في الثريد ذا حتكلم عن الحدّية برؤية تحليلية، اولا نلغي فكرة لزق ( مسمى ما ) على اي شخص ونعرف ان اسماء الامراض والاضطرابات بس عشان تصنيفها ( طبيا) ونجرب نتعامل مع الانسان بصفته اكبر من شوية اعراض مجتمعين مع بعض
الحدية مسمى انحط لشخصية عندها تقلبات حادة وميول انتحارية وتهورواندفاعية وغيره ، كل السمات ذي موجودة بنسب في كل البشر لكن عند الحديين هي قافلة العداد
الفكرة اننا مو مكاين بقطعية وحدة والمفروض نتعالج بطريقة وحدة ذا اكبر حاجة لاغية لتفرّد الانسان وانسانيته ، كل حدّي له شخصية مختلفة عن الثاني واعراضه جاية من جذور مختلفة ومواقف عمرها ماتتشابه مع سيناريو حياة غيره
وكل عرض برضه يخدم وظيفة معينة في حياته مثلا في حدي لما يخاف يأذي نفسه بشرب سجاير وواحد ثاني يصرف فلوس ع تفاهات
والحدي منتشر بين الذكور زيه زي الاناث ، مع احترامنا وتحفظنا على dsm واللي اتعدل فيه لاسباب كثير لاداعي لذكرها هنا
وياخذ بين الشكور شكل مختلف في التعبير عنه عند الاناث ، لكن الاكستريم موجود بحدّة
السؤال طيب اللي عانوا من والدين حديين او نرجسيين او او هل تاثروا ، نعم اكيد ، والحدي اللي فاهم نفسه وخاض رحلة علاجه بشجاعه حيكون واعي واب او ام حنون ومعطاء جدا لانهم اشخاص مرهفي الحس
جدا لذلك عندهم حتة الابداع والقدرة على استكشاف المعاني في حاجات ممكن امر عادي عن غيرهم ، اما الحدي المؤذي هو اللي غالبا معاه نرجسية وغياب الرغبة التامة في التغيير او فهم نفسه او حتى سؤال ايه انا عملت كذا ( تعاطف زيرو)
ولان واجب علينا نتكلم لابد نعرف اننا كبشر خليط من كل السمات واننا ممكن نتطرف في اي سمه لو مرينا بأي ضغط او فقدان احبة او ازمات انفصال او خسارة مادية او معنوية
ومن فينا مامرّ بكذا ؟ غير طبعا تاريخك اللي رسم ماانت عليه الان كلك على بعضك تشكيلة من ترومات متعددة اورجانيك 😂مش معنى انك ساكت وماشي يعني ماحصل شي
ذا امر طبيعي لكل انسان ترومات ( صدماته) اللي عاشها لانه ( مافي تربية مثالية على وجه الارض) في تربية جيدة الى حد ما ، وتربية منيّلة زرقا، ووحدة سودا ، ووحدة رابحة في داهية
المهم معرفة كل ماحصل في حياتي عمل فيا ايش ، وطلّعني اتعامل مع نفسي والناس كيف ، وكل ماانحفر في الذاكرة شكّلني كيف ؟ وهل حمتلك الرغبة والارادة والشجاعة والتقبل لتغيير ما ارغب تغييره ؟ ولا حعيش على الله حكايتي ؟
جاري تحميل الاقتراحات...