انتهت سلسة سِيّر هل قطر اللي نشرتها على مدى العامين الماضيين بآخر قصة الجمعه الماضية،قصص حفظتها وسمعتها وهدفت من خلالها الى تعريف الاجيال الجديدة بسِيّر آباءنا وآمهاتنا وأجدادنا للإقتداء بهم في صبرهم وتواضعهم وتوكلهم على الله وتكاتفهم وثباتهم على الحق والترحم عليهم والدعاء لهم.
وجمعت منها ٨٧ قصة في كتاب سيصدر قريبًا باذن الله يحفظ جزء من الأدب الشعبي لقطر خلال حقبة زمنية قلت مصادر أخبارها وتشابكت أحداثها ليسلط ولو بعض الضوء على تلك الفترة ومن عاشها من أهلنا.
وأبدأ من اليوم نشر مواقف لإشخاص مرت بي مواقفهم للعبرة والفائدة وبعيدًا عن تفاصيل ابطالها وحياتهم
وأبدأ من اليوم نشر مواقف لإشخاص مرت بي مواقفهم للعبرة والفائدة وبعيدًا عن تفاصيل ابطالها وحياتهم
يقول عبدالرحمن سكنت الدوحه وأشتغلت كم سنه فيها وكنت كل اسبوع اروح اقضي اجازتي مع والديني لكبار في السن،ولما تحسنت حالتي أجرت بيت كبير في المنتزه وجبت امي وأبوي وسكنا فيه ، كان البيت واسع وبنيانه ممتاز دور ارضي فيه حديقة وشَرح، وكان صاحب البيت يمر كل شهر في سيارته مع سايقه يطق
الجرس عقب العصر وأظهر له بالإيجار وأخذ منه ايصال يكتبه بيده لي وفي كل مره اعزمه ينزل يتقهوى يتعذر ويقول عندي شغل، وكنت أشفق عليه من كبر سنه ومن حر سيارته القديمه اللي مافيها مكيف لا صيف ولا شتا.
يقول عبدالرحمن مرضت اختي وطرشونا علاج لندن وخليت ايجار شهرين عند أبوي ولا ظنيت نطول
يقول عبدالرحمن مرضت اختي وطرشونا علاج لندن وخليت ايجار شهرين عند أبوي ولا ظنيت نطول
ولكن تأخر علاج اختي في لندن اكثر من اربع اشهر وصاحب البيت مر يبغي ايجاره وابوي بلغه ان احنا مسافرين للعلاج، وقال له راعي البيت يصير خير يرجعون بالسلامه اذا رجع عبدالرحمن خله يجيني البيت ويجيب معاه الايجار المتأخر، أشكره ابوي على تساهله معانا ودعا له بالبركه.
يقول عبدالرحمن ثاني يوم من عودتنا من لندن بعد علاج اختي رحت بيت المؤجر حسب وصف ابوي واذا بيته مب بيت قصر بلية البلايا سوره أرفع من البيت اللي احنا ساكنينه، طقيت الباب ظهر لي السايق وعرفني وقال لي انتظر بكلم لك بابا، قلت مافي داعي عطه الايجار وبعدين اخذ الايصال ، قال لا بعدين بابا
زعلان لازم بابا شيل فلوس.
قلت زين وانتظرت شوي واذا هو طالع لي يتعكز على عصا وهذي كانت اول مره اشوفه واقف،وسلمت عليه وقال لي لازم اتقهوى قلت له مره ثانيه عجل باروح ، واذا بالسايق يطلع الدله من غرفته ومعاها كرسيين ويقعدنا عند الباب انا ومعزبه ويصب لنا قهوه ما ذقت أبرد ولا أمّر منها
قلت زين وانتظرت شوي واذا هو طالع لي يتعكز على عصا وهذي كانت اول مره اشوفه واقف،وسلمت عليه وقال لي لازم اتقهوى قلت له مره ثانيه عجل باروح ، واذا بالسايق يطلع الدله من غرفته ومعاها كرسيين ويقعدنا عند الباب انا ومعزبه ويصب لنا قهوه ما ذقت أبرد ولا أمّر منها
شربت فنيالي بالغصب وسلمته فلوسه وشكرته على صبره علينا وتسهلت وانا متعجب ومنصدم،ومن يومها والرجال صغر في عيني ما قلطني في مجلسه ولا ضيفني الا من دلة قهوة الصبح ويمكن امس.
مرت لسنين وهو على حاله ياخذ الايجار كل شهر بنفسه ويمر على باقي بيوته اللي حوالينا الى ان انقطع مره، فقلت اكيد
مرت لسنين وهو على حاله ياخذ الايجار كل شهر بنفسه ويمر على باقي بيوته اللي حوالينا الى ان انقطع مره، فقلت اكيد
نسى والا مر وما لقاني وخذت لفلوس ورحت بيته الضحى واذا السيارات عند بيته وزحمه واثرى عندهم عزا دخلت وطلع المتوفي راعي البيت اللي انا جاي اعطيه الايجار، والا مجلسه ضخم وفيه حوش كبير واستقبال وثريات والاثاث اكثره مخترب من القدم وسمعت من بعض اللي يتكلمون حذاي انه اول مره يفتحون مجلسه
من بنى بيته من ٣٥ سنه وانه حتى في العيد كان يجلس هو وعياله في الاستقبال بس ولا يفتحون باقي المجالس لين اخترب الاثاث وكلته الارضه وهو جديد محد استخدمه.
يقول عبدالرحمن عزيت ومشيت ولفلوس في مخباي وقلت مب وقته عقب اسبوع بارجع ادفع الايجار ولكن عقب ٣ ايام وصلني اخطار بتسليم البيت
يقول عبدالرحمن عزيت ومشيت ولفلوس في مخباي وقلت مب وقته عقب اسبوع بارجع ادفع الايجار ولكن عقب ٣ ايام وصلني اخطار بتسليم البيت
او دفع الايجار الجديد وهو ضعف الايجار الحالي .
خلصت الشهر واستلمت بيتي الشعبي من الاسكان ونقلت انا وابوي وامي وعطيت عيال صاحب البيت حقه وقلت الحمدلله على النعمه كم من غني وهو فقير وكم من فقير متغاني.
خلصت الشهر واستلمت بيتي الشعبي من الاسكان ونقلت انا وابوي وامي وعطيت عيال صاحب البيت حقه وقلت الحمدلله على النعمه كم من غني وهو فقير وكم من فقير متغاني.
جاري تحميل الاقتراحات...