رتبها

درس محمد الدرة
لم ينجح أحد
في سبتمبر2000 كان في حادثة شهيرة واغلبنا عاصرناها ، حادثة مقتل الطفل محمد الدرة في حضن ابوه و جملته الشهيرة
"انا مش خايف يا بوي"
وجملة الأب
"مات الولد"،
حادثة الهبت مشاعر سكان الكوكب ورجعت تعاطف العالم مع القضية الفلسطينية من اول وجديد
-١تابع

بالرغم من استمرار سقوط الشهداء والفدائيين من النكبة 1948وما زال كل يوم بيسقط اعداد متفرقة، الا ان الحادثة دي تحديدا وصورتها الشهيرة ما زالت في اذهان اللي حضرها واللي محضرش!
ايامها كنت لسة طالبة في الجامعة واذكر ان اتحادات الطلبة والنقابات وتجمعات الاخوة الفلسطينيين والعرب
-٢تابع

حصلها استنفار غير عادي، والاعلام المصري والعالمي اخد القضية بجدية شديدة وهاتك يا دعم وكانت حالة جميلة على صدمة موجعة على حماس من التلاحم الاخوي لم يسبق له مثيل وصاحبها عملية جمع تبرعات برضو غير مسبوقة😉
يووووووه الدنيا اتقلبت بجد عشان طفل واحد!
-٣تابع

ولن يفوتني ان اذكر العمل الفني الجماعي بقيادة الفنانة هدى سلطان "كان رايح مدرسته"،ومعاها مجموعة كبيرة من الفنانين والاطفال،ومفيش احتفال مدرسي او جامعي في هذا العام، متغناش الاوبريت دا فيه!
لدرجة الطلبة كانوا بيعملوا تجمعات وقت الفسحة حتى مدرسين الموسيقى كانوا بيغنوا معاهم
-٤تابع

"كان شايل كراسته كان رايح مدرسته"عشان يحسسوا الاخوة الفلسطنيين عالاقل اننا مش بننسى ونعدي
والكل في الشوارع والقهاوي والبيوت كان بيتابع تعاطف الاعلام العالمي مع فلسطين وبيشوف اجرام اسرائيل على حقيقته لمًا وجه اسلحته لجسد طفل في حضن ابوه وصوت الطفل الشجاع وهو بيقول مش خايف
-٥تابع

الصورة دي كانت متعلقة في السيبرات وغرف نوم الشباب ومحلات العصير وحتى الشركات!
و زي احداث اليوم كانت ناتجة عن استفزازات اسرائيل بتدنيس المسجد الاقصى اولى القبلتين وثالث الحرمين عند المسلمين، بدخول إرئيل شارون ومعه المستوطنيين وبيحرسهم2000جندي من القوات الخاصة الاسرائيلية،
-٦تابع

وقامت الانتفاضة ايامها وحصلت حادثة استشهاد الدرة
خد بالك اسراييل في بداية حدوثها اعترفت بيها تحت الضغط العالمي من الاعلام، لا واعتذرت كمان وقدمت ورود ووعود، وابتدينا نسمع اصوات جادة لطلب التفاوض وضرورة حل الدولتين (مكاسب المعركة).
كدة جميل والله يرحم الطفل ويصبر اهله،
-٧تابع

لحد ما حصلت حاجة بعدها باقل من اسبوع شبه اللي بنشوفه النهاردة، ملحقناش نتمسك بفرحة ولا نحافظ على مكتسب من المعارك،لان الحاجة دي قلبت المشهد تماما وفوجئنا بغضب الاعلام العالمي!
الفلسطينين خطفوا رهينة ومثلوا بجثته!!
شيء ضد الانسانية اللي اتعاطفت مع مقتل الدرة!!
-٨تابع

وعنها وعادت مكنة الاعلام المتصهين تطلع صعبانيات وهاتك يا دموع وعويل، وانقلب العالم ضد القضية برمتها، وكأن شيئا لم يكن، وتم شبه حالة من التعتيم الكامل على القضية
وعادت اسرائيل للانكار واتهام الجانب الفلسطيني بقتل الطفل زي ما حصل في استشهاد المذيعة #شيرين_ابو_عاقلة بالظبط!
-٩تابع

عودة بقى للجامعة ، جزء كبير من الطلبة كانت بتحتفل بالنصر المبين باختطاف الجثة، لكن البعض كان معترض, انطلاقا من الوازع الديني والانساني، وفي قاعات المحاضرات، الغضب كان مسيطر والقضية سخنة ونقاشات وتحليلات ، الى ان شرحها لنا استاذ سياسة وقال:
-١٠تابع

مش معنى ان القضية عادلة، العالم يشوفها من منظار العدل، حتى اعتى المعارك بين الجيوش بتحتاج الحيلة في حربها، "الفلسطيينين قضيتهم عادلة لكن اسلحتهم عاجزة"، هما كان في ايديهم سلاح اليوم والغد وهو "الاعلام"،كانوا ماشيين في سكة الصح ومكنتهم من مكسب "التعاطف للضغط"وتحقيق المصالح
-١١تابع

وصلت مكاسبهم لدرجة اهانة الجيش الاسرائيلي وعملت له حالةDemoralization او تحطيم لمعنوياته بسبب الضغط الاعلامي والكوميكس اللي اتعملت بتهين الجندي في شرفه العسكري وبتشكك الجيش في فكرة الوطن وحدود الدفاع عنه، لدرجة تم توجيه انتقادات من دول بتعمل تدريبات عسكرية مشتركة مع اسرائيل
-١٢👇

لكن بعد اختطاف الاسير والتمثيل بجثته ، اخدت اسرائيل اليد العليا، اللي حصل ان الكفتين اتعادلوا واصبحت اسرائيل الجاني هى المجني عليه! ودا خلق حالة مساواة بينها وبين الفلسطينيين - اتحولت القضية من جيش دولة بيعتدي على مدنيين عزل بيدافعوا عن ارضهم بحجارة،
-١٣تابع

إلى جيش بيتم اختطاف جنوده وهو بيدافع عن شعبه، ومضطر يستعمل العنف ضد عصابات منظمة مصنفة ارهابية متصدرة المشهد اللي بيطلق عليهم "الفصائل الفلسطينية". وشرح كمان ازاي ان الفلسطينيين والعرب وحتى دول الشرق الاوسط "ايران وتركيا" بينقلوا الاخبار مترجمة بصيغة احداث مختلفة
-١٤تابع

عن سياقاتها العربية زي مثلا ازاي التغطية بتاعتنا بتتكلم عن القتلى الفلسطينيين انهم شهداء- بينما السياق العالمي و الغربي تحديدا بيترجم كلمة شهداء او عقله بيشوفها "شهداء الكنايس القديمة والمجاهدين في الاديان من العصور القديمة" ، بالتالي الذهنية مختلفة والتلاقي بعيد!
-١٥تابع

ودا مثل من ضمن الامثلة اللي غيرت تفكير كتير مننا في نظرته لاعمال المقاومة واحتساب المكاسب والخسائر على الارض. وجدليات فالقاعة حصلت لمحاولة تقريب وجهات النظر ، رفض تماما الدخول فيها لانها تندرج تحت بنود المغالبة/المغالطة البعيدة عن الحقائق وتقترب من تأويلات السير التاريخية!!
-١٦👇

لانه سألنا سؤال مباغت من اسئلة الديب العجوز:
يا ترى بعد احتساب فرق القوة بين الطرفين واحتساب خسائر كل طرف- ومع اضافة مكاسب الجانبين منذ تغيير الحدود في 1967 ما هو شكل الخريطة؟ وما الذي ستؤول اليه الاحداث بعد كل اشتباك؟ وما هو عدد المستوطنات اليوم وما هو منذ البداية ؟
-١٧تابع

كان من الذكاء بما يكفي انه يطرح السؤال ويسيب الطلبة تركز بعد ما نزل علينا بصورة الخريطتين ايامها, وانا هسيب لحضراتكم الخريطة ايامها و دلوقتي!!
لمعلومات حضراتكم البداية كانت ب19 مستوطنة لكن اعتبارًا من يناير 2023، هناك 144 مستوطنة إسرائيلية في الضفة الغربية،
-١٨تابع

بما في ذلك 12 في القدس الشرقية. بالإضافة إلى ذلك، هناك أكثر من 100 بؤرة استيطانية إسرائيلية غير قانونية في الضفة الغربية.
في ذلك الحين بقى وعشان اكون نقلت الصورة كاملة، دارت معارك محدوده اتهدت فيها بيوت عدد كبير من اهالينا في فلسطين دا غير الشهداء ،
-١٩تابع

بعدما اعتلت اسرائيل منصة الدفاع عن أمنها و بالبلدي:
رجع ابوك عند اخوك!
النهاردة بعد استفزازات شهور من الاسرائيلين لنفس المسجد المقدس، بيعمل الفلسطنيين نفس الممارسات اللي بتضيع الحقوق وتكسب الطرف الاخر أرضية
زي تعليق جثث الجنود وسط خانيونس وقتل مجندات والتمثيل بجثتهم
-٢٠تابع

دي اعمال مرجعتش الحقوق من ايام النكبة وقلبت الكفة،وتصعب على اطراف التهدئة اي محاولات للوساطة!
الفلسطينيين بيقدموا لاسرائيل البلد على طريقة "يا خاربة البيت وكايدة العدا"
اسرائيل بتعرف تكسب من الاخطاء امام العالم لان ببساطة الاعلام أغلبه ملكها وموالي لها ولقضيتها والدعم حاضر
-٢١👇

وهل اسرائيل اللي عندها القبة الحديدية والاسلحة والاستخبارات على اعلى مستوى،هيتم طردها من الارض بعمليات متفرقة-حتى لو كان الهجوم المرة دي مهول والتدريب عالي والتخطيط بارع والتسليح متقدم"مسيرات"
هل النداء على مجاهدين من دول اخرى هيحقق الهدف ولا يديها سلاح تحرر ارضها من الاجانب؟
-٢٢

كدة بتاخد مبرر جديد "امام العالم" للوحشية
وبدل ما احارب عدوي بساعده!!
وكمان هى جيش وعندها اللي يتفوق على كل دا زي كل مرة!
يعني حتى لو عنصر المفاجأة حقق مكاسب لحظية-الانتقام كل مرة بيكون كبير على الجانب الفلسطيني للاسف!
-٢٣تابع

وللمعلومية المعلومة بالاساس:
اسرائيل بتواجه تحدي داخلي منذ بداية العام يتعلق بتعديل صلاحات المحكمة العليا، وفي حراك في الشوارع تخطى حاجز ال6 شهور وفي حصار لحكومة نتنياهو اليمينية المتطرفة-وبتعيش سنة اسود من سنة حكم الاخوان في مصر، يالا الف مبروك
-٢٤تابع

الناس بتحاضر نتنياهو ومراته في البيت والكوافير والاجازات والشرطة منهكة والجيش في منه قطاعات بتتمرد وبتفرض الانصياع والتدريب، لدرجة ان السياسة الخارجية الاسرائيلية متأثرة وخصوصا مع الولايات المتحدة الامريكية و دا دفع محللين كتير يقولوا ان اسرائيل على وشك حرب اهلية وانقسام
-٢٥تابع

يعني الحكومة الحالية مكانتش محتاجة اكتر من الازمة الحالية لاعادة ترتيب صفوفها واحكام قبضتها على المعارضة وارهاب الشعب بان البلد تحت تهديد حرب وبالتالي تعدي من ازمتها بسلام بعد اعلام احكام عرفية وتجريم اي خروج على "الصهيونية الاسرائيلة الاصولية في اشرس نسخها"
-٢٦تابع

ولو من بنيامين نتنياهو وحكومته هكون حاليا بتنفس الصعداء ، واعلنها حرب وبالفعل القصف ابتدا وبكل عنف في الداخل الفلسطيني!!
هسيب لحضراتكم لينك شرح الوضع الداخلي في اسرائيل لو حابب تفاصيل اكتر عن سخونة الوضع وتحليله👇👇

لو فاكر ان اسرائيل هتتخلى عن مكتسباتها "الارض والمستوطنات"عشان 150 اسير ولا قتيل - فالواقع مش هتتفاوض الا بعد انهاك وازهاق فوقهم 3000 بني ادم اعزل بكل غل وقسوة!
صحيح حساب المواطن الاسرائيلي بيقوم على تقديس مواطنيها والواحد عندهم ب100 من الدم العربي
-٢٧تابع

لكن اللي كسبوه فالسنوات الاخيرة مش ممكن التخلي عنه مهما كان التمن(كسبوه باستنزاف الفصائل واحراق الشعارات والاستمرار فسيناريوهات بتوصل لمزيد من الارض)
زمان نتنياهو بيقول
"اشكركم على حسن تعاونكم"
اللي بيحصل اليوم هو اللي حصل على مدار قرن من الزمان وكان مطلوب تغيير رقعة الملعب
-٢٨👇

عايز تصعد هجوم اتفضل حقك تدافع عن ارضك المحتلة، لكن اخد الحق حرفة واسمع اللي جاي يا اللي بتابع الحدث مش صانع قراراه!
*فين الجبهة الواحدة اللي بتتفاوض امام العالم باسم الفلسطينيين واللي بيشكلوا ضغط على اسرائيل ويمكن الجلوس معاهم-من 2005 مع فوز حركة حماس على حركة فتح
-٢٩تابع

وتم اضعاف "السلطة الفلسطينية" واظهار "الفصائل الفلسطينية" بالانجليزية : Palestinian factions وتبنت اسرائيل خطاب: فين الطرف اللي اتفاوض معاه؟! انا بتكلم مع اكتر من طرف - لا مش لاعب! اضعاف السلطة الفليسطينية لحساب الفصائل خطأ- الفلسطينيين محتاجين جبهة موحدة تحت قيادة واحدة
-٣٠تابع

نظرية The Big Man هى اللي لازم تتفعل، قائد الكل تحت قيادته وتكتل السلاح تحت ايده يدعمه على طاولة المفاوضات!
*حضر الارض وحدد الاهداف واضرب في العسكريين، متقربش من مدنيين ولا تعمل اعمال شنيعة تفقدك عدالة القضية وتشوه صورتك امام العالم اللي عايزه شريك في رجوع حقك!
-٣١تابع

معلش استحملوني:
انت لا عندك سلاح مجابه ولا تكتيك منافس ولا مقاتلين تكافئ-اذن ما زلت تحتاج تعاطف العالم
Sorry to say so!
الكلام في عودة الارض رومانسي جدا ويعتبر جريمة في حق اهلك اللي كل مرة بيدفعوا التمن غالي!
-٣٢تابع

طريقة اضرب واجري والاعتماد على الضغط اللي بتمارسه الاطراف الوسيطة وابرزهم مصر - بيحط على الوسيط اللي بيتكلم باسمك ولصالحك ضغط اضافي مش بيرجع حقوق وسبق وناقشنا احداث شبيهة كانت مصر فيها بتلعب دور البطولة ، وهسيب لحضراتكم اللينك للاحداث السابقة!!
-٣٣تابع

كمان واضح من البيانات الاولية اللي خرجت من وزارات الخارجية العرب والدوليين انها not fully comprehensive مش متكاملة ومش قادرة تستوعب حجم الازمة ومعندهاش التواصل الكافي لطبيعة الاطراف المتصارعة بالمقارنة مع خطاب مصر!
-٣٤

دا غير مخاطبة الاطراف الاجنبية والاقليمية المختلفة لمصر وطلب عاجل بالتدخل والوساطة-لان مصر الدولة الاكثر فاعلية على مستوى القضايا الفلسطينية بحكم خبرتها السياسية ودخول القضية ضمن نطاق الساسة الجيواستراتيجية لها وتمتعها بالنفوذ داخل الارض المحتلة والنفوذ السياسي على اسرائيل
-٣٥👇

حتى في الضغوط الدولية وغابة المنظمات المفترسة اللي كانت مفتوحة عليها منذ ساعات وممارسة كافة اشكال الضغط السياسي والاستفزاز ومحاولات التدخل في شؤونها،الكل بيطالب بتدخلها للوساطة!
حتى اللي احد من كام ساعة بيقول لمصر خرجي المحابيس وافتحي الميادين،الاتحاد الاوروبي بيكلم وزير الخارجية

*شغل الغوغائية في التصعيد وبوهيمية الاهداف والاستشهاد من اجل اللقطة والتضحية بالانفس مقابل اللا شيء-لن يصنع فارق ولو كان بيعمل كان عمل- مصر عشان تتدخل دا معناه هيكون في التزام من الطرفين اللي كل واحد فيهم عارف انه ميقدرش يتعايش من غير دعمها ووساطتها،
-٣٧تابع

احنا بنتدخل كدولة راعية للسلام وقادرة على تحقيقه وفرضه ومقبولة من اطراف النزاع.
*الصراعات المسلحة من هذا النوع لا يتم حلها بالوساطات العابرة ولا الآمرة، ولا يمكن ايضا التعامل معها من منظور المنافع المادية وتصور انها تقدم حلولا لصراع دموي جغرافي عقائدي تاريخي وسياسي
-٣٨تابع

يعتبر من اقدم الصراعات على الكرة الارضية- التدخل فيه لابد وأن يضمن مصالح جميع الاطراف وكمان يكون الوسيط مستقبل لانذارات اندلاع هذا الاشتباك من بدري زي بيان مصر الصادر في 19سبتمبر وكان بيحذر من اللي بنشوفه النهاردة!
-٣٩تابع

*اللي معندوش عقيدة مقاتل مش هيعرف يرجع أرضه لو فضل يناضل مليون سنة-لازم الاخذ في الاعتبار والحرب شغالة ان في قضايا سياسية، يتعمل حسابها منها الاعلام ثم الاعلام ثم الاعلام لانه بيساهم في تمرير المصالح او تعطيلها-الاعلام دلوقتي بعد ما كان شايف المجاهد الفلسطيني بيدافع عن ارض
-٤٠👇

او بيرد على هجوم على مقدسات بقى شايف ارهابيين غوغائيين مغتصبين ومنكلين بالجثث من العصور البربرية! والحروب محتاجة توقيت وتخطيط وادارة وعتاد وعدة- دخول الحرب بالنظام الانتحاري هو مخاطرة بسلامة الاهل والممتلكات "عنترية فارغة" وظلم للانسانية.
-٤١تابع

التجربة المصرية في 6اكتوبر 1973 مفيدة ومحتاجة مراجعة - الانتصار على اسرائيل ممكن بس فين الخطة والعتاد والاستعداد والعقيدة والرجال؟😔
*مصر دورها مقدر تكون حاملة مسوولية وعمرها ما كانت بعيدة عن القضية بالعكس احنا اكبر طرف داعم وقدمنا كتير من 1948 ولحد النهاردة لسة بنقدم دعم
-٤٢تابع

فياريت جميع الاطراف تحترم تجربتها وتفهم الفرق في التعامل لما تكون دولة كبيرة اسم وتاريخ ونفوذ واستراتيجية وأمن وقدرات عسكرية وسياسية وبين كونك دولة بتشارك حدودها مع محيطها بدون تفاعل حقيقي وقدرة على انقاذ وحل مشكلات عاجلة
مساعدتنا وتدخلنا واجب وفرض مش رفاهية؛ الوضع مش بسيط
-٤٣👇

والتصعيد مقلق، دي حدودنا الشرقية اللي لازم تكون متأمنة دي حدود مصر يا سادة!
كلمة أخيرة في ال 2000 كنا عارفين ان استشهاد محمد الدرة مش هيحقق شيء كبير للقضية، لكن كنا بنتعاطف مع روح المقاومة، دلوقتي عارفين برضو ان الاشتباك والتصعيد الحالي مش هيحقق كتير لكن نضجنا بما يكفي
-٤٤تابع

اننا اصبحنا بنطالب بنتايج حقيقية، خصوصا بعد تأخون الفصائل و تشيع بعد الكتائب و توجيه الضرب لصدور المصريين في السنيين اللي فاتت. مصر والمصريين مش ناسيين الخسة والندالة من بعض الكتائب والعملاء، لكن واجبنا التاريخي والانساني والسياسي موجود ومش بنتخلى عنه،
-٤٥تابع

واي محاولة من اي طرف لشيطنة هذا الدور العظيم برجاء يقولنا هو عمل ايه؟ فلوسه غيرت ايه على الارض؟
و قبل كل دا يتفرج على الصور المصرية من قلب غزة والبناء والشغل الحقيقي ممكن يصلح حياة الناس ازاي!
-٤٦تابع

الخطاب اتغير والتعاطف اصبح : مطالب
و خلوني انتقي من كلمات بطل الحرب والسلام وهو اللي يكلم:
-٤٧تابع

المصريين مش هيحرروا أرض حد،اللي عايز يحرر أرضه يتفضل محدش هيحررها مكانه، الدعم والمساندة بحساب وحدود،المصري مصري والفلسطيني فلسطيني-احنا جيران وقرايب-اخوات في الدين واللغة والمصاهرة- انما الارض والحقوق مبيرجعهاش الا اصحابها!
حقنا للدماء اعتمدوا الأچندة المصرية!
بقلم
#شيرين_هلال

@MoatazSharabash

@Farida66640001

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد