هل تعلم ان مصر هيا الى رافضة تعمل جسر الملك عبد الله بين مصر والمملكة ؟ او نقول مش متشجعه بلاش رافضة ولسبب معروف جدا وهوا ان الشركة الخاسرة #مصر_للطيران قد تعلن افلاسها بعد تشغيلة بشهور لان ٥٠% على الاقل من ايراداتها من الخليج سواء حج وعمرة او عاملن بالخليج وبتشغل عليهم طائرات صغيرة واطقم نص لبة غير مثلا خطوط امريكا وكندا واوروبا وباقى العالم لكن المملكة مش هاتفرق معاها كثير لان دخل الطيران السعودى عموما مش رقم مهم فى موازنة المملكة
انت لو مصرى مقيم بالامارات او الكويت او قطر او حتى المملكة وحبيت تسافر برى بتقارن بين الطيران وتكلفة المركب لنقل العرببة وحجزها بدرى وانتظار المركب هاتلافى العربية رسوم المركب ٨٠٠ الى ١٢٠٠ درهم وكل راكب ٣٠٠ او ٤٠٠ درهم وكذلك بالعودة غير تعب السواقة فبتسحبها طيب لو سافرت طيران كام هاتلاقى الفرق لايستحق لكن لو فى جسر مباشر الرحلة مش هاتكلفك سوى البنزين فقط وهنا الفرق بيبقى شاسع بين الطائرة والعربية بل ان ثمن التذاكر لوحدة هايكفيك تصرف طول الاجازة والرحلة رايح جاى وتريح بالطريق بفنادق فاخرة كمان وكل دة اقل من ثمن التذاكر
لكن طبعا حكومات العسكر الميمونة متخصصة فى العكننه على الناس علشان تشغل لواءاتها وابنائهم فى مصر للطيران وطز فى الناس مع ان الجسر من شانة ان يزود عائد التجارة البينية والتصدير للخليج والاردن والعراق وحتى كردستان وسوريا وايران الى نصف التكلفة لالغاء وقت المركب والموانى الوسخة بسفاجا والسويس الى بتطلع دين ام الناس لكن لو برى هاتقدر تعمل محطة تحميل بالقاهرة وتبرشم العربيات باقفال الجمرك وتوصل العربية النقل الى مقصدها بنص التكلفة ونص الوقت وتزود الايراد من العملة الاجنبية وتفتح اسواق جديدة حتى ايران
بل ان كمان تقدر تتعاون مع المملكة وتعمل على حسابك خط فرعى من خط القطار الى ناويين يعملوة من اخر نقطة بالمملكة ويعدى على الجسر ويروح لقناة السويس يبقى كدة تكاملت معاهم وشجعتهن اكثر على العمل معك لان المراكب هاتقدر تقف على ضفة القناة وتنقل البضاعة عالطاير وهيا معدية بدل ماتضطر تغير اتجاهها وتروح ميناء اشدود يبقى اسهلها تنزل حمولتها واى مركب معدية هاتاخدها
ويبقى ضربت ٤ عصافير بطوبة واحدة او جسر واحد قطعت على اسرائيل عمل ميناء اشدود مع خط قطار الخليج الى بيخططو لية وقللت ثمن ووقت صادراتك للخليج وايران العراق وكردستان وكمان وفرت على المصريين تكاليف الحج والعمرة وينوبك ثواب ويدعو لميتين امك 😆 ووفرت على العاملين بالخليج فلوس هايصرفوها فى مصر بدل مابتضيع على تذاكر طيران نصفها تكلفة طيارة ومطارات
وكمان شغلت ميناء ومنطقة لوجستية شاسعة شرق القناة لتحمبل السفن وتخزين البضايع والموضوع بتاع الشحن دة فى حاجة اسمها اقتصاديات تشغيل يعنى المصنع بالهند او الامارات او المملكة وهوا بيطلب شحن بضاعتة بيروح لوكيل الشحن يقولة هاتلى افضل سعر ووقت مالوش علاقة بتطبيع ولا سياسة يقوم الوكيل ضارب على الكمبيوتر يلاقى الاف الخطوط الملاحية بتمر بشكل طبيعى من قناة السويس هايقولة خلاص هابعتهالك قطر لقناة السويس ومن هناك المركب هاتاخدها لفرنسا او لاسبانيا لانهم بيمرو طبيعى من القناة مش هايضطرو يعملو خط ملاحى مخصوص من اشدود وهوا صناغة الشحن والنقل كدة فلسفتها الاسرع والاقرب والى مش بيضطر يغير خطة يبقى الافضل ولانزعل منهم ولا يزعلو مننا والى حابب ينقل اقل ياجماعة واسرع اهلا وسهلا ونجيب الشيشة والشاى ونقعد فى الميناء شرق القناة والزباين هاتيجى لوحدها 🤣🤣🤣🤣🤣
الاخت ليلى علقت بتغريدة فكرتنى بحاجة كمان ان عندك ملايين من اهل الخليج والعراق متعودين على السفر برى وعربياتهم ماشاء الله قوية وكبيرة ومريحة لو عملت الجسر هايتدفق على شرم الشيخ ودهب ونويبع ملايين السياح بالسياحة البرية واعمل استراحات ومحطات بنزين وموتيلات وفنادق اكثر واستقبل الخير الى هايجيلك والى كان بتاخد نصة شركات الطيران وكمان فى فئات متوسطة بالخليج مايقدرو عالطيران لكن يشغل موتورة ويركب العيال والمقطورة بالشنط وهما مدمنيين سواقة طوالى هاتلاقيهم كلهم عندك كل ويك ايند
وبالاضافة لكل ماسبق ومعاة وبعدة هاتبيع مصر للطيران وتحقق حوالى ١٠ مليار دولار وتوقف نزيف الخساير وتسدد ال٥٠ مليار جنية ديون البنوك المصرية عليها وهاتخلى نظام الطيران بمصر الاجواء المفتوحة وتلغى كوتة مصر للطيران وتسمح بالطيران العارض باى عدد لاى مطار بمصر دة لوحدة ممكن يزود لك السياحة الدولية على الاقل بماقيمتة ٥ مليار دولار سنويا والله على ما اقول شهيد
جاري تحميل الاقتراحات...