رتبها

الكارما
ما هي الكارما ؟
كتير بيسمع الكلمة ومعرفش معناها ، وكتير سموا بناتهم بالإسم ده من غير ما يعرفوا معناه إيه !
معناها الجزاء أو النمط السلبي المتكرر ..
فى سورة الزلزلة : "فَمَنْ يَعْمَلْ مِثْقَالَ ذَرَّةٍ خَيْرًا يَرَهُ"
دي إسمها (دارما) يعني شيء إيجابي .. جزاء إيجابي

"وَمَنْ يَعْمَلْ مِثْقَالَ ذَرَّةٍ شَرًّا يَرَهُ"
دي إسمها (كارما) يعني شيء سلبي .. جزاء سلبي
الكلمات جاية من الثقافة الشرقية الأسيوية ، لكنها لها معاني في ثقافتنا ودين الإسلام أو المسيحية أو اليهودية هتلاقي المعاني متطابقة في كل دين وثقافة مع اختلاف التعبير أو المصطلح ..

الكارما هي دائرة مغلقة ، بتلف وتدور فيها بدون وعي منك ، لأنك مش مدرك أسبابها الحقيقية اللي بتجذبك لتكرارها في حياتك .. في علم النفس مصطلح اسمه (التكرار القهري) اتكلم عنه دكتور محمد طه في كتبه كتير ، إن الإنسان بيفضل يكرر نمط سلوكي سلبي معين في حياته بدون وعي منه !

إما عشان يثبت لنفسه إنه ضحية ويعيش الدور ده أو ينتقم لنفسه من نفسه بدلا من اللي ظلمه !
وده بسبب الإيجو الزائف ..
الكارما بتنشأ إما بسبب اعتقاد معين في عقلك الباطن أو سلوك اتبرمجت عليه بسبب حادث نفسي اتعرضت له أو تجربة قاسية في حياتك ..

يعني مثلا .. شخص عنده اعتقاد إن الستات خاينه ، هيفضل دايما يجذب ستات خاينه لحياته ، ويتحول الأمر لكارما متكررة بسبب اعتقاده عشان يثبت لنفسه إنه صح واعتقاده صح وإن الستات خاينه .. لكن لو تحرر من المعتقد ده تماما ، كدا يكسر الكارما دي ويخرج منها للأبد ..

مثال تاني .. واحدة بتجذب لحياتها دايما أشخاص نرجسيين ، لأنها ما عرفتش في طفولتها من أسرتها يعني ايه حب صحي ، ما عرفتش يعني إيه شخصية سوية محبه ، بالتالي فكرتها عن الحب إنه ألم ودمار وعذاب وتضحية ، ما شافتش احترام أو حب سوي من أهلها ..

بالتالي عقلها الباطن بيجذب لحياتها ناس تكرر نفس السيناريو الحمضان ده ، رجل نرجسي يؤلمها يذلها يكسرها يعاملها وحش ، نفس معاملة أهلها ليها ، بس عقلك الباطن مش بيجذب لك النوعية دي عشان تسقفي لنفسك وتقولي أنا صح ، دا الرجاله نرجسيين ووحشين ، لا دا بيسمي إيجو أو كبرياء زائف ..

عقلك الباطن بيجذب ويكرر الكارما عشان يعطيك جرس إنه فيه حاجة غلط ، عشان تسأل نفسك ليه بكرر نفس الأشخاص السلبيين ، ليه بكرر نفس الفعل السلبي ، وتبدأ تبحث في ذكرياتك وتتحرر من أي ذكرى مؤلمة أو مشاعر مؤلمة عاملة نمط في حياتك يعني كارما ..

لما نفهم سبب النمط ونتعامل معاه بطريقة واعية نقدر نكسرها ..
ده غير انها جزاء ، جزاء لك على معتقد معين سلبي إنت مخزنه في عقلك ، لما تكتشفه وتتحرر منه ، كدا إنت كسرت الكارما
ندى مثال على شخص نرجسي ، دايما يؤذي اللي حواليه وخاصة الستات ..

لأنه متخزن في عقله الباطن مشاعر سلبيه معينه عن والدته بسبب مواقف منها في طفولته ، فقرر ينتقم منها في صورة كل الستات اللي يجذبها لحياته ، وكدا تحول الأمر لكارما
لو الشخص ده حصل عنده إدراك ووعي وتحرر من المشاعر السلبيه اللي سببت له الكارما دي خلاص ، يتوقف عنها تماما ..

لكنه هيدفع تمن كل اللي أذاهم في حياته؟
دي حاجة متروكة لله سبحانه وتعالى ، لأنه إذا أدرك وتاب ربنا هيسامحه إن شاء الله ، مسألة القصاص والعقاب دي حاجه بتاعة ربنا سبحانه وتعالى ، ما نحاولش نتدخل فيها لأنها فوق إدراكنا بكتير
لأن في نفس الوقت الضحايا اللي أذاهم كان عندهم كارما ..

عدم وضع حدود صحية ودور الضحيه وحاجات تانية كتير ، لأن صدقني ما حدش يقدر يإذيك غير إذا أنت سمحت له يؤذيك ، لأنك أساسا محمي من الله سبحانه وتعالى من ساعة ما خلقك ، عملك طاقة تحميك متمثلة في حاجات كتير منها حدسك الداخلي وصوت روحك جواك ..

إنت لو تخليت عن الحماية دي أو سماع الصوت ده ، كدا إنت اللي عملت لنفسك مشكله
موضوع الكارما واسع ومتشعب ، وده توضيح بسيط ومختصر ..
#خواطروقصص_أفروديت369

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة