يوم السبت ٦ أكتوبر ١٩٧٣ كنت فى ٦ إبتدائى ومدرستى مسائية فى المنصورة رحنا بعد الضهر قالو اجازة لعبنا كورة شوية واحنا مش فاهمين حاجة ورجعنا البيت لقيت بابا وماما جنب الراديو وبيقول الحرب قامت اطلع على الحاج احمد الفرن هات ٥٠٠ رغيف انا قلت لية عليهم وفجاءة مدخل العمارة بيء خلية ١
نحل كل الجيران وبابا بيدير العملية كل اللحمة تطلع من عندنا والجيران تطبخ وترابيزات وخلاطات وانا طلعت اجيب العيش وكراتين فاضية من محلات البقالة جنبنا وبقينا جزء يعمل سندوتشات وجزء يعمل عصير وجزء يعبى فى الكراتين وجزء يربط الكراتين وكنا ساكنين فى توريل والشارع كلة فية ٤ عربيات ٢
المهم الوقت قرب على المغرب اخواتى الكبار نعبى عربيتنا كراتين الاكل والعصير والفاكهة وتطلع على ميدان الشيخ حسانين عند الشئون المعنوية نسلم الكراتين لعربيات الجيش علشان تطلعهم على الجبهة واحنا نبدء دورنا للتجهيز لبكرة وبدءت الدنيا تظهر اصبحت عمارتنا هى مركز لم الكراتين وانضمت ٣
لنا عربية عمو حسن الصيدلى وعمو حسن نجم الدكتور اللى فى الرابع وجبنا شبك سقف للعربيات من منطقة الحسنية وعمو حسن تخصص كراتين الادوية وانا العيش من الفرن وكان جنبنا سوق كفر البدماص لاحضار الخضار للطبيخ والفاكهة للعصير ودة دور بابا وبعض الجيران وكل الحريم تخصص طبيخ مفيش اى احتفالات ٤
فضلنا على كدة وكانت اختى الكبيرة فى كلية الهندسة ومسئولة عن التعليم لنا من الراديو لاننا فى شهادة الابتدائية ومفيش مدارس بعد الفطار تلمنا مع الجيران ونسمع الدرس فى الراديو وتشرحة لنا وكل يوم كدة لحد قبل العيد بدءنا نعمل الكحك والبسكويت للجنود على الجبهة وكان اهم شيء طلعت بية ٥
اهم مشكلة طحن السكر كان فية مطحنة فى شارع العباسى واحنا فى توريل واخدت السكر رحت طحنتة حتة مشوار ومكنش فية لا تاكسى ولا حنطور كلة مشى وعم احمد بتاع الفرن كان بيسوى الكحك والبسكويت مجانا للجبهة واحنا طبعا كلة للجنود على الجبهة وطبعا مش ناسى معركة ١٤ اكتوبر والطيارة اللى وقت جنب ٧
المنصورة قرية قولونجيل وجرينا وراها ومسكو الطيار وانا اخدت حتة ازاز وحتة حرير من الكرسى وكانت طيارة فانتوم وجينا لحظة مرور قطار الاسرى الاسرائليين عند كوبرى طلخا للقطار واحنا واقفين على كوبرى الهابى لاند ومش حقول عملنا اية علشان عيب
#وتحيا_مصر
#ونصر_اكتوبر
عزة وفخر لكل مصرى
#وتحيا_مصر
#ونصر_اكتوبر
عزة وفخر لكل مصرى
جاري تحميل الاقتراحات...