التشتت بالنسبة لي: هو تشابك الأفكار الإبداعية لدرجة أني ما أقدر أنجز ولا وحدة منها.
والحل اللي وصلت له بحطه في الثريد:
والحل اللي وصلت له بحطه في الثريد:
أول شي أسويه أبعد نفسي عن أي محتوى يخليني أفكر فيه بطريقة إبداعية، أو يلهيني عن أفكاري الإبداعية.
مثلاً أنا أحدد 8 أيام شهرياً أبي أبدع فيها لباقي الشهر، كل أسبوع يومين، ولأن عملي يعتمد 80% على صناعة المحتوى، أحتاج تنقيح دقيق للمحتوى اللي أتعرض له قبل الموعد الإبداعي بيوم على الأقل 😅
بعدها النوم ليلاً يكفي عشان يخليني صفحة بيضاء من بكرة الصبح، وأحاول قدر الإمكان أني ما أتواصل مع أحد عشان لا يقول لي محتاجك في شغلة، لأن هذا اليوم مهم بالنسبة لي ويعتمد عليه باقي الأسبوع أو باقي الشهر.
وهنا أبدأ أتعرض فقط للمحتوى اللي يفيدني للإبداع في المجال اللي بشتغل عليه اليوم.
ممكن أؤجل التحليل والتدقيق لبكرة بس أهم شي أني أكتب أفكاري كلها على ورقة، مهما كانت الفكرة صغيرة أو كبيرة.
ممكن أؤجل التحليل والتدقيق لبكرة بس أهم شي أني أكتب أفكاري كلها على ورقة، مهما كانت الفكرة صغيرة أو كبيرة.
الخلاصة: سواء كنت صانع محتوى أو غيره، ضروري تقنن المحتوى اللي تتعرض له، طالب، موظف، صاحب مشروع، تركيزك وإنتاجيتك تعتمد على المحتوى اللي تشوفه يومياً.
جاري تحميل الاقتراحات...