الناس اللي معاها شهادات بتقولك الشهادات مهمة … والناس اللي معاها خبرة ومش معاها شهادات بتقولك الخبرة أهم من الشهادات المهنية ….
الحقيقة مفيش حاجة أهم من حاجة ومنقدرش نعمم … لأن من وجهة نظري اللي بيحدد المهم والأهم هو احتياجك …
الحقيقة مفيش حاجة أهم من حاجة ومنقدرش نعمم … لأن من وجهة نظري اللي بيحدد المهم والأهم هو احتياجك …
يعني أعرف ناس ماسكين مناصب كبيرة ومرتباتهم بالدولار ومش معاهم شهادة، ولا فكر ياخد شهادة … وياخدها ليه؟ الراجل شغال شغلانة مُحترمة وعنده شوية مهارات شخصية وعارف كل كبيرة وصغيرة في شغله، يعني هو مش في احتياج ليها، فهل ده لازم نقوله الشهادة مهمة روح خدها؟ هيقولك روح ألعب بعيد ياض
واحد تاني معاه خبرة وشاطر جدًا … بس للأسف شركته بتنطط عليه وتقوله مش هتترقى ومرتبك يزيد إلا لما تاخد شهادة …
أو يكون عاوز يروح شركة كبيرة تانية … والشركة دي بتقوله عشان تيجي عندي لازم يكون معاك أي حاجة بتبدأ بحرف الــ C … مع إن عادي ممكن تروح تلاقي الشركة دي مش بتشتغل غير بــ 15% من اللي في الشهادات … فهنا الشخص ده في احتياج للشهادة أكبر من الخبرة …
يعني جدلية الشهادة ولا الخبرة أهم تختلف من شخص للتاني ولا يجب التعميم … واللي بيحددها هو احتياجك … والاحتياج ده اللي بيحدده ويفرضه عليك هي الرأسمالية يا نجم … الرأسمالية لو عاوزك تاخد شهادة هتاخدها غصب عنك حتى لو كنت تنين …
لكن ياسلام بقى لو الاثنين اجتمعوا مع بعض الخبرة والشهادة … يبقى فل أوي … بس في الأخر برده هتبص حواليك هتلاقي أن الحوار كله أرزاق يا معلم … فريح دماغك … بس أعمل اللي عليك وشوف احتياجاتك أيه …
والسلام …
والسلام …
جاري تحميل الاقتراحات...