انواع البياعين حسب الجنسية…(ملاطفة)
الهندي: اما يكون خواف يكسر الخاطر او كلكچي يغطك بالبحر ويطلعك ناشف!
السوري: يبيعك اغلى شي بالمحل وربحه 1000% وتالي يقولك معوضين.
الكويتي: اذا مشروعه شبابي وبحب يعني بيذبحك بالسعر من غير ما يسمي عليك!
المصري: حتى لو ما عنده السلعة يحاول يبيعك أي شي، ولما تصر على طلبك يقولك كان عندنا ولسه بايع آخر حبة.. علشان يسحن چبدك!
اللبناني: يعاملك انك ما تفهم ولا تعرف حتى مقاسك.. ويسطرلك أسماء زباينه الشيوخ وعوائل التجار علشان تقول واااو!
الإيراني: ملك الدراما يعطيك شخصية الانسان الزاهد العابد وتشتري منه علشان تاخذ ويه الله فيه!

الأردني: طريقته كلمة ورد غطاها.. واذا شريت خير وبركة، وان ما شريت بالطقاق!
العراقي: من يبتدي كلامه معاك الى ان تطلع من المحل وهو بس يحلف ويتكفر…سواء شريت او ما شريت!
الأهوازي: بعد دقيقتين من التعامل يحسسك أن بينكم عشرة وعلاقة طويلة فتتوهم ان عيب تشتري من واحد غيره.
البنغالي: اذا ما كاسرته عدل يكون بالميّت ضاربك بـ 5000%
البهري: يعطيك جو الطمأنينة والسلام، وهو ماكلك من الشق للشق..ولو تموت ما يكسر سعر بهري ثاني.

الباكستاني: يكلمك أنه بروفيسور بشغله…سواء كان معلم سيراميك او صحي او نجار.. واذا صار كشخة يحاچيك بلهجتك يعني ولد بطنها.
الفلبيني: وايد فريندلي ووايد يتأسف sorry
اليمني: تعامله سريع… يبي يخلص…ها ايه؟ لأ؟ شيل.. حط… آخر كلام…علشانك..او علشانش.. اللي تامر.. وآخر شي تكتشف انك شريت وشايل الكيس!