلت السيارة وكملت طريقي طفيت المكيف وقتها عشان ما ترتفع درجة الحرارة وقتها وبديت امشي لمسافات الا وشوي اشم نفس ريحه البخور الحلوه الي شميتها قبل وانا ماشي في الطريق
فجأة الكرسيدا ترتفع الحرارة فيها وتوقف فيني للمرة الثانية نزلت من السيارة اناظر الا اشوف نور بعيد عني شوي رحت اتجهت له قلت إن شاءالله انهم بشر اطلب منهم المساعدة مشيت لحد ما وصلت عندهم الا طلع المكان بيت شعر وفي مجموعه ناس داخل هذا البيت سلمت ودخلت ورحبوا فيني وعلمتهم بسالفتي والي صار معاي مع الولد العشريني قالوا لي وهم يضحكون الطريق هذا مافي انس وقلت فعلاً مو صاحي الطريق جلست عندهم وصلحوا سيارتي
وبعدها شكرتهم ومشيت في طريقي وصلت شرورة بسلام وجلست شهرين في الشركة وقتها جاء رمضان واخذت اجازه قلت بصوم رمضان في صبيا ورجعت مع طريقي وانا ماشي في الطريق اوقف في نفس المكان الي في بيت الشعر قلت بسلم على الشباب الي هنا وبتشكرهم على المساعدة وبعدها بكمل طريقي لكن الصدمه انه بيت الشعر مو موجود وملامح المكان متغيره
وقتها حصلت راعي حلال في نفس المنطقة الي كان فيها بيت الشعر قلتله قبل فتره هنا كان في بيت شعر وكان في شباب جلست معهم وساعدوني يوم تعطلت علي سيارتي قالي الراعي هذا ، انت وش تقول بيت شعر في هذي الصحراء انا صار لي سنوات هنا ولا عمري شفت احد غيري ، هنا انا انصدمت يعني معقوله الي ساعدوني
هم من الجن وفعلاً تأكدت انهم من الجن بعد ما شفت ملامح المكان كانت عباره عن ربع خالي مستحيل احد يجي هذا المكان ، مشيت من عند هذا الراعي وانا ابكي كيف كذا وايش الي صار معاي مشيت لحد ما وصلت عند الاستراحة الي في نجران الي ريحت فيها وانا جاي حصلت صاحب الاستراحة وقلتله عن الي صار معاي وقالي فعلاً ياولدي الطريق هذا مليان جن وحصلت فيه قصص كثيره
وبعدها روحت صبيا وتركت هذي الشركة وقدمت استقاله ، حرفياً القصه هذي فيها احداث جداً غريبه ولكن فعلاً القصص اللي طلعت عن طريق شرورة كثيره جداً وفعلاً صحيحة
النهاية
النهاية
جاري تحميل الاقتراحات...