خلطة إيف للسدر بالشعر 💖

طبعاً كنت اقرا توكيدات و اوراد على شعري لانه كان اكثر شي ابغا اغيره بشكلي وهذا ثريد التوكيدات والاوراد

الخلطه { سدر ، عسل ، مايونيز ، جل صبار ، بابونج ، كركديه ، اكليل الجبل ، زيت الخروع ، زيت زيتون ، بصل ، ثوم }
اول شي لازم السدر يكون لونه اخضر صافي ونقي جداً من الاخشاب و التُربه لازم سدر نظيف
بعدها تاخذين بصل وتقطعينه وثوم وتحطينه بقشوره بمويه مغليه لحد ما يلين البصل بعدها تضيفين فوقه الاعشاب بابونج و كركديه و اكليل الجبل وتخلينه يغلي ربع ساعه او عشر دقايق بمويه
بعدها تاخذين لك علبه وتحطين فيها ملعقة مايونيز او ملعقتين ع حسب احتياج شعرك للترطيب + زيت خروع ماتكثرين منه بس مقدار ملعقه صغيره و زيت زيتون وجل صبار و العسل و تقدرين تضيفين اي زيت تحبينه عادي وتحطين السدر فوقهم وتحركينها بعدها تصبين المويه المغليه عليهم تكون مُصفاة من كل الاعشاب وكل شي حطيتيه فيها و تضيفين تقريباً لما تحسين القوام متماسك بقوام ماسك وتحطينه ع شعرك لا يقل عن ساعتين بشعرك بعدها تغسلينه بمويه بس بدون شامبو !! وتمشطينه وترطبينه وتنامين
تصحين بكره ياحلوة الحلوات وتحطين ماسك ترطيب اي ماسك تحبينه انا صراحه لان طبيعة شعري جاف مره احط مايونيز و زبادي و بلسم شعر اي بلسم شعر عندك و عسل و بيضه و زيت جوز الهند واخليه ساعه او نص ساعه واغسل شعري بشامبو
بس انتبهو السدر لا تغسلين شعرك بشامبو ثاني يوم غسليه بشامبو بس بعد السدر لا تغسلينه بشامبو
احطها يوم الجمعه لأنه محكوم بكوكب الزهره 💖💖والماسك يصير السبت
تقدرين مره بالاسبوع او مرتين على حسب جدولك ومتى تكونين فاضيه