وانا قاعدة بتفرج على التلفزيون وبشرب قهوتى سمعت صريخ وزعيق من شقة فى العمارة اللي جنبي واحد ومراته مقطعين بعض عملت مش سامعة لاننا متعودين منهم على كده كل شوية خناق ومكملين عادى طب اطلقوا واخلصوا لااااء اصل القط مايحبش الا خناقه ..المهم لقيت خبط ورزع ع الباب فتحت لقيتها منكوشة

وعلى كلمة واحدة الحقينى دخلينى بسرعة مالك ياست الكل اصله بيجرى ورايا وعاوز يضربنى وبتزق عيالها من فتحة الباب خشوا
يا عيال... يخشوا فين يا وليه انا خارجة
طب سيبينى جوه لحد ماترجعى..ااااه ده عند ام ترتر انتى عينك من شقتى ده بعدك وكمان امى وابويا كبار فى السن وانا براعيهم

وعيالى عبط مابيشتغلوش وجوزى بيصرف علينا كلنا مش ناقصاكى.... معليش ده انا ممكن اساعد فى البيت انضف واطبخ ....اااه وبكرة تاخديه تتجوزيه ونبقا احنا الضيوف فى بيتنا..بصى يا ست الكل انا ممكن اكلم جوزك يرجعك ويراضيكى بدهب او فلوس وعزومة ممكن كمان ابعت لك اكل ممكن كل فترة ابعت لك فلوس ،

ولو انى عارفة ان معارفك مليونيرات انما قعاد فى بيتى ده بعدك ده انا اعملك فسيخ فى رغيف ..قوم الاقي جيرانى بيغلطونى حرام عليكى ...طب ماتاخدوها انتو
لاء انتى ىشقتك واسعة وعندك دهب وياقوت والماظ.... واضح انى هغير معاملتى معاكم وهربيكم كلكم انتو باصين لى فى اللقمة يا ولاد ال k لب 👞