المدرعات بفضل الله كانت عصية عليهم وانجغموا فيها وماتوا موت الضأن!
قالوا يجربوا حظهم في القيادة، اتفجغوا لحدي ما مستشفى شرق النيل والبان اتملت زايلي وزايل نعيمكي!
ملحوظة:
القيادة في بداية الحرب كملت الصفوة من مقاتلنهم وكانوا بهاجموها بعدد من الموجات والموجة من 50-70 عربة قتالية =

وتقريبا أول مرة في حياتهم يتضطروا يهاجموا 24/24 في ساعة، و يهاجموا بالليل!
الجنجويد معروفين بحاربوا الصباحات، ممكن يجوك قيل الفجر، لكن لمن الشمس تغرب، بيكسروا الحنك غالبا؛ الحرب دي غيرتهم وكانوا مضطرين، بسبب حلم السيطرة على القيادة، ففشلوا بفضل الله وحده!

ناس الحرابة بتاعنهم والشفاتة انجغموا على أبواب القيادة، كان بيتسارع الصفوة - العندهم حظ الأسد في كل شيء من الغنائم والمكاسب - لدخول القيادة عشان ينالوا شرف السيطرة الكانوا حالمين بيها ويمسكوا القيادات او يقتلوهم..
فقتلهم طموحهم..

هسي أهلهم الجاين فزعة - وما ناس حرابة شديد ولا مقاتلين أفزاز زي ديلك بس عددهم كبير - دايرين يدخلوا القيادة بعدما ماتوا أخوانهم بالكوم في المدرعات! اليوم كالعادة اتفجغوا وولوا الدبر بس بفضل ربنا سبحانه وحده..
الحمد لله