📍ثريد :
هنا حاوضح كل التفاصيل عن موضوع البحث العلمي و الورقة البحثية و الكورسات الطبية المعتمدة و اخيرا كيفية عمل السيرة الذاتية و متطلبات المهنة "المجال الطبي خصوصاً"
ثريد طويل شديد بس مفيد جداً و في خبرتي و خبرة كل بروف اشتغل معاهو.
هنا حاوضح كل التفاصيل عن موضوع البحث العلمي و الورقة البحثية و الكورسات الطبية المعتمدة و اخيرا كيفية عمل السيرة الذاتية و متطلبات المهنة "المجال الطبي خصوصاً"
ثريد طويل شديد بس مفيد جداً و في خبرتي و خبرة كل بروف اشتغل معاهو.
📍اولا البحث العلمي:
قبل كل شي لازم لازم الزول يكون ملم بكل تفاصيل البحث و قرا ال research methodology سواء في الجامعة او كورسات في النت. تاني بعد داك بنجي لمرحلة التطبيق.
طيب اول شي السوبرفايزر مهم جدا و بديك خبرة سنين صعب عليك جدا تكتسبها في ايام، طيب لو ماف الحل شنو؟
قبل كل شي لازم لازم الزول يكون ملم بكل تفاصيل البحث و قرا ال research methodology سواء في الجامعة او كورسات في النت. تاني بعد داك بنجي لمرحلة التطبيق.
طيب اول شي السوبرفايزر مهم جدا و بديك خبرة سنين صعب عليك جدا تكتسبها في ايام، طيب لو ماف الحل شنو؟
الحل انك اول بحث تخش مع ناس عندهم خبرة في البحث و نشرو ابحاث في مجلات محترمة حتي لو ادوك دور minor، كدا حتتعلم منهم و تستفيد استفادة كبيرة و اهم شي اسال من اي شي العلم ما فيهو خجل ولا كبير.
طيب جاتك فكرة بحث و نفسك تعملو، الخطوات شنو و تتصرف كيف؟
طيب جاتك فكرة بحث و نفسك تعملو، الخطوات شنو و تتصرف كيف؟
اهم خطوة انك تبدأ، لو بديت ما بتكسل و بكون عندك حماس، اول شي اقعد شاور نفسك و صلح في الفكرة و شوف الدراسات القديمة و اقراها عديل و كدا حتكون كونت فكرتك و عرفت حتعمل شنو، بعد داك او ممكن قبل الخطوة الفاتت تشوف تيم يشتغل معاك بالذات لو ما عندك سوبرفايزر او خبرة كبيرة، بعد داك؟
تقعد انت و التيم بمزاج تعملو الكوتشنير و داك بكون من الدراسات القديمة و اي دراسة بتشيل منها سوال احفظها و طلع النتائج عشان بعدين طوالي تستخدمها في المناقشة و المقارنة و كدا بعدين بتكون ارتحت شديد.
طيب ما داير اعمل كوتشنير اعمل شنو؟
طيب ما داير اعمل كوتشنير اعمل شنو؟
انا عن ذات نفسي بحبذ انك تشوف checklist او scale جاهز و دا حيفيدك شديد في موضوع تلقى دراسات مشابهة 100% و عموما بكون شي مريح، المساوي انك حتكون محصور في الحاجة البقيسها ال scale بس و لو قلت تعمل كم واحد حتلقى الاسئلة بقت كتيرة شديد. طيب محاسن انك تعمل كوتشنير شنو؟
حتقلل عدد الاسئلة و حتسأل عن الحاجات الدايرها بالزبط و حتقدر تغطي كم موضوع، طيب المساؤي شنو؟ انك حتحتاج تعمل حاجة اسمها test of validity and reability و دي هنا بتحتاج تشوف بتاع استاتتستك يعملها ليك او السوبرفايزر يوجهك بالزبط تعمل شنو. طيب بعد عملت دا كلو تاني شنو؟
تاني انا بحبذ تبدأ طوالي الداتا كولكشن يا براكم كتيم او تجيبو داتا كولكتر تختو ليهم تارقت عالي و لو حصلوهو يبقو معاكم مشاركين في البحث، يلا فترة الكولكشن استفيد منها كيف؟ تستفيد منها طوالي بانك تبدا تقدم المقدمة و منهجية البحث. بعد خلصت و جمعت الداتا تاني شنو؟
تاني تحليل البيانات، الافضل الافضل دائما الحيشتغل التحليل يكون واحد من التيم، كدا خفضت التكلفة و حتضمن انو حيشتغل ليك بضمير شديد و كل ما جاء تعديل يعدلو، لو ماف زول في التيم كلموني انا بخش معاكم🙊، المهم لو ماف حتضطرو تدفعو لزول يعملها ليكم. بعد عملناها تاني شنو؟
تاني تبدو تزبطو النتائج لاقل عدد جداول و صور و حاولو الصور ما تكون انها لازم تطبع ملونة عشان في مجلات بتضيف رسوم في الصور اللازم تتطبع ملونة، عموما عدد الجداول و الصور خلوهم في حدود ٥ بس الا لو استدعت ضرورة يتزادو، طيب بعد عملت ديل اكتب الريزيلت كيف؟
كتجهيز مبدئي حتكتبها كلها تاني، حتى الفي الجداول و الرسوم تعيدها ( بعدين في مجلات بتطلب م تعيدها بتمسحها و خلاص و في مجلات بتطلبها فعشان كدا اخير تكتبها كلها)، بعد انتهيت من الكلام دا، متذكريين الدرسات الطلعها فوق دييك و لخصنا نتائج و ظبطناها، اي مالا يعني نعمل بيها شنو؟
تجيبو اكتر زول متمرس فيكم يقعد يكتب الديسكشن بمزاج و حاجة كدا تخلي الزول يقراهو لما يندمج و ينشرح و يقارن الداتا المهمة كلها مع الدرسات السابقة و يوضح من وجهة نظركم نتيجتكم جات زي البحوث السابقة او اختلفت منها لي. طيب بعد خلصنا المناقشة تاني فضل شنو؟
كدا خلاص حمدلله علي السلامة ما فضل شي غير تخت حاجة بسيطة بتطلبها المجلة زي ال data availability, conflict of, interest, aknowledgement, ethical concediration and referance
طيب ياخي ال ethical approval حنكو شنو؟
طيب ياخي ال ethical approval حنكو شنو؟
دا بعتمد علي حسب البحث، لو فيهو بيانات عيانين او هبشتهم ساي او اي معلومات حساسة لازم تطلعو من الجهة المعنية و لو لا ممكن ب informed consent تمشي الشغلة، بس دائما لو قدرت تطلعو طلعو و خليهو جاهز. طيب ال referance اكتبها كيف؟
دي هنا عموما بتختلف من كل مجلة بس انت جهزها بال vancover style و تاني بعد تشوف المجلة طالبة شنو بكون تعديلها ساهل. طيب اعملها كيف؟ عندك موقعين اسمهم cite this for me او mendely ممكن تشتغل بيهم و عموما مع الممارسة حتقدر تكتبهم براك. طيب بعد زبطت البير اعمل شنو؟
تجو تختارو المجلة و عموما من وقت شغالين في الورقة بتكونو بتفتشو مجلات و خاتين كم خيار، طيب اعرف افضل خيار كيف؟ اول حاجة تشوف مجلة قوية و دي بعرفها كيف؟ باني اشوف انها indexed وين و دي بتلقاها في الموقع، طيب احسن شي شنو؟
احسن شي طبعا تكون pubmed indexed و الخيار التاني scoups or web of Science indexd و تاني برضو تشوف ال impact factor و عموما من فوق ٥ ممتاز بس برضو ل ٣ مقبول لكن ما شي معتمد عليهو عشان في مجلات بتكتب رقم طلس ساي. طيب قبل دي كلو في حاجة اسمها المجلات المفترسة دي شنو؟!
دي اسمها ال predatory journal و دي مجلات لو نشرت فيها باعتبارك ضيعت بحثك، دي ما بتراجع البحوث و بتشيل قروشك بس و بتنشر ليك سريع، عموما في خواجة عمل لستة اسمها bell's list فيها المجلات دي بس مشكلتها اللستة اخر ابديت ليها 2019، طيب الحل؟
libguides.library.arizona.edu
الحل تقرا الكلام دا
libguides.library.arizona.edu
الحل تقرا الكلام دا
طيب بعد عرفت المجلة كويسة اعرف انها ممكن تقبل البحث كيف؟ اول شي تقرأ ال aim and scope كويس بتاعها لقيتو جاي مع بحث شديد مبروك،. حسيت نفسك ما متاكد شوف البحوث المنشورة لو في بحث نفس موضوعك بالزبط كدا مبروك تاني. طيب بعد بقيت علي المجلة الخطوة البعد دا شنو؟
طوالي تنزل ليك ٣ ابحاث و يا ريت لو قريبة لبحثك تقراها تمام عشان تعرف بطلبو شنو و نظامهم كيف و تعدل بحثك علي كدا و طبعا قبل دا بتشوف حاجة اسمها guide for author و تعمل بحثك زي ما مطلوب بالزبط بالزبط. و كدا القبول الاول شبه مضمون ان شاء الله و البحث حيخش المراجعة ، و بعدين؟
البحث حيتراجع و حيدوك النتيجة بعد مدة حسب المجلة ممكن تكون من شهر لي ٦ شهور. طيب من الاول اختار احسن مجلة كيف؟ شوف مجلة بتديك الموافقة الاولى سريع، لي؟ عشان ما ممكن نهائي ترسل البحث غير في مجلة واحدة او تنشرو في اكتر من مجلة. و تاني شي شوف مجلة نسبه قبولها عالية شوية، عالية كم؟
عموما اغلب المجلات المحترمة عالية دي بتكون ٣٠ ٪ فقط، فزبط بحثك و ما تتردد و اتوكل و الريجكشن عادي و طوالي زبط بحثك للمجلة البعدها بدون تتحبط و اتوكل.
طيب رسوم النشر كيف؟ 90٪ من المجلات المحترمة ما بتشيل قروش نهائي بس بتديك خيار انك تنشر البحث الناس تقراهو باشتراك، دي مشكلة؟
طيب رسوم النشر كيف؟ 90٪ من المجلات المحترمة ما بتشيل قروش نهائي بس بتديك خيار انك تنشر البحث الناس تقراهو باشتراك، دي مشكلة؟
ابدا ما مشكلة و ما باثر علي البحث و ممكن ناسك يقرو البحث بمواقع كتيرة بتفتح ليهم البحث. طيب قبل دا كلو في حاجة مهمة اسمها ال plagrisum دي شنو؟ دي السرقة الادبية و لو عملتها بحثك بترفض و في مجلات بتشيلها معاك و تكلم باقي المجلات المحترمة تدفنها ليك لو كنت سارق بحث عديل، طيب الحل؟
اغلب الناس بتقع فيها بالغلط في انها تنسخ الانترودكشن و كدا و دا شي غلط، مفروض تقرا الكلام و تلخصو باسلوبك بحيث ما يكون عندك ٥ كلمات ورا بعض شايلها من بحث قديم، طيب اضمن اني اتنجنبتها كيف و اكون في السيف سايد؟
بانك تفحص البيبر ببرامج زي grammerly او plagrisum X checker و الافضل بالبرنامج البتكون كاتباهو ليك المجلة. لو ما كاتبة الخيارات الفوق دي ممتازة.
كدي اخيرا خلصنا اطول موضوع و هو موضوع البحث و الورقة العلمية و اي سؤال اتفضل الدي ام بدون تردد💗.
كدي اخيرا خلصنا اطول موضوع و هو موضوع البحث و الورقة العلمية و اي سؤال اتفضل الدي ام بدون تردد💗.
📍تاني موضوع الكورسات:
عموما في موقع كورسيرا كورساتو ممتاز و معتمدة و في موقع medall في كورسات طبية كتيرة شديد و معتمدة و موتمرات و حاجات ممتازة جدا، تحت التويتة دي حاخت روابط تويتات مفيدة في موضوع الكورسات عموما و الطبية بالخصوص.
عموما في موقع كورسيرا كورساتو ممتاز و معتمدة و في موقع medall في كورسات طبية كتيرة شديد و معتمدة و موتمرات و حاجات ممتازة جدا، تحت التويتة دي حاخت روابط تويتات مفيدة في موضوع الكورسات عموما و الطبية بالخصوص.
📍اخيرا متطلبات المهنة :
اول شي ال CV ما تعمل بتاع البرامج، ما تعمل بتاع البرامح، ما تعمل بتاع البرامح عشرة مرات، طيب اعمل شنو؟ ببساطة اعملو زي الصور دي ( الكورسات بعد الخبرة هنا مرتبة غلط بس) او شوف ال europass او زي ما مطلوب من الجهة المقدم ليها
اول شي ال CV ما تعمل بتاع البرامج، ما تعمل بتاع البرامح، ما تعمل بتاع البرامح عشرة مرات، طيب اعمل شنو؟ ببساطة اعملو زي الصور دي ( الكورسات بعد الخبرة هنا مرتبة غلط بس) او شوف ال europass او زي ما مطلوب من الجهة المقدم ليها
طبعا كطالب او زول بادي جديد بتتوسع شوية في العمل الخيري و الطوعي و اي حاجات جانبية،. عموما الCV بتعمل فيهو كل شي بس لكا تجي تقدم بيهو بتخلي الحاجات البتقوي ليك فرصتك الوظيفة بس عشان ما تطولو شديد، تاني ال cover letter و الحاجات دي بسيطة و الزول لو شاف اي نموذج ليها خلاص
كدا نكون وصلنا لنهاية الكلام أخيراً، و يا ريت لو في اي تعديل لحاجة غلطت فيها او أضافة الزول ما يبخل بيها و شكرا ليكم و موفقين ❤️❤️
دا نموذج ل ال cover letter ، المحتوى بتكتبو حسب مطلوب منك شنو للجهة المرسل ليها، تعديل بسيط في ال CV الصورة الرابعة العنوان الما ظاهر مكتوب فيهو (paper & publishing).
و اخيرا يا ريت اي شخص قرأ الثريد يعمل ريتويت عشان لو في زول محتاجو يستفيد منو و يا ريت جدا لو في غلط تصلحوني.
و اخيرا يا ريت اي شخص قرأ الثريد يعمل ريتويت عشان لو في زول محتاجو يستفيد منو و يا ريت جدا لو في غلط تصلحوني.
جاري تحميل الاقتراحات...