فتحتي متجر والمبيعات صفررررررر؟
3 أخطاء لو صححتيها تزيد مبيعاتك أكثر من 50,000 ريال شهرياً :

1- تبيعين كل شيء:
ما عندك مجال محدد ماسكته وتمشين فيه لا أنتي تحطين كل المنتجات مثل ميكب وعناية وشموع وألعاب وشنط وجزم واكسسوارات وملابس، في بداياتك حددي مجال صغير واحترفي فيه وضيفي المجالات الثانية حبة حبة كلما زادت المبيعات.

2- متجرك غير واضح:
- الهوية صغيرة جداً وغير واضحة.
- الالوان خليط من كل لون وشكل.
- مافي أقسام واضحة وتخلي العميل ما يتشتت.
- صور المنتجات غير واضحة أو غير احترافية.
- مافي بيانات للتواصل.
- مافي وصف للمنتجات.
- وهذا كله ما يعطي أمان للعميل.

3- مشاكل في محتوى حسابك:
- عشان تحققين مبيعات بدون إعلانات لازم محتواك يطلع ترند مرة في الأسبوع على الأقل.
- ما بيطلع ترند إلا بالاستمرار.
- الاستمرار يعني تفاعل يومي 3 منشورات اقل شي.
- كثرة ظهورك يحسس العميل بالثقة.
- ممكن وحدة تبيع أغلى منك بس ناجحة لانها تظهر للعميل يومياً.

🟢 الحل:
- حددي مجال صغير عشان تركزين أكثر.
- حطي لوقو واضح وحجمه مناسب.
- حددي لونين فقط للمتجر لجذب العميل.
- حطي وصف واضح للمنتجات.
- حطي بيانات التواصل بشكل واضح.
- إذا تقدرين حطي دردشة فورية.
- انشري في صفحات التواصل 3 مرات يومياً اقل شي.
- تفاعلي مع الجمهور أو وظفي أحد يتفاعل.
- خدمة العملاء خليها أسرع.