ثورة بيب الجديدة اللي بتتطبق واحدة واحدة مستحيل يتخلي عن قناعاته بشكل كلي مره واحدة لازم يتوازن في كل الامور وده من اسباب نجاحه في انجلترا،ثورته التحول من اللاعيبة الروبوتات واللعب الرتيب للاعتماد علي الفرديات التقنية المبهرة ف كل تلت من الملعب واهمهم للمشاهد العادي التلت الاخير
سؤال كنا بنسأله كلنا دايما من اخر الموسم اللي فات لحد اول الموسم ده ، هل كده خلاص مش هنشوف كورة ممتعة تاني لبيب في النلت الاخير؟ ليه البيض كله في سلة واحدة لاعيبة روبوتات بتنفذ كل اللي بيتطلب منها بالحرف علشان تخدم لاعب واحد وهو هالاند، لو حسيت بالملل فده الطبيعي جدا. لعب متوقع
اللي كان عايز يستمتع بكرة بيب في الوقت ده مكنش هيركز غير علي مرحلة البيلد اب بس بكل تفاصيلها وازاي بيب كل شوية بيقدر يواجه اي خصم واي ضغط ويتفوق عليه واخرهم ضد بيرنلي باستخدام ايدرسون كمدافع تالت وضد نيوكاسل استخدم افكار مختلفة تماما،بس الجماهير مش عايز ده بس عايز هجوم متعة اهداف
بيب قرر الاستعانة باكتر شخص غير قناعاته تماما بالشكل اللي يتنافي مع كورة بيب كليا اصلا في مقال نزل بيتكلم فيه علي انه دمر اللعبة وبوظ زمن الفرديات الممتع الجميل بسبب الصرامة التيكتكية في الهجوم اللي بتبحث عن ايجاد المساحات وانصاف المساحات وليس الافراد، وهو خوانما ليو زميله السابق
قائد الثورة دي بالنسبالي هو تاني لاعب تم اهدار حقه الموسم اللي فات،هو نجم الموسم الحالي بالثورة الجديدة اللي بيتم محاولة تطبيقها بشكل تدريجي وهو فيل فودين،فودين لاعب حر تحت المهاجم يرمح بالمساحات الضايقة بين الخطوط هو بيتغذي علي ده ويتفنن بده وف اول ماتشين اكتر من صنع فرص فالعالم
احنا قولنا فودين هو تاني اكتر لاعب تم اهدار حقه، بس الاول بكل تأكيد هو جوليان الڤاريز، الڤاريز بيتمتع بقدرات تقنية وفردية ممتعة مش مجرد مهاجم تقليدي،عنده الانسيابية انه يراوغ في مكان واي مساحة كانت ويسجل من لمسة وتمويه جسد عالطول ومش شرط يكون مهاجم، الموسم ده بيسجل كل ماتش تقريبا
والاضافة الهجومية المبهرة جناح اصلا بيب بيعتبرهم لاعيبة نمرودة وغير مرحب بيها في هيكل وسيستم لعبه الحذر تماما الغير قابل بمحاولات عديدة من المرواغات، وهو چيريمي دوكو،دوكو اضاف بعد مش موجود في السيتي بالحرية دي من اتخاذ القرارات الفردية، قراراته صح ومفيدة بجانب انه تقنيا خارق اصلا
بيب مكتفاش انه يضيف قدرات فردية في التلت الاخير بس لا بل اضاف كمان 2 خطوط وسط من النوعية برضو اللي مبقاش يحبذ ان يستخدمها وهي اللاعيبة الحاملة للكورة وبتراوغ في مساحات ضايقة، بيب يحب لاعب الوسط المتقدم الحر اللي مش عليه ضغط خلاص انه يحمل الكورة بدون ضغط وده بيكون امن فالاحتفاظ
والاتنين اللي اضافهم هما ماتيوس نونيز وكوفاسيتش لاعيبة بتحب تحمل الكورة تحت ضغط في المربع بتاعهم اللي طبعا بيب هيشارك فيه بافكاره لكنهم هيخلونا نستمتع بفردياتهم، حمل الكورة والمراوغة وبعدها التمرير لتطوير الهجمة شيء اساسي في اسلوب بيب ولكن بشكل امن، وجود الثنائي بيضيف خطورة ممتعة
بل كمان مشاركة المواهب اللي عندهم تقنية وفردية وحلول ومشاركة بشكل مستمر زي اللاعب الشاب اوسكار بوب ، هو اه اكيد له دور تكتيكي بدون كورة زيه زي دوكو بدون شك لكنه بالكورة بيتصرف بطريقة حرة وابداع فردي وشخصي منه وده ظهر امام فولهام الحقيقة
طب احنا لسه مستمتعناش بكورة بيب لحد دلوقتي...
ماهو طبيعي اكيد، لسه بدري جدا علي الثورة الجديدة دي بقيادة خوانما ليو قبل بيب كمان انها تتطبق بشكل كامل،مستحيل في يوم وليلة حاجة نمطية تقلب بفوضوي والفوضوي دي لازم تكون منظمة ولكن بشكل ميمنعش الابداع والتقنية كل ده هياخد وقت طويل جدا
ماهو طبيعي اكيد، لسه بدري جدا علي الثورة الجديدة دي بقيادة خوانما ليو قبل بيب كمان انها تتطبق بشكل كامل،مستحيل في يوم وليلة حاجة نمطية تقلب بفوضوي والفوضوي دي لازم تكون منظمة ولكن بشكل ميمنعش الابداع والتقنية كل ده هياخد وقت طويل جدا
تحقيق التوازن ده قطعا هياخد وقت، حاليا الفرديات في بناء اللعب بنمط معين دي اللي تقدر تحقق فيها التوازن ده باضافة لاعيبة كمان زي جفارديول علشان كده دي امتع مرحلة لعب سيتي بيقدمها، لازم كل خط وكل تلت ياخد وقته علشان يوصل للي عايز يحققه مع خوانما ليو في نهاية المطاف
#انتهي
#انتهي
جاري تحميل الاقتراحات...