حاسة بهزيمة كبيرة قوي من نفسي قدام نفسي..
امبارح خدت قرار صعب عليا شوية ونفذته الحمدلله بس حاسة اني نفذته بعد ما خسرت كتير من نفسي وبعد ما تعبت قلبي كفاية وبعد ما مشيت من حياة ناس كتير حواليا...
حاسة بهزيمة وفي نفس الوقت انتصار
أتمنى أرجع شخص قادر يتقبل نفسه تاني..

حاسة إن المشوار طويل لأني قطعته مرة زمان وعارفة هو قد ايه طويل ومتعب، يمكن زمان كنت خايفة وانا بمشيه عشان الحاجات الي كنت حاسة اني هخسرها ف الطريق..كان بيصبرني بس اني هوصل كسبانة نفسي..
دلوقت مش خايفة لأن تقريبا معادش فيه حاجة أخسرها..

محبطة من نفسي عشان برغم إحساسي بالأذى، أنا أكبر شريك في أي أذى وصلني لغاية دلوقت من أي حد
حتى مرحلة لوم النفس دي مش عارفة هاطلع منها امتى بس أتمنى مغوطش فيها أكتر من كدا
بجد كل ما اقول لنفسي اني عمري ما هاسيب نفسي اوصل للمشاعر دي تاني باسيب نفسي اوصلها بمنتهى الغباء!